କୋଲକାତା,୪।୧୦ : ପଶ୍ଚିମବଙ୍ଗର କୋଲକାତାର ରୁବି କ୍ରସିଂ ନିକଟରେ ଥିବା ଏକ ଦୁର୍ଗା ପୂଜା ପେଣ୍ଡାଲରେ ମହିଷାସୁର ସ୍ଥାନରେ ମହାତ୍ମା ଗାନ୍ଧୀଙ୍କ ସଦୃଶ ଏକ ମୂର୍ତ୍ତି ଥିଲା। ମୂର୍ତ୍ତିର ମୁଣ୍ଡ ଟାଙ୍ଗରା ଥିଲା ଏବଂ ଏକ ଧଳା ଧୋତି ଓ ଗୋଲାକାର ଚଷମା ପିନ୍ଧି ଥିବାର ଦେଖିବାକୁ ମିଳିଥିଲା। ଏହାକୁ ନେଇ ବିବାଦ ସୃଷ୍ଟି ହୋଇଥିଲା।
ତେବେ ଅଭିଯୋଗ ଦାଖଲ କରିବା ପରେ ମୁଣ୍ଡରେ କେଶ ଏବଂ ମୁହଁରେ ନିଶ ପୋଲିସର ନିର୍ଦ୍ଦେଶ ପରେ ମୂର୍ତ୍ତିକୁ ବଦଳାଇ ଦିଆଯାଇଥିଲା। ସମାନତା କେବଳ ଏକ ସଂଯୋଗ ବୋଲି ଆୟୋଜକମାନେ ଦାବି କରିଥିଲେ। ତେବେ ଏହାକୁ ନେଇ ମଙ୍ଗଳବାର ଭାଜପା ପକ୍ଷରୁ କଡ଼ା ନିନ୍ଦା କରାଯାଇଛି। ଏହା ମଧ୍ୟ କୁହାଯାଇଛି ଯେ ଅତୀତରେ ଟିଏମସି ଶାସିତ ପଶ୍ଚିମବଙ୍ଗରେ ଅନ୍ୟାନ୍ୟ ଧାର୍ମିକ ଆୟୋଜନ ସମୟରେ ଜନସାଧାରଣଙ୍କ ଭାବନାକୁ ଆଘାତ ଦିଆଯାଇଛି।
ଭାଜପା ରାଜ୍ୟ ମୁଖପାତ୍ର ସମିକ ଭଟ୍ଟାଚାର୍ଯ୍ୟ କହିଛନ୍ତି ଯେ ହୁଗଲି ଜିଲାର ଗୁରୁପ ଠାରେ ଟିଏମସି ପତାକା ଦୁର୍ଗା ଦେବୀଙ୍କ ହାତରେ ରଖିଥିବାର ଦେଖିବାକୁ ମିଳିଛି। ସେହିପରି କୋଲକାତାର ଏକ ଦୁର୍ଗା ପୂଜା ପେଣ୍ଡାଲରେ ଆଜାନ ଦିଆଯାଇଥିଲା। ଅପରପକ୍ଷରେ ମେଢ଼ ପାଖକୁ ଯାଉଥିବା ବାଟକୁ ଜୋତା ଦ୍ୱାରା ସଜାଯାଇଥିବାର ଅଭିଯୋଗ ମଧ୍ୟ ମିଳିଛି।
ଗାନ୍ଧୀଙ୍କୁ ଅପମାନିତ କରୁଥିବା ପ୍ରତ୍ୟେକ ପଦକ୍ଷେପକୁ ଆମେ ନିନ୍ଦା କରୁଛୁ ବୋଲି ଭାଜପା କହିଛି। ଆୟୋଜକମାନଙ୍କୁ ଏଭଳି କାର୍ଯ୍ୟ କରିବାକୁ ଉତ୍ସାହିତ କରାଯାଉଛି ବୋଲି ଭାଜପା ଅଭିଯୋଗ କରିଛି। ଯାହାଦ୍ୱାରା ଏକ ବଡ଼ ବର୍ଗଙ୍କର ଭାବନାକୁ ଆଘାତ ମିଳିବ। ଭଟ୍ଟାଚାର୍ଯ୍ୟ କହିଛନ୍ତି ଯେ ଟିଏମସି ଦୁର୍ଗା ପୂଜାର ଧାର୍ମିକ ଭାବନାକୁ ଦୂର କରିଦେଇଛି। ଏଥିରେ କୌଣସି ସନ୍ଦେହ ନାହିଁ ଯେ ଏହା ଏକ ସଦଭାବନାରର ପର୍ବ। କିନ୍ତୁ ପଶ୍ଚିମବଙ୍ଗରେ ଶାସକ ଦଳ ଆଧ୍ୟାତ୍ମିକ ଦିଗକୁ ଉଲ୍ଲଂଘନ କରିଛନ୍ତି।
ଅପରପକ୍ଷରେ ଟିଏମସିର ରାଜ୍ୟ ମୁଖପାତ୍ର କୁନାଲ ଘୋଷ ଭାଜପାକୁ ଏଭଳି କାର୍ଯ୍ୟ କରୁଥିବା ଅଭିଯୋଗ କରିଛନ୍ତି। ଦୁର୍ଗା ପୂଜା ହେଉଛି ଏକ ସାମାଜିକ ପର୍ବ … ପଶ୍ଚିମବଙ୍ଗରେ ମାନବିକତା ଏବଂ ସୌହାର୍ଦ୍ଦ୍ୟର ପର୍ବ ଯେଉଁଠାରେ ଧାର୍ମିକ ଦିଗଗୁଡିକ ଦେଖାଯାଏ । ଭାଜପା ଏକତା ଉପରେ ବିଶ୍ୱାସ କରେ ନାହିଁ ଏବଂ ମତଭେଦ ସୃଷ୍ଟି କରିବାକୁ ଚାହୁଁଛି। ସେ କହିଛନ୍ତି ଯେ ଜାତିର ପିତାଙ୍କୁ ରାକ୍ଷସ ଭାବରେ ଚିତ୍ରଣ କରିବା ଏକ ଅପବିତ୍ର କାର୍ଯ୍ୟ, ଏହା ଏପର୍ଯ୍ୟନ୍ତ କରାଯାଇ ନଥିଲା। ମାତ୍ର ଭାଜପା ପ୍ରରୋଚନାରେ ଏବେ ଏଭଳି ହେଉଛି। ଏହା ପରେ ପୋଲିସ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା। ଯଦି ପୂଜାପାଠ ବନ୍ଦ ହୋଇଥାନ୍ତା, ତେବେ ଭାଜପା ପ୍ରଶାସନକୁ ପୂଜା ବିରୋଧୀ ବୋଲି କହି ମିଥ୍ୟା ଅଭିଯୋଗ ଆଣିଥାନ୍ତା।
