ଓଡ଼ଗାଁ,୨୮ା୯(ସ୍ବ.ପ.): ଓଡ଼ଗାଁ ବ୍ଲକ ଅଧୀନ ବିଭିନ୍ନ ସ୍କୁଲ ଓ ଅଙ୍ଗନଓ୍ବାଡ଼ି କେନ୍ଦ୍ରକୁ ଚାଉଳ ଯୋଗାଣରେ ବ୍ୟାପକ ଦୁର୍ନୀତି ହୋଇଛି ା ଯୋଗାଣକାରୀ ସଂସ୍ଥା ବିଭିନ୍ନ ବିଦ୍ୟାଳୟକୁ ମଧ୍ୟାହ୍ନ ଭୋଜନ ଚାଉଳ ଯୋଗାଇ ଆସୁଥିଲେ ମଧ୍ୟ ଓଡ଼ଗାଁ ବ୍ଲକ ସୁନାମୁହିଁ ପଞ୍ଚାୟତ ବାଲିସିଂସା ବିଦ୍ୟାଳୟକୁ ଗତ ୨୫ ତାରିଖରେ ୧୯ ପ୍ୟାକେଟ୍ ଚାଉଳ ଯୋଗାଇ ଥିବା ଭାଉଚର ଦେଇଥିଲେ ା ହେଲେ ୧୨ପ୍ୟାକେଟ ଚାଉଳ ବିଦ୍ୟାଳୟର ପ୍ରଧାନଶିକ୍ଷକ ରଖିଥିବା ସୂଚନା ମିଳିଛି ା ଏନେଇ ପ୍ରଧାନ ଶିକ୍ଷକଙ୍କୁ ପଚାରିବାରେ ସେ କୌଣସି ସନ୍ତୋଷ ଜନକ ଉତ୍ତର ଦେଇ ପାରି ନାହାନ୍ତି ା ଘଟଣାଦିନ ପ୍ରଧାନ ଶିକ୍ଷକ ୧୨ ପ୍ୟାକେଟ୍ ଚାଉଳ ରଖି ବାକି ୭ ପ୍ୟାକେଟ୍ ଚାଉଳକୁ ପଣ୍ତା ସପ୍ଲାୟରର୍ସକୁ ବିକି ଦେଇଥିବା ୨ ସହକାରୀ ଶିକ୍ଷକ ଇନ୍ଦ୍ରମଣୀ ନାୟକ ଏବଂ ଭାଗିରଥୀ ନାୟକ ଓଡ଼ଗାଁ ଗୋଷ୍ଠୀ ଶିକ୍ଷାଧିକାରୀଙ୍କୁ ଅଭିଯୋଗ କରିଛନ୍ତି ା ୨ ଶିକ୍ଷକ ଅଭିଯୋଗରେ ଦର୍ଶାଇଛନ୍ତି, ବିଦ୍ୟାଳୟକୁ କମ୍ ଛାତ୍ରୀଛାତ୍ର ପାଠ ପଢିବାକୁ ଆସୁଥିଲେ ମଧ୍ୟ ପ୍ରଧାନଶିକ୍ଷକ ସେଠୀ ପ୍ରତିଦିନ ସମସ୍ତ ଛାତ୍ରୀଛାତ୍ର ଉପସ୍ଥିତ ଥିବା ଦର୍ଶାଇ ଚାଉଳ ଆତ୍ମସାତ୍ କରୁଛନ୍ତି ା ପ୍ରତିଦିନ ଏମିତି କରିବା ଦ୍ବାରା ମଧ୍ୟାହ୍ନ ଭୋଜନ ଚାଉଳ ବଳକା ରହିଥାଏ ା ସୋମବାର ପଣ୍ତା ସପ୍ଲାୟର୍ସ ୧୯ପ୍ୟାକେଟ୍ ଚାଉଳ ଦେବାକୁ ଆସି ୧୨ପ୍ୟାକେଟ୍ ଚାଉଳ ଦେଇଥିଲେ ା ବାକି ୭ପ୍ୟାକେଟ୍ ଚାଉଳ ପଣ୍ତା ସପ୍ଲାୟରର୍ସକୁ ପ୍ରଧାନ ଶିକ୍ଷକ ବିକି ଦେଇଥିଲେ ବୋଲି ଅଭିଯୋଗ ହୋଇଛି ା ବଳକାଥିବା ଚାଉଳ ଦେଖାଇ ପ୍ରଧାନଶିକ୍ଷକ ଏଥିରୁ ଖସିବାକୁ ବାଟ ଖୋଜୁଥିଲେ ା ୧୯ପ୍ୟାକେଟ୍ ଚାଉଳ ନ ଥିବାରୁ ୨ ଜଣ ସହକାରୀ ଶିକ୍ଷକ ଏହାର ଘୋର ବିରୋଧ କରିଥିଲେ ା କିନ୍ତୁ ପ୍ରଧାନଶିକ୍ଷକ ସେଠୀ ୨ ଶିକ୍ଷକଙ୍କୁ ଧମକଚମକ ଦେଇ ଖସିବାକୁ ଉଦ୍ୟମ କରିଥିଲେ ା କିନ୍ତୁ ଦୁଇଜଣ ସହକାରୀ ଶିକ୍ଷକ ଛାତ୍ରୀଛାତ୍ରମାନଙ୍କୁ ନେଇ ଚାଉଳ ଦେଖାଇଥିଲେ ଏହାର ଏକ ଭିଡିଓ ଭାଇରାଲ ହେଉଥିବା ଦେଖିବାକୁ ମିଳିଛି ା ଏହି ଘଟଣାରେ ଦୁଇଶିକ୍ଷକ ଓଡ଼ଗାଁ ଗୋଷ୍ଠୀ ଶିକ୍ଷାଧିକାରୀ ଗୀତାଞ୍ଜଳୀ ସାହୁଙ୍କ ନିକଟରେ ଅଭିଯୋଗ କରିବାକୁ ଯାଇଥିଲେ ା ହେଲେ ସେ ଅନୁପସ୍ଥିତ ଥିବାରୁ ଏଡିଏମ୍ଓ ଦାୟିତ୍ୱରେ ଥିବା ଅତିରିକ୍ତ ଶିକ୍ଷା ଅଧିକାରୀ କମଳିନୀ ବେହେରାଙ୍କୁ ଅଭିଯୋଗ କରିଥିଲେ ା ଏହି ଅଭିଯୋଗକୁ ସେ ବିଇଓଙ୍କ ପାଖକୁ ପଠାଇଛନ୍ତି ା ଘଟଣାରେ ବିଇଓ ସାହୁ କହିଛନ୍ତି, ସେ ଅଭିଯୋଗ ପାଇଛନ୍ତି ା ମୁଁ ଘଟଣାର ପ୍ରମାଣ ମାଗିଛି,ତାହା ପ୍ରମାଣିତ ହେଲେ ପ୍ରଧାନଶିକ୍ଷକ କ୍ଷତିପୂରଣ ଦେବାସହିତ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ା
