Odisha Elections 2024

ମହୁଲଫୁଲ ସଂଗ୍ରହକାରୀ ଶୋଷଣର ଶିକାର

ବରଗଡ଼,୨୦।୪(ପ୍ରେମାନନ୍ଦ ଖମାରୀ)ମହୁଲ ଫୁଲ ଏକ ଲଘୁ ବନଜାତ ଦ୍ରବ୍ୟ। ବରଗଡ଼ ଜିଲାର ଅଣଜଳସେଚିତ ପଦ୍ମପୁର ଉପଖଣ୍ଡ ସମେତ ବରଗଡ଼ ଉପଖଣ୍ଡର ଅମ୍ବାଭୋନା ଆଦି ଅଞ୍ଚଳର ଆଦିବାସୀ ବର୍ଗର ଗରିବ ଲୋକେ ମହୁଲ ସଂଗ୍ରହକୁ ସେମାନଙ୍କ ଏକ ଜୀବିକାଭାବେ ଗ୍ରହଣ କରି ଆସିଛନ୍ତି। ତେବେ ଏଥର ଅନ୍ୟବର୍ଷ ତୁଳନାରେ ଯଥେଷ୍ଟ କମ୍‌ ମହୁଲ ଫୁଲ ହୋଇଥିବାବେଳେ ବିକ୍ରି ବ୍ୟବସ୍ଥା ମଧ୍ୟ ନଥିବା ଯୋଗୁ ସଂଗ୍ରହକାରୀ ଶୋଷଣର ଶିକାର ହୋଇଥିବା ଜଣାପଡ଼ିଛି।

