ପୁନେ,୩୧।୮: ଖୁବ୍ଶୀଘ୍ର ମ୍ୟାଲେିରଆ ଭ୍ୟାକ୍ସିନ ଉପଲବ୍ଧ ହେବ ବୋଲି ସେରମ୍ ଇନ୍ଷ୍ଟିଚ୍ୟୁଟ୍ ଅଫ୍ ଇଣ୍ଡିଆ(ଏସ୍ଆଇଆଇ)ର ପରିଚାଳନା ନିର୍ଦ୍ଦେଶକ ସାଇରସ୍ ପୁନାଓ୍ବାଲା ବୁଧବାର ଘୋଷଣା କରିଛନ୍ତି। ଏହି ଭ୍ୟାକ୍ସିନ୍ କେବଳ ଭାରତ ନୁହେଁ ବରଂ ଆଫ୍ରିକାର ମ୍ୟାଲେରିଆ୍ପ୍ରବଣ ଅଞ୍ଚଳରେ ମଧ୍ୟ ଉପଲବ୍ଧ ହେବ। କୋଭିଡ୍ ଭ୍ୟାକ୍ସିନ୍ ‘କୋଭିସିଲ୍ଡ’ର ସଫଳତା ପରେ ଏସ୍ଆଇଆଇ ଖୁବ୍ଶୀଘ୍ର ମ୍ୟାଲେରିଆ ଭ୍ୟାକସିନ୍ ଉବଲବ୍ଧ କରିବାକୁ ଯାଉଛି ବୋଲି ପୁନାଓ୍ବାଲା କହିଛନ୍ତି। ସେ ଆହୁରି ମଧ୍ୟ କହିଛନ୍ତି, ଏସ୍ଆଇଆଇ ଡେଙ୍ଗୁଜ୍ୱର ଲାଗି ମଧ୍ୟ ଭ୍ୟାକ୍ସିନ୍ ପ୍ରସ୍ତୁତିରେ ଲାଗିଛି ଯାହା ଆସନ୍ତା ବର୍ଷ ଉପଲବ୍ଧ ହେବ। ମଶା କାମୁଡ଼ାରୁ ସୃଷ୍ଟି ହେଉଥିବା ଏହି ଦୁଇ ଜ୍ୱରର ଭ୍ୟାକ୍ସିନ୍ ପ୍ରସ୍ତୁତି ଲାଗି ତାଙ୍କ କମ୍ପାନୀ ଦୀର୍ଘବର୍ଷ ହେଲା କାର୍ଯ୍ୟ କରି ଆସୁଥିଲା।
