ନୂଆଦିଲ୍ଲୀ,୨୫।୨: ନ୍ୟୁଜିଲାଣ୍ଡର ଓପନର ମାର୍ଟିନ୍ ଗୁପ୍ତିଲ କରିଛନ୍ତି ଟି୨୦ ବିଶ୍ୱ ରେକର୍ଡ। ଅଷ୍ଟ୍ରେଲିଆ ବିପକ୍ଷ ଦ୍ୱିତୀୟ ଟି୨୦ ମ୍ୟାଚ୍ରେ ୫୦ ବଲ୍ରେ ୬ ଚୌକା, ୮ ଛକାର ବିସ୍ଫୋରକ ପାଳି ଖେଳି ୯୭ ରନ୍ କରିଥିଲେ। ଏଥିଯୋଗୁ ଦଳ ଅଷ୍ଟ୍ରେଲିଆକୁ ୨୦ ଓଭରରେ ୭ ଉଇକେଟ ହରାଇ ୨୧୯ରନ୍ର ବିଶାଳ ଲକ୍ଷ୍ୟ ଦେଇଥିଲା।
ମ୍ୟାଚ୍ରେ ଗୁପ୍ତିଲ ଟି୨୦ ଅନ୍ତର୍ଜାତୀୟ ମ୍ୟାଚ୍ରେ ଓପନର୍ ଭାବେ ସବୁଠାରୁ ଅଧିକ ଅର୍ଦ୍ଧଶତକ ମାରିଥିବା ବ୍ୟାଟ୍ସମ୍ୟାନ୍ ତାଲିକାର ଦ୍ୱିତୀୟ ସ୍ଥାନରେ ପହଞ୍ଚିଛନ୍ତି। ଏହା ତାଙ୍କର ୧୮ତମ ଅର୍ଦ୍ଧଶତକ ଥିଲା। ଏହି ତାଲିକାର ଶୀର୍ଷରେ ଭାରତର ରୋହିତ ଶର୍ମା ଅଛନ୍ତି। ସେ ଓପନର ଭାବେ ୨୦ ଅର୍ଦ୍ଧଶତକ ମାରିଛନ୍ତି।
ଅପରପକ୍ଷେ ଗୁପ୍ତିଲଙ୍କୁ ଆଇପିଏଲ୍ ନିଲାମୀରେ କ୍ରେତା ମିଳି ନ ଥିଲେ। ତାଙ୍କର ବେସ୍ ପ୍ରାଇସ୍ ୫୦ ଲକ୍ଷ ରହିଥିଲା। ହେଲେ କୌଣସି ଫ୍ରାଞ୍ଚାଇଜ୍ ତାଙ୍କୁ କିଣିବାକୁ ଇଚ୍ଛା ପ୍ରକାଶ କରି ନ ଥିଲେ।
