ଝାରବନ୍ଧ, ୧୯।୬ (ଦେବେନ୍ଦ୍ର ସାହୁ ): ବରଗଡ ଜିଲା ଝାରବନ୍ଧ ଥାନା ଅନ୍ତର୍ଗତ ତୁର୍ଲା ଠାରେ ଗୁରୁବାର ବିଳମ୍ବିତ ରାତ୍ରିରେ ଏକ ବିଭତ୍ସ ହତ୍ୟାକାଣ୍ଡ ଘଟିଯାଇଛି । ଝାରବନ୍ଧ ଥାନା ଅଧିକାରୀ ସୁଶାନ୍ତ କୁମାର ପରିଡାଙ୍କ ସୂଚନା ଅନୁସାରେ ମୃତକ ତ୍ରିନାଥ ନାଏକ (୪୨)ଓ ସେହି ଗ୍ରାମର ଯୋଗେନ୍ଦ୍ର ଖରସେଲ ମଧ୍ୟରେ ଦୀର୍ଘ ଦିନ ହେବ ପାରିବାରିକ ଗଣ୍ଡଗୋଳ ଲାଗିରହିଥିଲା। ଗତକାଲି ବିଳମ୍ବିତ ରାତ୍ରିରେ ଦୁଇଜଣଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା । ପରେ ଯୋଗେନ୍ଦ୍ର ଓ ଅନ୍ୟ ଦୁଇଜଣ ମିଶି ଏକ ଧାରୁଆ ଅସ୍ତ୍ରରେ ତ୍ରିନାଥକୁ ହତ୍ୟା କରିଛନ୍ତି । ଏନେଇ ମୃତଙ୍କ ଝିଅ ବବିତା ନାଏକଙ୍କ ଲିଖିତ ଅଭିଯୋଗ ପରେ ଝାରବନ୍ଧ ଥାନା କେସ୍ ନଂ ୮୦/୨୦୨୬ରେ ମାମଲା ରଜୁ କରି ତିନିଜଣଙ୍କୁ ଥାନାରେ ଅଟକ ରଖି ତଦନ୍ତ ଜାରିରଖିଛି।