ଭୁବନେଶ୍ୱର, ୭ା୬: ଓଡ଼ିଶା ପୋଲିସରେ ଏକ ବଡ଼ ଧରଣର ଅଦଳବଦଳ ଦେଖିବାକୁ ମିଳିଛି। ଆଇନ ଶୃଙ୍ଖଳା ସ୍ଥିତିକୁ ଅଧିକ ସୁଦୃଢ଼ କରିବା ଏବଂ ପ୍ରଶାସନିକ କାର୍ଯ୍ୟଦକ୍ଷତା ବଢ଼ାଇବା ଲକ୍ଷ୍ୟରେ ରାଜ୍ୟ ପୋଲିସ ମୁଖ୍ୟାଳୟ ପକ୍ଷରୁ ଏକାସଙ୍ଗେ ୪୩ ଜଣ ପୁଲିସ ଇନ୍ସପେକ୍ଟରଙ୍କୁ ବଦଳି କରାଯାଇଛି। ଖାଲି ପଡ଼ିଥିବା ପଦବୀ ପୂରଣ କରିବା ସହ ଜନସେବାକୁ ଅଧିକ ପ୍ରାଥମିକତା ଦେବା ପାଇଁ ଏହି ନିଷ୍ପତ୍ତି ନିଆଯାଇଥିବା ସରକାରୀ ସୂତ୍ରରୁ ପ୍ରକାଶ।
ଇନ୍ସପେକ୍ଟର ଲିଜା ମଲ୍ଲିକ: ନୟାଗଡ଼ରୁ କେନ୍ଦ୍ରାପଡ଼ା ଜିଲାକୁ ବଦଳି।
ଇନ୍ସପେକ୍ଟର ହେମକାନ୍ତି ଛତ୍ରିଆ: ବରଗଡ଼ରୁ ନୂଆପଡ଼ା ଜିଲାକୁ ବଦଳି।
ଇନ୍ସପେକ୍ଟର ଅଶୋକ କୁମାର ହାଁସଦା: କନ୍ଧମାଳରୁ କେନ୍ଦୁଝର ଜିଲାକୁ ବଦଳି।
ଇନ୍ସପେକ୍ଟର ଜ୍ୟୋତି ଶଙ୍କର ସାମଲ: ପୁରୀରୁ ଭୁବନେଶ୍ୱର ସ୍ଥିତ ଗୁରୁତ୍ୱପୂର୍ଣ୍ଣ ‘ସ୍ପେଶାଲ ବ୍ରାଞ୍ଚ’କୁ ବଦଳି।
ଇନ୍ସପେକ୍ଟର ଜୟନ୍ତ କୁମାର ସେଠୀ: ସ୍ପେଶାଲ ବ୍ରାଞ୍ଚରୁ ପୁରୀ ଜିଲାକୁ ବଦଳି।
ଏହାଛଡ଼ା କଟକ, ସମ୍ବଲପୁର, ଗଞ୍ଜାମ, ଖୋର୍ଦ୍ଧା, ମୟୂରଭଞ୍ଜ, ଅନୁଗୁଳ, ଯାଜପୁର, ଭଦ୍ରକ, ଝାରସୁଗୁଡ଼ା, ସୁନ୍ଦରଗଡ଼, ବଲାଙ୍ଗୀର ଓ ଅନ୍ୟାନ୍ୟ ଜିଲ୍ଲାର ଇନ୍ସପେକ୍ଟରମାନଙ୍କର ମଧ୍ୟ ବଦଳି କରାଯାଇଛି । ବିଶେଷ କରି ଆର୍ଥିକ ଅପରାଧ ଶାଖା, ସ୍ପେଶାଲ ବ୍ରାଞ୍ଚ, ପୋଲିସ କମିଶନରେଟ, ବିପିଏସପିଏ ଓ ରାଜ୍ୟ ପୁଲିସ ମୁଖ୍ୟାଳୟରେ ମଧ୍ୟ ଅଧିକାରୀମାନଙ୍କର ପୋଷ୍ଟିଂ ପରିବର୍ତ୍ତନ କରାଯାଇଛି ।
