ଚଣ୍ଡିଗଡ,୧୮।୧: ପଞ୍ଜାବ କଂଗ୍ରେସକୁ ବଡ଼ ଝଟ୍କା ଲାଗିଛି। ଏଠାରେ ସିଦ୍ଧୁଙ୍କ ନିକଟତର ତଥା ଜଣେ ଶକ୍ତିଶାଳୀ ନେତା ମନପ୍ରୀତ ବାଦଲ କଂଗ୍ରେସରୁ ଇସ୍ତଫା ଦେଇଛନ୍ତି। ସେ ତାଙ୍କ ଇସ୍ତଫା ପୂର୍ବତନ କଂଗ୍ରେସ ସଭାପତି ରାହୁଲ ଗାନ୍ଧୀଙ୍କ ନିକଟକୁ ପଠାଇଛନ୍ତି। ରାହୁଲ ଗାନ୍ଧୀଙ୍କ ନିକଟକୁ ଇସ୍ତଫା ପଠାଇବାର କିଛି ସମୟ ପରେ ସେ ମଧ୍ୟ ଭାରତୀୟ ଜନତା ପାର୍ଟିରେ ଯୋଗ ଦେଇଛନ୍ତି। ସେ ପୂର୍ବରୁ ଶିରୋମଣି ଅକାଳୀ ଦଳ ସରକାରରେ ଅର୍ଥମନ୍ତ୍ରୀ ଭାବରେ ମଧ୍ୟ କାର୍ଯ୍ୟ କରିସାରିଛନ୍ତି।
ଭାରତ ଯୋଡୋ ଯାତ୍ରା ମଧ୍ୟରେ ମନପ୍ରୀତ ବାଦଲଙ୍କ ଏହି ନିଷ୍ପତ୍ତି ପଞ୍ଜାବରେ କଂଗ୍ରେସକୁ ଏକ ବଡ ଝଟକା ଦେଇଛି। ଏହାପୂର୍ବରୁ କ୍ୟାପଟେନ ଅମରିନ୍ଦର ସିଂ ଦଳ ଛାଡିଥିଲେ। ଏଥି ସହିତ ଏହା ପୂର୍ବରୁ ଭେଟେରାନ ନେତା ସୁନୀଲ ଜାଖର ମଧ୍ୟ ଦଳକୁ ଅଲବିଦା କହିସାରିଛନ୍ତି। ରାହୁଲ ଗାନ୍ଧୀଙ୍କ ଭାରତ ଯୋଡା ଯାତ୍ରା ଗତକାଲି ପଞ୍ଜାବରୁ ହିମାଚଳରେ ପହଞ୍ଚିଛି। ରାହୁଲଙ୍କ ଗସ୍ତ ଶେଷ ହେବା ମାତ୍ରେ ମନପ୍ରୀତ ବାଦଲଙ୍କ ଇସ୍ତଫା କଂଗ୍ରେସକୁ ଚକିତ କରିଛି।
