ଜର୍ମାନୀ ଫିନ୍ଷ୍ଟରବୋଲ୍ଡେରେ ରହୁଥିବା ସେଣ୍ଡ୍ରୋ ନିଜର ବିଚିତ୍ର ଶରୀରକୁ ନେଇ ଏବେ ଚର୍ଚ୍ଚାରେ। ଏହା ପଛରେ ଥିବା କାରଣ ବିଷୟରେ ଜାଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ। କାରଣ ସେଣ୍ଡ୍ରୋ ଗତ ୧୩ ବର୍ଷ ମଧ୍ୟରେ ୧୭ ଥର ନିଜର ଶରୀରର ମୋଡିଫିକେଶନ୍ କରିଛନ୍ତି। ବିଭିନ୍ନ ପ୍ରକାର ଟାଟୁ ଏବଂ ପିୟର୍ସିଙ୍ଗ କରାଇଛନ୍ତି। ଏପରିକି ସେ ନିଜର କାନ ମଧ୍ୟ କାଟିଦେଇଛନ୍ତି। ତେବେ ମୁଣ୍ଡକୁ ଖପୁରୀ ଭଳି ଦେଖାଯିବା ଲାଗି ସେ ଏପରି କରିଥିବା କୁହନ୍ତି। ଆଜି ବି ନିଜର ରୋଷେଇଘରେ ଏକ ଡବାରେ ସେ ନିଜର କାନକୁ ରଖିଛନ୍ତି। ଘରକୁ କେହି ଅତିଥି ଆସିଲେ ସେ ତାକୁ ଦେଖାନ୍ତି। ଏବେ ସେଣ୍ଡ୍ରୋଙ୍କ କିଛି ଫଟୋ ଭାଇରାଲ ହେଉଛି।
ସେଣ୍ଡ୍ରୋ ଏବେ ବେରୋଜଗାର ଅଛନ୍ତି। ହେଲେ ଶରୀରକୁ ନିଜ ମନଲାଖି ରୂପ ଦେବାକୁ ୫.୮୪ଲକ୍ଷ ଟଙ୍କା ଖର୍ଚ୍ଚ କରିସାରିଛନ୍ତି। ମୁଣ୍ଡକୁ ଖପୁରୀ ଭଳି କରିବାକୁ ତାଙ୍କର ସଉକ ରହିଥିଲା। ଏଥିପାଇଁ ସେ ତାଙ୍କର କାନ ମଧ୍ୟ କାଟି ଦେଇଥିଲେ। ତାଙ୍କୁ ଲୋକେ ମିଷ୍ଟର ସ୍କଲ ଫେସ୍ ଭାବେ ଜାଣନ୍ତି। ଏପରି କରି ତାଙ୍କର ଆତ୍ମବିଶ୍ୱାସ ବଢ଼ିଥିବା ସେଣ୍ଡ୍ରୋ ପ୍ରଶଂସକଙ୍କ ପ୍ରଶ୍ନର ଉତ୍ତର ଦେଇ କୁହନ୍ତି।
୨୦୦୭ରେ ପ୍ରଥମ ଥର ପାଇଁ ସେ ନିଜ ଶରୀରର ମୋଡିଫିକେଶନ୍ କରିବା ଆରମ୍ଭ କରିଥିଲେ। ଟେଲିଭିଜନରେ ଜଣେ ବ୍ୟକ୍ତିଙ୍କ ସିଙ୍ଗ ଥିବା ଦେଖିବା ପରେ ସେ ମଧ୍ୟ ସେପରି କରିବାକୁ ମନ ବଳାଇଥିଲେ। ଏବେ ସେ ନିଜ ମୁଣ୍ଡ, ହାତ, କହୁଣୀରେ ଚିପ୍ସ ଲଗାଇବା ସହ ଜିଭକୁ ମଝିରୁ କାଟି ଦେଇଛନ୍ତି। ଇନ୍ଷ୍ଟାଗ୍ରାମରେ ତାଙ୍କର ବହୁତ ପ୍ରଶଂସକ ରହିଛନ୍ତି। ଫଳରେ ସେଠାରୁ ତାଙ୍କର ଆୟ ହେଉଛି। ହେଲେ ଅନ୍ୟ କୌଣସି ସ୍ଥାନରେ ତାଙ୍କୁ କେହି ଚାକିରିରେ ରଖୁ ନାହାନ୍ତି। ଏହା ତାଙ୍କୁ ଦୁଃଖି ମଧ୍ୟ କରୁନ ଥିବା ସେ କହିଛନ୍ତି।
