ଫୁରସତ

viral video ହୃଦୟ ବିଦାରକ ଦୃଶ୍ୟ, ରିଂ ଭିତରେ ପଶି ବ୍ୟକ୍ତିଙ୍କ ସହିତ ଯୁଦ୍ଧ କଲା ସିଂହ
12:29 pmDecember 26, 2023December 26, 2023 / 09

ଅନେକ ସମୟରେ କୁସ୍ତିଯୋଦ୍ଧାମାନଙ୍କୁ ରିଂରେ ଲଢ଼ୁଥିବା ସମସ୍ତେ ଦେଖିଥିବେ। ମାତ୍ର ସିଂହ ସହିତ ଯୁଦ୍ଧ କରୁଥିବା କଥା କେହି ଚିନ୍ତା ମଧ୍ୟ କରିପାରିବେ ନାହିଁ। ତେବେ ଭାଇରାଲ ହେଉଥିବା ଭିଡିଓରେ ଜଣେ ବ୍ୟକ୍ତି ସିଂହ ସହିତ ରିଂ ଭିତରେ ଲଢ଼ି ତାକୁ ପରାସ୍ତ କରୁଥିବା ଦେଖିବାକୁ ମିଳୁଛି। ତେବେ କୁହାଯାଉଛି ଯେ ଏହି ଭିଡିଓ ୧୯୩୦ ଦଶକର। ତେବେ ଏହି ଭିଡିଓଟି ସତ କି ଏଡିଟ ହୋଇଛି ତାହା ସ୍ପଷ୍ଟ ହୋଇନାହିଁ।

ଏହି ବିପଜ୍ଜନକ ଯୁଦ୍ଧ ଭିଡିଓ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ @ ହିଷ୍ଟୋରିନେମସ ନାମକ ଏକ ଆକାଉଣ୍ଟରୁ ଶେୟାର କରାଯାଇଛି। ୯ ମିନିଟର ଏହି ଭିଡିଓକୁ ଅନେକ ଲୋକ ଲାଇକ୍‌ କରିଥିବା ବେଳେ ଅନେକ ୟୁଜର୍ସ ବିଭିନ୍ନ ପ୍ରକାରର ପ୍ରତିକ୍ରିୟା ଦେଉଛନ୍ତି, ଜଣେ ୟୁଜର୍ସ ଲେଖିଛନ୍ତି, ‘ସିଂହ କେବଳ ତାଙ୍କ ସହିତ ଖେଳୁଛି, କାରଣ ଯଦି ସେ ତାଙ୍କ ସହିତ ଯୁଦ୍ଧ କରିଥାନ୍ତେ, ତେବେ ସେ ତା ଶକ୍ତି ସହିତ ଏକ ମୁହୂର୍ତ୍ତରେ ତାଙ୍କୁ ପରାସ୍ତ କରିଥାନ୍ତେ।’