ସାଧାରଣତଃ ଫେବୃୟାରୀ ମାସରୁ ମହୁଲ ଫୁଲ ଝଡ଼ିବା ଆରମ୍ଭ ହୋଇଥାଏ। ତେବେ ମହୁଲ ଗଛ ଗୁଡ଼ିକରେ ଏଥର କମ୍‌ ଫୁଲ ଧରିଥିଲା। ତାହା ମହୁଲ ଫୁଲ ସଂଗ୍ରହକାରୀଙ୍କୁ ଯେତିକି ହତାଶ କରି ନ ଥିଲା, ବିଗତବର୍ଷ ତୁଳନାରେ କମ୍‌ ଦରରେ ମହୁଲ ବିକ୍ରି ଅଧିକ ମାନସିକ ଆଘାତ ଦେଇଥିବା କହିଛନ୍ତି। ପଦ୍ମପୁର, ପାଇକମାଳ, ଝାରବନ୍ଧ, ଗାଇସିଲେଟ, ଅମ୍ବାଭୋନା, ସୋହେଲା ଆଦି ଅଞ୍ଚଳରେ ଲୋକେ ମହୁଲ ସଂଗ୍ରହ କରୁଥିବା ଯୋଗୁ ପ୍ରତିବର୍ଷ ବାହ୍ୟଜିଲା ସମେତ ପଡ଼ୋଶୀ ଛତିଶଗଡ଼ ରାଜ୍ୟରୁ ମଧ୍ୟ ବେପାରୀମାନେ ମହୁଲ କିଣିବାକୁ ସମ୍ପୃକ୍ତ ଅଞ୍ଚଳକୁ ଆସିଥାନ୍ତି। କିନ୍ତୁ ଏଥର ମହୁଲ ଫୁଲ କମ୍‌ ଆସିଥିବା ଯୋଗୁ ଜିଲାକୁ ସେଭଳି ଅଧିକ ବେପାରୀମାନେ ମଧ୍ୟ ଆସି ନ ଥିଲେ। ଫଳରେ ସଂଗ୍ରହକାରୀମାନେ ସ୍ଥାନୀୟ ବେପାରୀଙ୍କଠାରୁ ବହୁ କମ୍‌ ଦରରେ ମହୁଲ ଫୁଲ ବିକ୍ରି କରିଥିବା ଜଣାପଡ଼ିଛି। ସରକାର ଏପର୍ଯ୍ୟନ୍ତ ମହୁଲ ଫୁଲର ଦର ନିର୍ଦ୍ଧାରଣ କରି ନାହାନ୍ତି। ଫଳରେ ବେପାରୀମାନେ ମନଇଚ୍ଛା ଦରରେ ତାହା କିଣୁଥିବା ପରିଲକ୍ଷିତ ହେଉଛି। ଅମ୍ବାଭୋନା ଅଞ୍ଚଳରେ କି.ଗ୍ରା ପ୍ରତି ମହୁଲ ଫୁଲ ୧୦ଟଙ୍କା ରହିଛି। ଭଲ ମହୁଲ ଫୁଲ ହୋଇଥିଲେ ତାକୁ କି.ଗ୍ରା ପ୍ରତି ୩୦ଟଙ୍କାରେ କିଣାଯାଉଛି। ସେହିପରି ମହୁଲ କି.ଗ୍ରା ପ୍ରତି ଭଟଲିରେ ୩୦ଟଙ୍କା, ପଦ୍ମପୁରରେ ୪୦ଟଙ୍କା, ଝାରବନ୍ଧରେ ୩୫ଟଙ୍କା, ପାଇକମାଳରେ ୩୦ଟଙ୍କା, ଗାଇସିଲେଟରେ ୩୦ଟଙ୍କା ଦରରେ ବିକ୍ରି ହେଉଥିବା ସୂଚନା ମିଳିଛି।
ମହୁଲ ଫୁଲ ସଂଗ୍ରହରେ ଭୋରରୁ ଗରୀବ ଖଟିଖିଆ ଆଦିବାସୀ ପରିବାରର ପିଲାଛୁଆଠୁ ଆରମ୍ଭ କରି ବୃଦ୍ଧାବୃଦ୍ଧ ପର୍ଯ୍ୟନ୍ତ ବାହାରିଥାନ୍ତି। ମହୁଲ ଗଛତଳେ ଝଡ଼ିଥିବା ମହୁଲ ଫୁଲକୁ ସଂଗ୍ରହ କରି ତାକୁ ପୁଣି ଖରାରେ ଶୁଖାଇଥାନ୍ତି। ତାହା ଶୁଖିବା ପରେ ମଦ ବ୍ୟବସାୟୀଙ୍କ ସମେତ ଅନ୍ୟ ବେପାରୀମାନେ ତାହା କିଣିବାକୁ ସେମାନଙ୍କ ପାଖକୁ ପହଞ୍ଚିଥାନ୍ତି। ତେବେ ମହୁଲ ଫୁଲ ପାଇଁ ସରକାର ଏକ ନିର୍ଦ୍ଦିଷ୍ଟ ଦର ଏପର୍ଯ୍ୟନ୍ତ ନିର୍ଦ୍ଧାରଣ କରି ନଥିବା ଯୋଗୁ ଝାଳବୁହା ପରିଶ୍ରମ କରିଥିବା ମହୁଲ ସଂଗ୍ରହକାରୀଙ୍କଠାରୁ ବେପାରୀମାନେ କମ୍‌ଦରରେ ତାହା କିଣିବାର ସୁଯୋଗ ପାଉଛନ୍ତି। ଏଥିପାଇଁ ମହୁଲ ସଂଗ୍ରହକାରୀଙ୍କୁ ଶୋଷଣର ସମ୍ମୁଖୀନ ହେବାକୁ ପଡୁଛି ବୋଲି ପାଇକମାଳ ବ୍ଳକ ଲହୁଣିପୁର ଗ୍ରାମର ଶେଷଦେବ ନାଏକ କହିଛନ୍ତି। ସେହପରି ଚାଷୀନେତା ରମେଶ ମହାପାତ୍ର କହିଛନ୍ତି, ମହୁଲ ଫୁଲରୁ ପ୍ରସ୍ତୁତ ଦେଶୀମଦ ବିକ୍ରିରୁ ସରକାରଙ୍କ ଅବକାରୀ ବିଭାଗ କୋଟିକୋଟି ଟଙ୍କା ଟ୍ୟାକ୍ସ ଅସୁଲ କରୁଛି। କିନ୍ତୁ ଏପର୍ଯ୍ୟନ୍ତ ମହୁଲ ସଂଗ୍ରହକାରୀଙ୍କୁ ସହାୟତା କିମ୍ବା ମହୁଲ ଫୁଲ ବିକ୍ରି ଦର ନିର୍ଦ୍ଧାରିତ କରି ନ ପାରିବା ଦୁର୍ଭାଗ୍ୟଜନକ। ଏଥିପ୍ରତି ସରକାର ତ୍ୱରିତ୍‌ ପଦକ୍ଷେପ ନେବା ଦରକାର ବୋଲି ମହାପାତ୍ର କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ରାଜ୍ୟରେ କେବଳ ନବୀନ ଇଞ୍ଜିନ ହିଁ ଚାଲିବ

ମୋରଡ଼ା,୧୮ା୫(ସ୍ମାରକ ମାଜୀ): ମୟୂରଭଞ୍ଜ ଜିଲା ମୋରଡ଼ା ବ୍ଲକ ଅଧୀନ ବାରମାଇଲଠାରେ ବିଜୁ ଜନତା ଦଳ ପକ୍ଷରୁ ୩୯ ନମ୍ବର ଜୋନ୍‌ସ୍ତରୀୟ ନିର୍ବାଚନୀ ସଭା ଅନୁଷ୍ଠିତ ହୋଇଯାଇଛି।...

ଖୁଲମଖୁଲା ବୁଲୁଛନ୍ତି ଝିଅର ହତ୍ୟାକାରୀ, ଗିରଫ ଦାବିରେ ଅନଶନରେ ବସିଲେ ମା’

କେନ୍ଦୁଝର,୧୮ା୫(ନରେଶ ଚନ୍ଦ୍ର ପଟ୍ଟନାୟକ): ନିର୍ବାଚନ ସମୟରେ ସବୁ ଓ୍ବାରେଣ୍ଟ କାର୍ଯ୍ୟକାରୀ ହୁଏ ପୁରୁଣା କେସ୍‌ ଥିବା ଅପରାଧୀ ଧରା ହୁଅନ୍ତି। ତେବେ କେନ୍ଦୁଝରର ଲୋକପ୍ରିୟ ସମାଜସେବୀ...

