ଭୁବନେଶ୍ୱର,୨୬।୫ ରାଜ୍ୟସଭା ଏମ୍ ପି ଦେବାଶିଷ ସାମନ୍ତରାୟ ବିଜେଡି ଛାଡ଼ି ଭାଜପାରେ ଯୋଗଦାନ ପରେ ରାଜନୈତିକ ମହଳରେ ପ୍ରତିକ୍ରିୟା ଜୋର ଧରିଛି। ଏହାକୁ ନେଇ ବିଜେଡି ନେତା ମହେଶ ସାହୁ କଟାକ୍ଷ କରିଛନ୍ତି।
ମହେଶ ସାହୁ କହିଛନ୍ତି ଯେ, “ନବୀନ ବାବୁଙ୍କୁ ଅନ୍ୟମାନେ କେମିତି ଦେଖା କରୁଛନ୍ତି?” ସେ ଏହା ମଧ୍ୟ ପ୍ରଶ୍ନ କରିଛନ୍ତି ଯେ, ଯଦି ପାଣ୍ଡିଆନଙ୍କ ଯୋଗୁ ସେ ରାଜ୍ୟସଭାକୁ ଯାଇଥିଲେ, ତେବେ ଏବେ କାହିଁକି କହୁନାହାନ୍ତି।
ସେ ଆହୁରି କହିଛନ୍ତି , “ନିଜର ଅସଫଳତା କିମ୍ବା ଖସିବାର ଦୋଷ ଅନ୍ୟଙ୍କ ଉପରେ ଦେବା ନିନ୍ଦନୀୟ।” ଏଭଳି ମନ୍ତବ୍ୟ କରି ସେ ଦେବାଶିଷ ସାମନ୍ତରାୟଙ୍କୁ କଟାକ୍ଷ କରିଛନ୍ତି।
ଦେବାଶିଷଙ୍କ ଦଳବଦଳ ପରେ ବିଜେଡି ଓ ଭାଜପା ମଧ୍ୟରେ ରାଜନୈତିକ ତର୍କ-ବିତର୍କ ଆହୁରି ତୀବ୍ର ହେବାରେ ଲାଗିଛି
ସୋମବାର ବିଜେଡିରୁ ଇସ୍ତଫା ଦେବା ସହ ଏମ୍ପି ପଦରୁ ଇସ୍ତଫା ଦେଇଥିଲେ ରାଜ୍ୟସଭା ଏମ୍ପି ଦେବାଶିଷ ସାମନ୍ତରାୟ। ବିଜେଡିର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇ ଦଳର ସଭାପତି ନବୀନ ପଟ୍ଟନାୟକଙ୍କୁ ସେ ତାଙ୍କ ଇସ୍ତଫା ପତ୍ର ପଠାଇଥିଲେ। ଏହାର କିଛି ସମୟ ପରେ ସେ ଉପରାଷ୍ଟ୍ରପତି ସି.ପି. ରାଧାକ୍ରିଷ୍ଣନ୍ଙ୍କୁ ରାଜ୍ୟ ସଭା ସଦସ୍ୟ ପଦରୁ ଇସ୍ତଫା ପତ୍ର ଦେଇଥିଲେ। ଦେବାଶିଷଙ୍କ ଏଭଳି ପଦକ୍ଷେପ କଟକ ରାଜନୀତିର ଚର୍ଚ୍ଚାର ବିଷୟ ପାଲଟିଛି।
ଇସ୍ତଫା ଦେବାର କାରଣ ଦର୍ଶାଇ କହିଥିଲେ, ପାଣ୍ଡିଆନଙ୍କ ପାଇଁ ବିଜେଡି ଛାଡ଼ିଲି । ବର୍ଷେ ହେଲାଣି ନବୀନ ବାବୁଙ୍କୁ ମୋତେ ଦେଖା କରାଇ ଦେଉ ନଥିଲେ। ସେ ଭଲ ଭାବେ ଜାଣିଥିଲେ ନବୀନ ବାବୁଙ୍କ ସହ ମୋର ସଂପର୍କ କଣ। ବିଜେଡିକୁ ସଂଗଠିତ କରିବା ନୁହେଁ, କିପରି ଅଧିକରୁ ଅଧିକ ସସ୍ପେଣ୍ଡ କାର୍ଯ୍ୟ କରୁଥିଲେ। ନବୀନ ବାବୁ କହିଥିଲେ ପାଣ୍ଡିଆନ ମୋ ଉତ୍ତରାଧିକାରୀ ନୁହନ୍ତି। ମାତ୍ର ଟ୍ରଷ୍ଟ ନାଁରେ ବାପା ବିଜୁ ବାବୁ କରିଥିବା ଘର ତାଙ୍କୁ ଦେଇଦେଲେ। ଏହା ବିଜୁ ବାବୁଙ୍କ ଲିଗାସି ପ୍ରତି ଘୋର ଅପମାନ ଥିଲା। ବିଜୁ ବାବୁଙ୍କ ସଂପତ୍ତି ତାମିଲ ଲୋକଙ୍କୁ ଯିବ ମୁଁ ଗ୍ରହଣ କରିପାରୁନି ବୋଲି ଦେବାଶିଷ କହିଛନ୍ତି।