ଭାଜପାକୁ ଟାର୍ଗେଟ କଲେ ଖାର୍ଗେ, କହିଲେ ଜଳୁଛି ମଣିପୁର ଅନ୍ୟ ରାଜ୍ୟରେ ନିର୍ବାଚନ ପ୍ରଚାର କରୁଛି ଭାଜପା

ନୂଆଦିଲ୍ଲୀ,୧୭।୮: କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେ ଗୁରୁବାର ଭାରତୀୟ ଜନତା ପାର୍ଟି(ଭାଜପା)କୁ ଟାର୍ଗେଟ କରିଛନ୍ତି। ସେ ଅଭିଯୋଗ କରିଛନ୍ତି କି ମଣିପୁର ଜଳୁଛି ହେଲେ ଭାଜପା ଅନ୍ୟ ରାଜ୍ୟରେ ନିର୍ବାଚନ ପ୍ରଚାରରେ ବ୍ୟସ୍ତ। ଦିଲ୍ଲୀରେ ଅଖିଳ ଭାରତୀୟ ମହିଳା କଂଗ୍ରେସର ଜାତୀୟ ସମ୍ମିଳନୀକୁ ସମ୍ବୋଧିତ କରି ଖାର୍ଗେ କହିଛନ୍ତି ଯେ ଦଳର ମହିଳା ନେତାମାନେ କଠିନ ପରିଶ୍ରମ କରିବେ ଏବଂ ୨୦୨୪ଲୋକ ସଭା ନିର୍ବାଚନରେ ଭାଜପା ସରକାରଙ୍କୁ ଫିଙ୍ଗି ଦେବେ।
ଭାଜପାକୁ କଡା ଟାର୍ଗେଟ କରି ସେ କହିଛନ୍ତି ଯେ ଯଦି ରାହୁଲ ଗାନ୍ଧୀ ମଣିପୁର ଯାଇପାରନ୍ତି, ତେବେ ପ୍ରଧାନମନ୍ତ୍ରୀ କାହିଁକି ପାରିବେ ନାହିଁ। ଭାଜପା ସେଠାରେ ମହିଳାମାନଙ୍କୁ ସୁରକ୍ଷା ଯୋଗାଇ ଦେଇଛି କି ବୋଲି ସେ ପ୍ରଶ୍ନ କରିଛନ୍ତି। ସେମାନେ ଘରୁ ପଳାଉଛନ୍ତି, ବଳାତ୍କାର ଏବଂ ହତ୍ୟା ଘଟୁଛି ଏବଂ ଭାଜପା ଅନ୍ୟ ରାଜ୍ୟରେ ପ୍ରଚାର କରିବାରେ ବ୍ୟସ୍ତ ଅଛି। ଆମ ଦଳର ମହିଳା କ୍ୟାଡର ଆଗାମୀ ସାଧାରଣ ନିର୍ବାଚନ ୨୦୨୪ପାଇଁ ଧାରଣା ଏବଂ ରଣନୀତି ଉପରେ ଆଲୋଚନା କରିବେ ଏବଂ ମୁଁ ନିଶ୍ଚିତ ଯେ ସେମାନେ ଆସନ୍ତା ବର୍ଷ ଭାଜପା ସରକାରକୁ ବହିଷ୍କାର କରିବେ।