ମୁମ୍ବାଇ: ବଲିଉଡ୍ ଅଭିନେତ୍ରୀ ମଲାଇକା ଆରୋରା ନିଜର ଅଭିନୟକୁ ନେଇ ଯେତିକି ଚର୍ଚ୍ଚିତ ତା’ଠାରୁ ଅଧିକ ଚର୍ଚ୍ଚିତ ତାଙ୍କ ଗ୍ଲାମରସ୍ ଲୁକ୍ ଓ ଫିଟନେସକୁ ନେଇ । ନିଜକୁ ସବୁବେଳେ ଫିଟ ରଖୁଥିବା ନାୟିକା ନିଜର ବୋଲ୍ଡନେସ୍ ପାଇଁ ବି ଆସି ଯାଆନ୍ତି ଚର୍ଚ୍ଚାକୁ । ଏଇ କିଛିଦିନ ହେବ ମଲାଇକା ତାଙ୍କ ପୁରୁଷ ବନ୍ଧୁ ତଥା ବଲିଉଡ୍ର ଅଗଧାଡିର ନାୟକ ଅର୍ଜୁନ କପୁରଙ୍କୁ ନେଇ ବେଶ୍ ଚର୍ଚ୍ଚାକୁ ଆସିଥିଲେ । ଷ୍ଟାଇଲିସ ଲୁକ୍ ଓ ଫିଟନେସକୁ ନେଇ ସେ ଯୁଆଡେ ଯାଆନ୍ତି ସେଠାକାର ଲାଇମଲାଇଟକୁ ଆସିଯାଆନ୍ତି । ସୋସିଆଲ ମିଡିଆରେ ତାଙ୍କର ବହୁ ପ୍ରଶଂସକ ଥିବା ବେଳେ ସେ ମଧ୍ୟ ସୋସିଆଲ ମିଡିଆରେ ବେଶ୍ ରୁଚି ରଖନ୍ତି । ଅନେକ ସମୟରେ ସେ ତାଙ୍କର କିଛି ଭିଡିଓ ଓ ଫଟୋ ଶେୟାର କରି ଦର୍ଶକଙ୍କ ମନ କିଣନ୍ତି । ଏହି କ୍ରମରେ ନିକଟରେ ସୋସିଆଲ ମିଡିଆ ଇନଷ୍ଟାଗ୍ରାମରେ ମଲାଇକା ତାଙ୍କର ଏକ ଭିଡିଓ ଶେୟାର କରିଥିଲେ । ଏହାକୁ ଶେୟାର କରିବା ସହ ସେ କ୍ୟାପଶନରେ ଲେଖଥିଲେ, ‘ସମ୍ ଦେଶୀ ତଡକା ଦିଶ୍ ଏଏମ୍..’ । ଶନିବାର ସକାଳେ ଏହି ଭିଡିଓରେ ସେ ଏକଦମ୍ ଦେଶୀ ଲୁକରେ ପିଚ୍ କଲରର ଏକ ଡ୍ରେସରେ ନଜର ଆସିଥିଲେ । ଆଉ ଏହି ଭିଡିଓକୁ ଦେଖିବା ପରେ ତାଙ୍କ ପ୍ରଶଂସକମାନେ କମେଣ୍ଟ ଦେଇ ଚାଲିଛନ୍ତି । ମଲାଇକାଙ୍କର ଏହି ଦେଶି ତଡକା କୁଆଡେ ତାଙ ପ୍ରଶଂସକଙ୍କୁ ଦିୱାନା କରିଛି ବୋଲି ଆଲୋଚନା ହେଉଛି । ମାତ୍ର କେଇ ଘଣ୍ଟା ମଧ୍ୟରେ ଏହି ଭିଡିଓକୁ ହଜାର ହଜାର ଲାଇକ୍ ମିଳି ସାରିଛି । ଟେଲିଭିଜନ କି ବଡ ପରାରେ ବେଶୀ ନଜର ଆସୁ ନ ଥିବା ନାୟିକା ମଲାଇକା ଏବେ କିନ୍ତୁ ଫିଟେନେସକୁ ନେଇ ବେଶ୍ ଚର୍ଚ୍ଚିତ ।
