ରାୟଗଡ଼ା/କଲ୍ୟାଣସିଂହପୁର,୧୪।୨(ଆଶିଷ ରଞ୍ଜନ ପଣ୍ଡା/ଦୀପକ କୁମାର ପରିଡ଼ା):ମାଓବାଦୀ ନେତା ନିଖିଲ ଓ ଇନ୍ଦୁଙ୍କ ସମେତ ୧୫ଜଣ ମାଓବାଦୀ ଆତ୍ମସମର୍ପଣ ପରେ ରାୟଗଡ଼ା ଜିଲା ଏକ ପ୍ରକାର ମାଓମୁକ୍ତ ଅଞ୍ଚଳ ହୋଇଥିବା ନେଇ ପୋଲିସ ଆଶ୍ୱସ୍ତି ପ୍ରକାଶ କରିଥିଲା। ହେଲେ ଠିକ୍ ଏହାର ସପ୍ତାହ ପରେ ଶୁକ୍ରବାର ପୁଣି ଥରେ ରାୟଗଡ଼ା ଜିଲାର ୩ଟି ସ୍ଥାନରେ ମାଓବାଦୀ ବ୍ୟାନର ଲାଗିଥିବା ଦେଖିବାକୁ ମିଳିଛି। ଏହି ବ୍ୟାନର ମାରି ମାଓବାଦୀମାନେ ଜିଲାରେ ନିଜ ଉପସ୍ଥିତି ଜାହିର କରିଛନ୍ତି।
ରାୟଗଡ଼ା ସହର ଉପକଣ୍ଠ ବାଇସିଂ ପଞ୍ଚାୟତ ଧୁମାଗୁଡ଼ା ବସ୍ଷ୍ଟପ, ଚାନ୍ଦିଲି ଥାନା ଅଧୀନ ପାଇକପଡ଼ା ଓ କଲ୍ୟାଣସିଂହପୁର ବ୍ଲକ୍ର ବୁଡ଼ାଗୁଡ଼ା ପଞ୍ଚାୟତ କୁମ୍ଭାଗୁଡ଼ା ଛକରେ ମାଓବାଦୀ ବ୍ୟାନର ଲାଗିଥିଲା। ଭ୍ୟୁ ପଏଣ୍ଟକୁ ଲୋକେ ମନର୍ିଂ ୱାକ୍ରେ ଯିବା ସମୟରେ ଧୁମାଗୁଡ଼ା ବସ୍ଷ୍ଟପ୍ରେ ସିପିଆଇ ମାଓବାଦୀ ସଙ୍ଗଠନ ପକ୍ଷରୁ ବ୍ୟାନର ଲାଗିଥିବା ଦେଖିବାକୁ ପାଇଥିଲେ। ସମସ୍ତ ବ୍ୟାନରରେ ଏକପ୍ରକାର ତଥ୍ୟ ରହିଛି। ମାଓବାଦୀ ନେତା ସବ୍ୟସାଚୀ ପଣ୍ଡା, ଆଜାଦ୍, ଉଦୟ ଓ ନିଖିଲ ଆଦିବାସୀ ନ ଥିଲେ। ସେମାନେ ଆଦିବାସୀଙ୍କୁ ମାଓବାଦୀ ସଙ୍ଗଠନରେ ସାମିଲ କରାଇ ତାଙ୍କ ଉପରେ ଅତ୍ୟାଚାର କରୁଥିଲେ ବୋଲି ଉକ୍ତ ବ୍ୟାନରରେ ଉଲ୍ଲେଖ ରହିଛି। ଏହାର ଜବାବ ଏବେ ଦେବା ପାଇଁ ପ୍ରସ୍ତୁତ ଅଛୁ ବୋଲି ସିପିଆଇ ମାଓବାଦୀ ରାଜ୍ୟ ସମ୍ପାଦକ ମେଘ ଜାନୀ ଏବଂ ଡଂବାଇ ମାଝି ଦାବି କରିଥିବା ଉକ୍ତ ବ୍ୟାନରରେ ଉଲ୍ଲେଖ ରହିଛି। ଏଥିସହ କେବିକେ ଡିଭିଜନରେ ରହିଥିବା ଉତ୍କଳ ଆଲୁମିନା ଏବଂ ଆଦିତ୍ୟ ବିର୍ଲା ସମେତ ଅନ୍ୟ କମ୍ପାନୀ ଆଦିବାସୀଙ୍କୁ ଶୋଷଣ କରିବାରୁ ନିବୃତ ରୁହନ୍ତ ବୋଲି ଚେତାବନୀ ଦିଆଯାଇଛି। ମାଓବାଦୀ ବ୍ୟାନର ଲାଗିଥିବା ଖବରପାଇ ସିଆର୍ପିଏଫ୍ ଯବାନଙ୍କ ସମେତ ବମ୍ ସ୍କ୍ବାଡ୍ ସେଠାରେ ପହଞ୍ଚତ୍ ବ୍ୟାନରକୁ ବାହାରକରିବା ସହ ଆଖପାଖ ସ୍ଥାନରେ ତନାଘନା କରିଥିଲେ। ସୁରକ୍ଷା ଦୃଷ୍ଟିରୁ ବ୍ୟାପକ ଫୋର୍ସ ମୁତୟନ କରାଯାଇଥିଲା। ଶେଷଖାଲ ପୋଲିସ ମଧ୍ୟ ଖବରପାଇ ଘଟଣାସ୍ଥଳରେ ପହଞ୍ଚତ୍ ସ୍ଥିତି ଯାଞ୍ଚକରିବା ସହ ମାମଲା ରୁଜୁକରି ତଦନ୍ତ ଆରମ୍ଭ କରିଛି। ପାଇକପଡ଼ା ଏବଂ କୁମ୍ଭାରଗୁଡ଼ା ଛକରେ ଲାଗିଥିବା ମାଓବାଦୀ ବ୍ୟାନର ମଧ୍ୟ ପୋଲିସ ଜବତ କରିଛି। ମାଓବାଦୀ ବ୍ୟାନର ଜବତ ପରେ ଅତିରିକ୍ତ ଏସ୍ପି ଅମୂଲ୍ୟ ଧର ଏକ ଖବରଦାତା ସମ୍ମିଳନୀ କରିଥିଲେ। ଏହା ଅସଲି କି ନକଲି ତାହାର ତଦନ୍ତ କରାଯାଉଛି। କେହି ଆତଙ୍କିତ ନ ହେବା ପାଇଁ ସେ ଅନୁରୋଧ କରିଛନ୍ତି।
Dharitri – Odisha’s No.1 Odia Daily
