କୋଲକତା,୩।୮: ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ କୋଲକାତାର ଇନଡୋର ଷ୍ଟାଡିୟମରେ ‘ଖେଲାଶ୍ରୀ ଯୋଜନା’ ଆରମ୍ଭ କରିଛନ୍ତି। ଏହି ଅବସରରେ ତାଙ୍କ ମଞ୍ଚ ଉପରେ ଫୁଟବଲ ଖେଳୁଥିବାର ନଜର ଆସିଥିଲେ। ଏହି ସମୟରେ ସେ କହିଛନ୍ତି ଯେ, ଖେଲା ହୋବେ ଦିବସ ପ୍ରତିବର୍ଷ ୧୬ ଅଗଷ୍ଟରେ ପାଳନ କରାଯିବ। ‘ଖେଲାଶ୍ରୀ ଯୋଜନା’ର ଆରମ୍ଭ ପରେ ସେ କହିଥିଲେ ଯେ, ଏହାକୁ ବିଶ୍ୱାସ କର ବା ନକର କିନ୍ତୁ ଖେଲା ହୋବେ ଦେଶରେ ବହୁତ ଲୋକପ୍ରିୟ ହୋଇପାରିଛି। ଏହା ଦେଶର ସଂସଦରୁ ବାହାରି ଏବେ ଧୀରେ ଧୀରେ ଏହା ପ୍ରତ୍ୟେକ ରାଜ୍ୟରେ ଲୋକପ୍ରିୟ ହୋଇଯାଇଛି।
୧୯୮୦ ମସିହାରେ ଇଡେନ ଗାର୍ଡେନ ଷ୍ଟାଡିୟମରେ ଦଳଚକଡାରେ ନିହତ ଫୁଟବଲ ପ୍ରଶଂସକଙ୍କ ସ୍ମୃତିରେ ୧୬ ଅଗଷ୍ଟରେ ଖେଲା ହୋବେ ଦିବସ ପାଳନ କରାଯିବ ବୋଲି ମମତା ବାନାର୍ଜୀ ଘୋଷଣା କରିଛନ୍ତି। ଏହା ମଧ୍ୟ ଲୋକଙ୍କ ମଧ୍ୟରେ କ୍ରୀଡ଼ା ପ୍ରତିଯୋଗିତା ବୃଦ୍ଧିରେ ସହାୟକ ହେବ ବୋଲି ସେ କହିଛନ୍ତି। ସରକାର ୨୫ ହଜାର କ୍ଲବକୁ ୫ ଲକ୍ଷ ଟଙ୍କା ଅନୁଦାନ ପ୍ରଦାନ କରିବେ ଏବଂ ଏଥି ସହ ନୂତନ ଷ୍ଟାଡିୟମର ନିର୍ମାଣ କାର୍ଯ୍ୟ, ପୁରୁଣା ଷ୍ଟାଡିୟମର ନବୀକରଣ, ବିଭିନ୍ନ ମଲ୍ଟି ଜିମ ଏବଂ ଇନଡୋର ଷ୍ଟାଡିୟମ ନିର୍ମାଣ କାର୍ଯ୍ୟ ଆରମ୍ଭ ହେବ।
