ମହୁଆଙ୍କୁ ପଚରାଗଲା ଅନୈତିକ ପ୍ରଶ୍ନ, ଏଥିକ୍ସ କମିଟି ବୈଠକରେ ଜୋରଦାର ହଙ୍ଗାମା

ନୂଆଦିଲ୍ଲୀ,୨।୧୧: ଟିଏମସି ଏମପି ମହୁଆ ମୋଇତ୍ର ଗୁରୁବାର କ୍ୟାସ କ୍ୟୋରୀ ମାମଲାରେ ସଂସଦର ନୈତିକ କମିଟି ବା ଏଥିକ୍ସ କମିଟି ନିକଟରେ ହାଜର ହୋଇଥିଲେ। ସକାଳେ ସଂସଦରେ ପହଞ୍ଚିଥିବା ମହୁଆ ହଠାତ୍‌ ମଧ୍ୟଭାଗରୁ ସଭା ଛାଡି ଅପରାହ୍ନରେ ବାହାରକୁ ଆସିଥିଲେ। ସେ ବ୍ୟକ୍ତିଗତ ଏବଂ ଅନୈତିକ ପ୍ରଶ୍ନ ପଚାରି ନୈତିକ କମିଟି ଉପରେ ଅଭିଯୋଗ କରିଛନ୍ତି। ଏହି ସମୟରେ ବିଏସପି ଏମପି ଡାନିଶ ଅଲି ମଧ୍ୟ ତାଙ୍କ ସହ ଉପସ୍ଥିତ ଥିଲେ।

ଭାଜପା ଏମପି ନିଶିକାନ୍ତ ଦୁବେ ସଂସଦରେ ପ୍ରଶ୍ନ ବଦଳରେ ତ୍ରୁଣମୂଳ କଂଗ୍ରେସ ମହିଳା ଏମପି ମହୁଆ ମୋଇତ୍ରଙ୍କୁ ଟଙ୍କା ନେଇଥିବା ଅଭିଯୋଗ କରିଛନ୍ତି। ଲୋକ ସଭାର ନୈତିକ କମିଟି ଏହି ଘଟଣାର ତଦନ୍ତ କରୁଛି। ଗୁରୁବାର ପଚରାଉଚରା ପାଇଁ କମିଟି ନିକଟରେ ହାଜର ହୋଇଥିବା ମହୁଆ ଅଭିଯୋଗ କରିଛନ୍ତି ଯେ କମିଟିରେ ପଚରାଉଚରା ବେଳେ ତାଙ୍କୁ ଆପତ୍ତିଜନକ ଏବଂ ଅତ୍ୟଧିକ ବ୍ୟକ୍ତିଗତ ପ୍ରଶ୍ନ ପଚରାଯାଇଥିଲା।
ଲୋକ ସଭାର ନୈତିକ କମିଟିର ବୈଠକ ସମ୍ପର୍କରେ ନ୍ୟୁଜ ଏଜେନ୍ସି ପିଟିଆଇର ରିପୋର୍ଟ ଅନୁଯାୟୀ, ମହୁଆ ଏବଂ ଅନ୍ୟ ବିରୋଧୀ ସଦସ୍ୟମାନେ ମଧ୍ୟ ବ୍ୟକ୍ତିଗତ ପ୍ରଶ୍ନର ପ୍ରତିବାଦରେ ବୈଠକ କରିଥିଲେ। କମିଟିର ପ୍ରଶ୍ନକୁ ବିରୋଧ କରି ବିରୋଧୀ ଏମପିମାନେ ମହୁଆଙ୍କ ସହ ଏକ ଓ୍ବାର୍କଆଉଟ କରିଥିଲେ। ବିରୋଧୀ ଦଳର ଏମପିମାନେ ଏହି ସଭାର ଆୟୋଜନ ଉପରେ ପ୍ରଶ୍ନ ଉଠାଇଥିଲେ।