Posted inଖେଳ

ଲିଜେଣ୍ଡ୍ସ ଲଢ଼େଇରେ ଟାଇଗର୍ସର ବାଜିମାତ୍‌

କଟକ, ୨୭ା୯ (ସ୍ପୋଟର୍‌ସ ବ୍ୟୁରୋ):ବାରବାଟୀ ଷ୍ଟାଡିୟମରେ ସୋମବାର ଅନୁଷ୍ଠିତ ଲିଜେଣ୍ଡ୍ସ ଲିଗ୍‌ କ୍ରିକେଟ ମ୍ୟାଚରେ ମଣିପାଲ ଟାଇଗର୍ସ ୩ ରନରେ ଭିଲଓ୍ବାରା କିଙ୍ଗ୍ସକୁ ପରାସ୍ତ କରିଛି। ଟାଟେଣ୍ଡା ଟାଇବୁଙ୍କ ଅର୍ଦ୍ଧଶତକ ସହାୟତାରେ ମଣିପାଲ ଟାଇଗର୍ସ ୮ ଉଇକେଟ ହରାଇ ୧୭୫ ରନ କରିଥିଲା। ଜବାବରେ ଭିଲୱାରା କିଙ୍ଗ୍ସ ବିଜୟର ନିକଟତର ହୋଇଥିଲେ ହେଁ ୨୦ ଓଭରରେ ୯ ଉଇକେଟ ହରାଇ ୧୭୨ ରନ କରିବାକୁ ସକ୍ଷମ ହୋଇଥିଲା। ଚଳିତ ଲିଗ୍‌ରେ ମଣିପାଲ ଟାଇଗର୍ସ ଦଳର ୪ ମ୍ୟାଚରୁ ଏହା ପ୍ରଥମ ବିଜୟ।
ଅଧିନାୟକ ଇରଫାନ ପଠାନ ଟସ୍‌ଜିତି ପ୍ରଥମେ ଫିଲ୍ଡିଂ ନିଷ୍ପତ୍ତି ନେଇଥିଲେ। ଓପନର ଟାଇବୁ ଓ ରାଇଡର ମଣିପାଲ ଟାଇଗର୍ସ ପାଇଁ ଭଲ ଆରମ୍ଭ କରିଥିଲେ। ତାଇବୁ (୫୪) ଚଳିତ ସିଜନରେ ନିଜର ପ୍ରଥମ ଅର୍ଦ୍ଧଶତକ ହାସଲ କରିଥିବାବେଳେ ପ୍ରଥମ ମ୍ୟାଚ ଖେଳୁଥିବା ରାଇଡର ସଂଗ୍ରହ କରିଥିଲେ ୪୭ ରନ୍‌ । ପ୍ରଥମ ୬ ଓଭରରେ ଉଭୟ ଖେଳାଳି ବିନାକୌଣସି ଉଇକେଟ ହରାଇ ୬୩ ରନ୍‌ ସଂଗ୍ରହ କରିଥିଲେ। ମ୍ୟାଚର ୧୦ମ ଓଭରରେ ଉଭୟ ଖେଳାଳି ଶତକୀୟ ଭାଗୀଦାରି ପୂରଣ କରିଥିଲେ। ପ୍ରଥମ ଉଇକେଟରେ ଉଭୟ ୧୦୯ ରନ୍‌ ଯୋଡିଥିଲେ। ଟାଇବୁ ୩୦ ବଲଖେଳି ୫ ଚୌକା ଓ ୪ ଛକା ମାରିଥିଲେ। ଅନ୍ୟ ପକ୍ଷରେ ରାଇଡର ୩୫ ବଲ ଖେଳି ନିଜ ଇନିଂସ ମଧ୍ୟରେ ୫ ଚୌକା ଓ ୨ ଛକା ମାରିଥିଲେ। ମ୍ୟାଚର ୧୧ତମ ଓଭରବୋଲିଂ କରିଥିବା ୟୁସୁଫ ପଠାନ ଦୁଇବଲ ବ୍ୟବଧାନରେ ଟାଇବୁ ଓ ରାଇଡରଙ୍କୁ ଆଉଟ କରିଥିଲେ। ପରବର୍ତ୍ତୀ ଓଭରରେ ଖାତା ଖୋଲିବା ପୂର୍ବରୁ ପ୍ରଦୀପ ସାହୁଙ୍କୁ ଆଉଟ କରିଥିଲେ ଜେସଲ କାରିଆ। ୧୧୧ ରନରେ ୩ ଉଇକେଟ ହରାଇବା ପରେ ମହମ୍ମଦ କୈଫ୍‌ ଓ କୋରି ଆଣ୍ଡରସନଙ୍କମଧ୍ୟରେ ୫୭ ରନର ଭାଗୀଦାରି