ନୂଆଦିଲ୍ଲୀ,୧୪।୧୨: ସୁପ୍ରିମକୋର୍ଟ କହିଛନ୍ତି ଯେ ବୈବାହିକ ବଳାତ୍କାରକୁ ଆଇନଗତ କରୁଥିବା ଭାରତୀୟ ଦଣ୍ଡବିଧି ଆଇନର ଧାରା ୩୭୫ ଅନୁଯାୟୀ ପ୍ରଦାନ କରାଯାଇଥିବା ବ୍ୟତିକ୍ରମର ସାମ୍ବିଧାନିକ ବୈଧତାକୁ ଚ୍ୟାଲେଞ୍ଜ କରିବା ସହ କର୍ନାଟକ ହାଇକୋର୍ଟ ଏବଂ ଦିଲ୍ଲୀ ହାଇକୋର୍ଟଙ୍କ ରାୟ ବିରୋଧରେ ଏହା ଶୁଣାଣି ହେବ। ଦାଖଲ ହୋଇଥିବା ଆବେଦନଗୁଡ଼ିକର ଶୁଣାଣି ନୂଆ ବର୍ଷରେ ଜାନୁଆରୀ ଦ୍ୱିତୀୟ ସପ୍ତାହରେ ହେବ।
ପ୍ରଧାନ ବିଚାରପତି (ସିଜେଆଇ) ଜଷ୍ଟିସ ଡି.ଓ୍ବାଇ.ଚନ୍ଦ୍ରଚୂଡ଼ ଏବଂ ଜଷ୍ଟିସ ପିଏସ ନରସିଂହଙ୍କ ଏକ ଡିଭିଜନ ବେଞ୍ଚ ବରିଷ୍ଠ ଆଇନଜୀବୀ ଇନ୍ଦିରା ଜୟସିଂଙ୍କ ଦ୍ୱାରା ଦାଖଲ କରାଯାଇଥିବା ଏହି ମାମଲାର ଶୁଣାଣି କରିବେ। ବାକୁ ମନାଇବା ପାଇଁ କଠିନ ସଂଘର୍ଷ କରିବାକୁ ପଡିବ। ଧାରା ୩୭୫ରେ ‘ବ୍ୟତିକ୍ରମ’ ହଟିଲେ ଅର୍ଥାତ୍ ଏହା ସପକ୍ଷରେ ଶୀର୍ଷକୋର୍ଟଙ୍କ ରାୟ ଆସିଲେ ବୈବାହିକ ବଳାତ୍କାରକୁ ଆଇପିସିର ଧାରା ୩୭୬ ଅନୁଯାୟୀ ଦଣ୍ଡନୀୟ ହେବ। ଆଇପିସିର ଧାରା ୨୭୫ ବଳାତ୍କାର ଅପରାଧକୁ ବ୍ୟାଖ୍ୟା କରେ କିନ୍ତୁ ଏକ ବ୍ୟତିକ୍ରମ ପ୍ରଦାନ କରେ ଯେଉଁଥିରେ ଜଣେ ବ୍ୟକ୍ତି ନିଜ ସ୍ତ୍ରୀଙ୍କ ସହିତ ଯୌନ ସମ୍ପର୍କ (ଯଦି ସ୍ତ୍ରୀ ୧୫ ବର୍ଷରୁ କମ ନୁହଁନ୍ତି) ରଖିବା ବଳାତ୍କାର ନୁହେଁ।]
ଜୁଲାଇରେ ସୁପ୍ରିମକୋର୍ଟ କର୍ନାଟକ ହାଇକୋର୍ଟଙ୍କ ମାର୍ଚ୍ଚ ୨୩ର ରାୟ ଉପରେ ରୋକ ଲଗାଇ ଥିଲେ। ଏହି ରାୟ ସ୍ତ୍ରୀଙ୍କ ଇଛା ବିରୁଦ୍ଧରେ ଯୌନ ସମ୍ପର୍କ ରଖିଲେ ସ୍ବାମୀଙ୍କ ବିରୋଧରେ ମାମଲା ରୁଜୁ କରିବାକୁ ଅନୁମତି ଦେଇଥିଲେ। ହାଇକୋର୍ଟ କହିଥିଲେ, ଆଇନ ନିର୍ମାତାମାନେ ଆଇନରେ ଏଭଳି ପାର୍ଥକ୍ୟର ଅସ୍ତିତ୍ୱ ଉପରେ ବିଚାର କରିବା ଉଚିତ। ଯୁଗ ଯୁଗ ଧରି, ସ୍ବାମୀ ଭାବରେ ପୁରୁଷମାନେ ନିଜ ସ୍ତ୍ରୀଙ୍କୁ ସେମାନଙ୍କର ସମ୍ପତ୍ତି ଭାବରେ ବିବେଚନା କରୁଛନ୍ତି । ଏହା ଏକ ପୁରୁଣା ଚିନ୍ତାଧାରା ଏବଂ ପରମ୍ପରା ଯେ ସ୍ବାମୀମାନେ ସେମାନଙ୍କ ସ୍ତ୍ରୀମାନଙ୍କର ଶାସକ ଅଟନ୍ତି, ସେମାନଙ୍କର ଶରୀର, ମନ ଏବଂ ଆତ୍ମା ଉପରେ ସେମାନଙ୍କର ଅଧିକାର ରହିଛି। ଏହା ସମାପ୍ତ ହେବା ଉଚିତ। ଏହା କେବଳ ପ୍ରାଚୀନ, ପ୍ରତିକ୍ରିୟାଶୀଳ ଏବଂ ପୂର୍ବ ଧାରଣା ଉପରେ ନିର୍ଭର କରେ। ଦେଶରେ ଏଭଳି ମାମଲା ଦ୍ରୁତ ଗତିରେ ବୃଦ୍ଧି ପାଉଛି।
୧୧ ମେ‘ରେ, ଦିଲ୍ଲୀ ହାଇକୋର୍ଟର ଜଷ୍ଟିସ ରାଜୀବ ଶକଧର ଏବଂ ଜଷ୍ଟିସ ହରି ଶଙ୍କରଙ୍କ ଏକ ବେଞ୍ଚ ଆଇପିସିର ଧାରା ୩୭୫କୁ ବ୍ୟତିକ୍ରମର ସାମ୍ବିଧାନିକତା ଉପରେ ବିଭାଜିତ ରାୟ ଦେଇଥିଲେ।
ଜଷ୍ଟିସ ଶକଧର ଏହାକୁ ଅସାମ୍ବିଧାନିକ ବୋଲି କହିଥିବାବେଳେ ଜଷ୍ଟିସ ଶଙ୍କର ଆବେଦନକାରୀଙ୍କ ଯୁକ୍ତିକୁ ଖାରଜ କରିଥିଲେ। ତେବେ ସୁପ୍ରିମକୋର୍ଟରେ ଆବେଦନ କରିବା ପାଇଁ ଉଭୟ ଜଜ ଏକ ପ୍ରମାଣପତ୍ର ପ୍ରଦାନ କରିବାକୁ ସହମତ ହୋଇଥିଲେ।
ଅକ୍ଟୋବର ୨୦୧୭ ରେ, ସୁପ୍ରିମକୋର୍ଟ ଏକ ଗୁରୁତ୍ୱପୂର୍ଣ୍ଣ ଫଇସଲାରେ କହିଥିଲେ ଯେ ୧୮ ବର୍ଷରୁ କମ ପୁରୁଷ ଏବଂ ତାଙ୍କ ସ୍ତ୍ରୀଙ୍କ ମଧ୍ୟରେ ଯୌନ ସମ୍ପର୍କକୁ ବଳାତ୍କାର କୁହାଯିବ। ଆଇପିସି ଅନ୍ତର୍ଗତ ଏହି ମାମଲାରେ ୧୦ ବର୍ଷ ପର୍ଯ୍ୟନ୍ତ କାରାଦଣ୍ଡରେ ସ୍ବାମୀଙ୍କୁ ଦଣ୍ଡିତ କରାଯାଇପାରେ କିମ୍ବା ପୋକ୍ସା ଅଧିନିୟମ ଅନୁଯାୟୀ ଆଜୀବନ କାରାଦଣ୍ଡ ମଧ୍ୟ ହୋଇପାରେ।
ଧାରା ୩୭୫ ଅନୁଯାୟୀ, ଯଦି ସ୍ତ୍ରୀଙ୍କ ବୟସ ୧୮ ବର୍ଷରୁ ଅଧିକ। ତେବେ ସ୍ବାମୀଙ୍କ ଦ୍ୱାରା ହୋଇଥିବା ସମ୍ପର୍କ ବଳାତ୍କାର ନୁହେଁ।
ଯଦିଓ ଏଥିପାଇଁ ସ୍ବାମୀ ସ୍ତ୍ରୀଙ୍କ ଇଚ୍ଛା ବିରୁଦ୍ଧରେ ଏପରି କରିଥାନ୍ତୁ। ଏହି ବ୍ୟତିକ୍ରମର ଆଇନଗତ ବୈଧତାକୁ ଚ୍ୟାଲେଞ୍ଜ କରାଯାଇଛି ।