ମୁମ୍ବାଇ: ପୂର୍ବତନ ମିସ୍ ୱାର୍ଲଡ ମାନୁଷି ଛିଲର ବଲିଉଡ୍ରେ ଡେବ୍ୟୁ କରିବାକୁ ଯାଉଛନ୍ତି । ଖିଲାଡି ବୟ ଅକ୍ଷୟ କୁମାରଙ୍କ ଫିଲ୍ମ ‘ପୃଥ୍ୱିରାଜ’ ମାଧ୍ୟମରେ ସେ ବଲିଉଡ୍ରେ ଡେବ୍ୟୁ କରିବାକୁ ଯାଉଛନ୍ତି । ଚନ୍ଦ୍ରପ୍ରକାଶ ଦ୍ୱିବେଦିଙ୍କ ନିର୍ଦ୍ଦେଶିତ ଏହି ଫିଲ୍ମରେ ପୃଥ୍ୱିରାଜଙ୍କ ଜୀବନୀକୁ ସ୍ଥାନିତ କରାଯାଇଛି । ଏଥିରେ ଅକ୍ଷୟ ପୃଥ୍ୱିରାଜଙ୍କ ଭୂମିକାରେ ନଜର ଆସିବାକୁ ଥିବା ବେଳେ ମାନୁଷି ସଂୟୋଗିତା ଚରିତ୍ରରେ ନଜର ଆସିବେ । ଏହାପରେ ସେ ଭିକ୍କି କୌଶଲଙ୍କ ସହ ଆଉ ଏକ ଫିଲ୍ମିରେ ନଜର ଆସିବେ ବୋଲି ଜଣାପଡିଛି । ସୂଚନାଯୋଗ୍ୟ, ମାନୁଷି କିନ୍ତୁ ଭବିଷ୍ୟତରେ ନିର୍ଦ୍ଦେଶକ ଏସ୍ଏସ୍ ରାଜାମୌଳିଙ୍କ ସହ କାମ କରିବାକୁ ସ୍ୱପ୍ନ ଦେଖିଛନ୍ତି । ସେ କହିଛନ୍ତି ରାଜାମୌଳି ସାର୍୍ ଏବେ ତାଙ୍କ କାମ ଦେଖନ୍ତୁ ଦିନେ ନା ଦିନେ ସେ ତାଙ୍କ କାମକୁ ପସନ୍ଦ କରିବେ ଓ ତାଙ୍କ ଫିଲ୍ମରେ କାମ କରିବାର ସୁଯୋଗ ମାନୁଷିଙ୍କୁ ମିଳିବ । ରାଜମୌଳିଙ୍କ ନିର୍ଦ୍ଦେଶିତ ଫିଲ୍ମ ବାହୁବଳି ଓ ମଗଧିର ତାଙ୍କ ପସନ୍ଦର ଫିଲ୍ମ ବୋଲି ମାନୁଷି କହିଛନ୍ତି ।