ହୋଇଥିଲା। ଆଣ୍ଡରସନ୍‌ ୨୪ ଓ କୈଫ୍‌ ୨୮ ରନ୍‌କରିବା ଫଳରେ ଦଳ ୧୭୫ ରନ୍‌ରେ ପହଞ୍ଚତ୍ଥିଲା। ଆଣ୍ଡରସନଙ୍କ ଇନିଂସରେ ୩ ଚୌକା ସାମିଲ ଥିବାବେଳେ କୈଫ୍‌ ୨ ଚୌକା ଓ ୧ ଛକା ମାରିଥିଲେ। ଶେଷ ଆଡକୁ ଟିନୋ ବେଷ୍ଟ ଘାତକ ବୋଲିଂ କରିବା ସହିତ ରନ୍‌ଗତିରେ ଅଙ୍କୁଶ ଲଗାଇଥିଲେ। ବେଷ୍ଟ ୨୦ ରନ ଦେଇ ୩ ଉଇକେଟ ନେଇଥିବାବେଳେ ୟୁସୁଫ ପଠାନ୍‌ ୨ଟି ଉଇକେଟ ନେଇଥିଲେ। ଅନ୍ୟ ମାନଙ୍କମଧ୍ୟରେ ଫିଡେଲ ଏଡୱାର୍ଡସ ଓ ଜେସଲ କାରିଆଙ୍କୁ ଗୋଟିଏ ଲେଖାଏ ଉଇକେଟ ମିଳିଥିଲା।
୧୭୬ ରନ ବିଜୟ ଲକ୍ଷ୍ୟନେଇ ପଡ଼ିଆକୁ ଓହ୍ଲାଇଥିବା ଭିଲଓ୍ବାରା କିଙ୍ଗ୍ସ କ୍ରମାଗତ ବ୍ୟବଧାନରେ ଉଇକେଟ ହରାଇଥିଲା। ଫର୍ମରେ ଥିବା ୟୁସୁଫ ପଠାନ ୨୧ ବଲ୍‌ରୁ ୪୨ (୨ ଚୌକା, ୪ ଛକା) ରନ କରିଥିଲେ ହେଁ ଦଳର ବିଜୟ ପାଇଁ ତାହା ପର୍ଯ୍ୟାପ୍ତ ହୋଇ ନ ଥିଲା। ମଣିପାଲ ଟାଇଗର୍ସ ପକ୍ଷରୁ ଦିଲହରା ଫର୍ନାଣ୍ଡୋ ୪ଟି ଏବଂ ପରବିନ୍ଦର ଅଓ୍ବାନା ଓ ଅଧିନାୟକ ହରଭଜନ ସିଂ ୨ଟି ଲେଖାଏ ଉଇକେଟ ନେଇଥିଲେ। ଫର୍ନାଣ୍ଡୋଙ୍କୁ ପ୍ଲେୟର ଅଫ୍‌ ଦି ମ୍ୟାଚ୍‌ ଘୋଷଣା କରାଯାଇଥିଲା। ଓସିଏ ସଭାପତି ପଙ୍କଜଲୋଚନ ମହାନ୍ତି ଓ ଯୁଗ୍ମସମ୍ପାଦକ ମେହତାବ ଖାଁ ଖେଳାଳିମାନଙ୍କୁ ପୁରସ୍କୃତ କରିଥିଲେ।
ସଂକ୍ଷିପ୍ତ ସ୍କୋର
ମଣିପାଲ ଟାଇଗର୍ସ ୨୦ ଓଭରରେ ୧୭୫/୮ (ଟାଟେଣ୍ଡା ଟାଇବୁ-୫୪, ଜେସି ରାଇଡର-୪୭, ମହମ୍ମଦ କୈଫ-୩୨, କୋରେ ଆଣ୍ଡରସନ-୨୪, ଟିନୋ ବେଷ୍ଟ-୩/୨୦, ୟୁସୁଫ ପଠାନ-୨/୨୫, ଫିଡେଲ ଏଡଓ୍ବାଡର୍‌ସ-୧/୩୫, ଜେସଲ କାରିଆ-୧/୨୫)। ଭିଲଓ୍ବାରା କିଙ୍ଗ୍ସ ୨୦ ଓଭରରେ ୧୭୨/୯ (ୟୁସୁଫ ପଠାନ-୪୨, ଓ୍ବିଲିୟମ ପୋର୍ଟରଫିଲ୍ଡ-୨୮, ତନ୍ମୟ ଶ୍ରୀବାସ୍ତବ-୨୬, ଇରଫାନ ପଠାନ-୨୩, ଦିଲହରା ଫର୍ନାଣ୍ଡୋ-୪/୩୧, ହରଭଜନ ସିଂ-୨/୧୬, ପରବିନ୍ଦର ଅଓ୍ବାନା-୨/୩୪, ମୁଥୟା ମୁରଲୀଧରନ-୧/୩୧)।