ଯୁବକଙ୍କ ଜୀବନ ନେଲା ଅନ୍‌ଲାଇନ୍‌ ଗେମ୍‌

ବାଲିମେଳା,୧୮ା୫(ଶିବଦତ୍ତ ସାହୁ): ମାଲକାନଗିରି ଜିଲା ବାଲିମେଳା ସହରରେ ଥିବା ୧ ନଂ ଓ୍ବାର୍ଡ ନୂଆସାହିରେ ଜଣେ ଯୁବକ ଅନ୍‌ଲାଇନ ଗେମ୍‌ ଖେଳରୁ ରଶି ଦେଇ ଆତ୍ମହତ୍ୟା...

ଛତ୍ରପୁର ବଡ଼ ଷ୍ଟେଶନ୍‌ରେ ଲାଇନଚ୍ୟୁତ ହେଲା ମାଲବାହୀ ଟ୍ରେନ୍‌

ଛତ୍ରପୁର,୧୮/୫(ଦିଲ୍ଲୀପ ସାମଲ): ଗଞ୍ଜାମ ଜିଲା ଛତ୍ରପୁର ବଡ଼ ଷ୍ଟେଶନ ଠାରେ ଏକମାଲବାହି ଟ୍ରେନ ଲାଇନଚ୍ୟୁତ ହୋଇଛି। ଟ୍ରେନର ୩ ବଗି ଲାଇନଚ୍ୟୁତ ହୋଇଥିବା ବେଳେ ରେଳବାଇ...

ପ୍ରଚାର ଶେଷଦିନରେ କମାଲ ଦେଖାଇଲା ବିଜେଡି

ପୁରୁଷୋତ୍ତମପୁର,୧୮ା୫(ସିମାଞ୍ଚଳ ମିଶ୍ର): ଗଞ୍ଜାମ ଜିଲା ଖଲ୍ଲିକୋଟ ବିଧାନସଭା ନିର୍ବାଚନକୁ ଆଉ ମାତ୍ର ଗୋଟିଏ ଦିନ ବାକି ରହିଥିବା ବେଳେ ଏଥିଲାଗି ଶନିବାର ପ୍ରଚାର ଶେଷ ହୋଇଛି।...

ଖଲ୍ଲିକୋଟ ହିଂସାର ତଦନ୍ତ ପାଇଁ ଗଠନ ହେଲା ଏସ୍‌ଆଇଟି ଟିମ୍‌: ସୂଚନା ଦେଲେ ଆରକ୍ଷୀ ମହାନିର୍ଦ୍ଦେଶକ

ଛତ୍ରପୁର,୧୮ା୫(ଦିଲ୍ଲୀପ ସାମଲ): ଗଞ୍ଜାମ ଜିଲା ଖଲ୍ଲିକୋଟ ହିଂସାର ତଦନ୍ତ ପାଇଁ ଏସ୍‌ଆଇଟି ଟିମ୍‌ ଗଠନ କରାଯାଇଛି। ଦକ୍ଷିଣାଞ୍ଚଳ ମହାନିର୍ଦ୍ଦେଶକ ଜୟନାରାୟଣ ପଙ୍କଜ ଏହି ଟିମ୍‌କୁ ତଦାରଖ...

ଜୟଦେବ ମିଛ କହୁଛନ୍ତି, ଦମ୍‌ ଅଛି ପ୍ରମାଣ ଦିଅନ୍ତୁ: ବିଡିଓ

ହାଟଡିହୀ,୧୮ା୫(ଶୁଭକାନ୍ତ ନାୟକ): କେନ୍ଦୁଝର ଜିଲା ଆନନ୍ଦପୁର ବିଧାନସଭା କ୍ଷେତ୍ରର ହାଟଡିହୀ ବ୍ଲକ ଅଧୀନ କେ. ବାଲିପାଳ ପଞ୍ଚାୟତର ତଅଁଳ ଗ୍ରାମରେ ବିଜେଡି ପକ୍ଷରୁ ଲୋକ ପ୍ରତିନିଧି...

ଜବାଗଡ଼ ନଦୀଘାଟରେ ଡଙ୍ଗାବୁଡ଼ି ଘଟଣା: ଆଜି ଉଦ୍ଧାର ହେଲା ନିଖୋଜ ଯୁବକଙ୍କ ମୃତଦେହ

କୋରାପୁଟ,୧୮ା୫(ଅମିତାଭ ବେହେରା): କୋରାପୁଟ ଜିଲା ନନ୍ଦପୁର ବ୍ଲକର ବିଲାପୁଟ ପଞ୍ଚାୟତ ଜବାଗଡ଼ ନଦୀଘାଟରେ ଗତ ଗୁରବାର ଡଙ୍ଗାବୁଡି ଘଟଣାରେ ନିଖୋଜ ଥିବା ସୁକୁ ପ୍ରଧାନୀ (୩୫)ଙ୍କ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri