ପଞ୍ଚାଙ୍ଗ ଅନୁସାରେ, ସାହସ ଓ ପରାକ୍ରମର କାରକ ଗ୍ରହ ମଙ୍ଗଳ ୨ ସେପ୍ଟେମ୍ବର ୨୦୨୬, ବୁଧବାର ଦିନ ଆର୍ଦ୍ରା ନକ୍ଷତ୍ରରୁ ପୁନର୍ବସୁ ନକ୍ଷତ୍ରରେ ପ୍ରବେଶ କରିଛନ୍ତି । ମଙ୍ଗଳ ୨୪ ସେପ୍ଟେମ୍ବର ପର୍ଯ୍ୟନ୍ତ ଏହି ନକ୍ଷତ୍ରରେ ରହିବେ। ପୁନର୍ବସୁ ନକ୍ଷତ୍ରର ସ୍ୱାମୀ ହେଉଛନ୍ତି ଦେବଗୁରୁ ବୃହସ୍ପତି। ଜ୍ୟୋତିଷ ଶାସ୍ତ୍ରରେ ମଙ୍ଗଳ ଓ ବୃହସ୍ପତିଙ୍କ ମଧ୍ୟରେ ବନ୍ଧୁତ୍ୱର ସମ୍ପର୍କ ରହିଛିନ। ତେଣୁ ମଙ୍ଗଳଙ୍କ ଉପରେ ଗୁରୁଙ୍କ ଏହି ଶୁଭ ପ୍ରଭାବ ‘ଜ୍ଞାନ ଓ ପରାକ୍ରମ’ର ଏକ ବିଶେଷ ସଂଯୋଗ ସୃଷ୍ଟି କରିବ ବୋଲି ଜ୍ୟୋତିଷ ମତ ରହିଛି।
ଏହି ୨୨ ଦିନର ଅବଧିରେ ୪ଟି ରାଶିର ଜାତକଙ୍କୁ ବିଶେଷ ଲାଭ ଓ ଉନ୍ନତି ମିଳିବାର ସମ୍ଭାବନା ରହିଛି।
ମେଷ- ଏହି ରାଶିର ସ୍ୱାମୀ ନିଜେ ମଙ୍ଗଳ ହୋଇଥିବାରୁ ଗୁରୁଙ୍କ ନକ୍ଷତ୍ରରେ ତାଙ୍କ ପ୍ରବେଶ ମେଷ ରାଶି ପାଇଁ ଶୁଭ ରହିବ। ସାହସ, ପରାକ୍ରମ ଓ ଆତ୍ମବିଶ୍ୱାସ ବଢ଼ିବ । ଦୀର୍ଘଦିନ ଧରି ଅଟକିଥିବା କାମ ଗତି ଧରିପାରେ । କାର୍ଯ୍ୟକ୍ଷେତ୍ରରେ ଆପଣଙ୍କ ନିଷ୍ପତ୍ତିର ପ୍ରଶଂସା ହୋଇପାରେ। ନୂଆ ଦାୟିତ୍ୱ ମିଳିବା ସହ ଛୋଟ ଭାଇ-ଭଉଣୀଙ୍କ ସହଯୋଗ ମଧ୍ୟ ମିଳିବ। ପରିବାରରେ ସୁଖ-ଶାନ୍ତି ବଜାୟ ରହିବ।
ସିଂହ- ମଙ୍ଗଳ ଓ ବୃହସ୍ପତି ଉଭୟେ ବନ୍ଧୁ ଗ୍ରହ ବୋଲି ଜ୍ୟୋତିଷ ଶାସ୍ତ୍ରରେ କୁହାଯାଏ । ଏହି ନକ୍ଷତ୍ର ପରିବର୍ତ୍ତନରେ ଆୟର ନୂଆ ଉତ୍ସ ଖୋଲିପାରେ । ଅଟକିଥିବା ଟଙ୍କା ଫେରି ମିଳିବାର ଯୋଗ ରହିଛି। ଛାତ୍ରୀଛାତ୍ର ଓ ପ୍ରତିଯୋଗିତାମୂଳକ ପରୀକ୍ଷା ପାଇଁ ପ୍ରସ୍ତୁତ ହେଉଥିବା ଲୋକଙ୍କୁ ପରିଶ୍ରମର ଭଲ ଫଳ ମିଳିପାରେ। ପୁରୁଣା ରୋଗରୁ ମଧ୍ୟ ଆରାମ ମିଳିବାର ସମ୍ଭାବନା ରହିଛି।
ଧନୁ- ଏହି ରାଶିର ସ୍ୱାମୀ ହେଉଛନ୍ତି ଦେବଗୁରୁ ବୃହସ୍ପତି। ତେଣୁ ତାଙ୍କ ନକ୍ଷତ୍ରରେ ମଙ୍ଗଳଙ୍କ ପ୍ରବେଶ ଧନୁ ରାଶି ପାଇଁ ଲାଭଦାୟକ ରହିପାରେ। ଚାକିରିଆଙ୍କୁ ପଦୋନ୍ନତି କିମ୍ବା ଆୟ ବୃଦ୍ଧିର ଖୁସି ଖବର ମିଳିପାରେ। ବ୍ୟବସାୟରେ ନୂଆ ଚୁକ୍ତି ଲାଭଦାୟକ ହୋଇପାରେ। ସମାଜ ଓ କାର୍ଯ୍ୟକ୍ଷେତ୍ରରେ ପ୍ରତିଷ୍ଠା ବଢ଼ିବ। ବରିଷ୍ଠ ଅଧିକାରୀଙ୍କ ସହ ସମ୍ପର୍କ ମଜବୁତ ହୋଇପାରେ। ନୂଆ ପ୍ରୋଜେକ୍ଟ କିମ୍ବା ନିବେଶ ଯୋଜନା ପାଇଁ ଏହି ସମୟ ଅନୁକୂଳ ରହିପାରେ।
ମୀନ-ମଙ୍ଗଳଙ୍କ ଏହି ନକ୍ଷତ୍ର ପରିବର୍ତ୍ତନ ମୀନ ରାଶି ପାଇଁ ଭାଗ୍ୟଶାଳୀ ହୋଇପାରେ। ଭାଗ୍ୟର ସାଥ୍ ମିଳିବାରୁ ଜଟିଳ ସମସ୍ୟାଗୁଡ଼ିକ ସହଜରେ ସମାଧାନ ହୋଇପାରେ। ଧାର୍ମିକ ଓ ମାଙ୍ଗଳିକ କାର୍ଯ୍ୟ ପ୍ରତି ଆଗ୍ରହ ବଢ଼ିବ। ବ୍ୟବସାୟିକ ଯାତ୍ରା ଲାଭଦାୟକ ହୋଇପାରେ। ଜମି, ଘର କିମ୍ବା ଗାଡ଼ି କିଣିବାର ଯୋଗ ମଧ୍ୟ ସୃଷ୍ଟି ହୋଇପାରେ।