Enter your email to get our daily news in your inbox.

All Right Reserved By Dharitri.Com

ଦିଲ୍ଲୀରେ ଚାଞ୍ଚଲ୍ୟ: ଟ୍ରାଏଲ୍‌ ରୁମ୍‌ରେ ମହିଳା କର୍ମଚାରୀଙ୍କୁ ଗଳାକାଟି ହତ୍ୟା

ନୂଆଦିଲ୍ଲୀ,୧୫ା୧୧: ଦିଲ୍ଲୀର ଏକ ପୋଷାକ ଶୋ’ରୁମ୍‌ରେ କାମ କରୁଥିବା ଜଣେ ୧୮ ବର୍ଷୀୟା କର୍ମଚାରୀଙ୍କୁ ଟ୍ରାଏଲ୍‌ ରୁମ୍‌ରେ ଗଳାକାଟି ହତ୍ୟା କରାଯାଇଛି। ବ୍ୟକ୍ତିଗତ ସମ୍ପର୍କରେ ଫାଟ ଏବଂ…

ଏହି ୪ଟି ରାଶି ପାଇଁ ଆଗକୁ ରହିଛି କଠିନ ସମୟ, ସତର୍କ ନ ରହିଲେ ବଡ଼ ବିପଦ…

୧୬ ନଭେମ୍ବର ୨୦୨୬ରେ ସୂର୍ଯ୍ୟଦେବ ବିଛା ରାଶିକୁ ପ୍ରବେଶ କରିବେ। ଜ୍ୟୋତିଷ ଶାସ୍ତ୍ର ଅନୁସାରେ, ଏହି ଗୋଚରର ପ୍ରଭାବ କିଛି ରାଶିର ଜାତକଙ୍କ ଜୀବନରେ ପଡ଼ିପାରେ। ବିଶେଷକରି…

ଅତି ଖରାପ ସ୍ଥିତିରେ ଦିଲ୍ଲୀ ବାୟୁ ଗୁଣବତ୍ତା, ଘେରି ରହୁଛି ଧୂଳି, ଧୂଆଁର ଘନ ଆସ୍ତରଣ

ନୂଆଦିଲ୍ଲୀ,୧୫ା୧୧: ଦିଲ୍ଲୀର ବାୟୁ ଗୁଣବତ୍ତା ସୂଚକାଙ୍କ (ଏକ୍ୟୁଆଇ) ରବିବାର ସକାଳେ ଅଧିକାଂଶ ପର୍ଯ୍ୟବେକ୍ଷଣ କେନ୍ଦ୍ରରେ ଅତି ଖରାପ ଦର୍ଶାଇଥିବା ବେଳେ ୭ଟିରେ ଗମ୍ଭୀର ସ୍ଥିତି ଦର୍ଶାଇଛି। ମୋଟାମୋଟି…

ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ: ଏକାଠି ହେଲେ କନ୍ଧମାଳ,ଗଜପତିର ଆଦିବାସୀ ସମାଜ

ବ୍ରାହ୍ମଣୀଗାଁ,୧୫।୧୧(ମନୋରଞ୍ଜନ ରଣା): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅନ୍ତର୍ଗତ ବ୍ରାହ୍ମଣୀଗାଁ ଶିବ ମନ୍ଦିର ପଡ଼ିଆରେ ରବିବାର ଭଗବାନ ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ ପାଳିତ ହୋଇଯାଇଛି।…

ଗୁଣପୁରରେ ମହିଳାଙ୍କୁ ଧାରୁଆ ଅସ୍ତ୍ରରେ ମରଣାନ୍ତକ ଆକ୍ରମଣ

ଗୁଣପୁର,୧୫।୧୧(ସୁଜାତା ପାଢ଼ୀ): ରାୟଗଡ଼ା ଜିଲା ଗୁଣପୁର ଥାନା ଅନ୍ତର୍ଗତ ହାଉସିଂ ବୋର୍ଡ କଲୋନୀରେ ଜଣେ ମହିଳାଙ୍କୁ ମରଣାନ୍ତକ ଆକ୍ରମଣ ହୋଇଥିବା ଘଟଣା ସାମ୍ନାକୁ ଆସିଛି। ମିଳିଥିବା ସୂଚନା…

କେରଳ ହାଇକୋର୍ଟଙ୍କ ବଡ଼ ପ୍ରସ୍ତାବ, କିଶୋର ବୟସର ସୀମା ୧୮ରୁ ୧୬ ବର୍ଷକୁ ହ୍ରାସ….

କୋଚି,୧୫ା୧୧: ନାବାଳକ ବୟସ ସୀମାକୁ ନେଇ ବଡ଼ କଥା କହିଛନ୍ତି କେରଳ ହାଇକୋର୍ଟ । ଅପରାଧର ବଦଳୁଥିବା ସ୍ବରୂପ ଏବଂ ପିଲାମାନଙ୍କଠାରେ ଦେଖାଯାଉଥିବା ପରିପକ୍ୱତାକୁ ଦୃଷ୍ଟିରେ ରଖି…

ଠେଙ୍ଗାରେ ଆକ୍ରମଣ କରି ହତ୍ୟା ଉଦ୍ୟମ, ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୫।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ସାନଖେମୁଣ୍ଡି ବ୍ଲକ ଶ୍ରୀଚନ୍ଦନପୁର ଗ୍ରାମର ବିରୁପାକ୍ଷ ମହାପାତ୍ରଙ୍କୁ ଗ୍ରାମର ହିନ ଗଉଡ଼(୫୦) ଶନିବାର ଅପରାହ୍ନରେ ଏକ ଠେଙ୍ଗାରେ ଆକ୍ରମଣ କରି…

ମାଡ଼ି ଆସୁଛି ବାତ୍ୟା: ମୁକାବିଲା ପାଇଁ ଗଞ୍ଜାମ ପ୍ରଶାସନର ଆଗୁଆ ପ୍ରସ୍ତୁତି

ପୁରୁଷୋତ୍ତମପୁର,୧୫।୧୧(ସବିତା ମିଶ୍ର): ପୁଣି ଏକ ସାମ୍ଭାବ୍ୟ ବାତ୍ୟାର ମୁକାବିଲା ପାଇଁ ପୁରୁଷୋତ୍ତମପୁର ପ୍ରଶାସନ ପକ୍ଷରୁ ଆଗୁଆ ପ୍ରସ୍ତୁତି ସହ ବ୍ୟାପକ ସତର୍କତାମୂଳକ ପଦକ୍ଷେପ ଗ୍ରହଣ କରାଯାଇଛି। ଏନେଇ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?