ପୁଣେ,୧୬।୨: ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନଭୀସ ଏନସିପିକୁ ନେଇ ଦେଇଥିବା ମନ୍ତବ୍ୟ ପୁଣି ଥରେ ଦୋହରାଇଛନ୍ତି। ସେ କହିଛନ୍ତି, ନଭେମ୍ବର ୨୦୧୯ରେ ଜାତୀୟତାବାଦୀ କଂଗ୍ରେସ(ଏନସିପି) ଦଳର ନେତା ଅଜିତ ପାୱାରଙ୍କ ସହ ସେ ଯେଉଁ ସରକାର ଗଠନ କରିହୋଇଥିଲା ସେଥିରେ ଏନସିପି ମୁଖ୍ୟ ଶରଦ ପାୱାରଙ୍କ ସମର୍ଥନ ରହିଥିଲା। ମୋ ବିରୋଧରେ ଚକ୍ରବ୍ୟୁହ ରଚାଯାଇଥିଲା ଏହା ଶତପ୍ରତିଶତ ସତ ଏବଂ ମୁଁ ମିଛ କହୁନାହିଁ। ମୁଁ ଆଜି ଚାଲିଥିବା ଘଟଣାଗୁଡ଼ିକ ବିଷୟରେ କହିବି ନାହିଁ କିନ୍ତୁ ସମୟ ଆସିବ ଏବଂ ସମୟ ଆସିବ ନାହିଁ ମୁଁ ନିଶ୍ଚିତ ଭାବେ ଏହା କହିବି।
ସୂଚନାଯୋଗ୍ୟ, ନିକଟରେ ଏକ କାର୍ଯ୍ୟକ୍ରମରେ ଫଡନଭୀସ କହିଥିଲେ, ମୋ ସହ ଦୁଇଥର ବିଶ୍ୱାସଘାତକତା କରାଯାଇଛି। ଉଦ୍ଧବ ଠାକରେ ପ୍ରଥମେ କରିଥିଲେ। ଆମେ ତାଙ୍କ ସହ ନିର୍ବାଚନ ଲଢିଥିଲୁ। ନିର୍ବାଚନ ପ୍ରଚାରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଥିଲେ, ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନଭୀସ ହେବେ, ସେତେବେଳେ ଉଦ୍ଧବ କରତାଳି ଦେଉଥିଲେ। ଯେତେବେଳେ ନିର୍ବାଚନ ଫଳାଫଳ ବାହାରିଲା, ସଂଖ୍ୟା ଦେଖି ସେମାନେ ଅନୁଭବ କଲେ ଯେ, ତାଙ୍କର ନିଜର ମୁଖ୍ୟମନ୍ତ୍ରୀ ରହିପାରିବେ। ଏହା ପରେ ସେ ମୋ ଫୋନ ମଧ୍ୟ ଉଠାଇ ନ ଥିଲେ। ମୋ ସହିତ ମଧ୍ୟ ଆଲୋଚନା କରି ନ ଥିଲେ। ମୁଖ୍ୟମନ୍ତ୍ରୀ ପଦର ଚେୟାର ତାଙ୍କ ପାଇଁ ଏତେ ପ୍ରିୟ ଥିଲା ଯେ ସେ ଜାତୀୟତାବାଦୀ କଂଗ୍ରେସ(ଏନସିପି) ଏବଂ କଂଗ୍ରେସ ସହିତ ଯାଇଥିଲେ।
ଦ୍ୱିତୀୟ ବିଶ୍ୱାସଘାତକତା ଏନସିପି ଦ୍ୱାରା କରାଯାଇଛି ବୋଲି ଫଡନଭୀସ କହିଛନ୍ତି। ତଥାପି, ମୁଁ ଏଥିପାଇଁ ସେମାନଙ୍କୁ କମ ଦାୟୀ କରେ। ତିନି ବର୍ଷ ପୂର୍ବେ ଯେତେବେଳେ ଭାଜପା ଏନସିପି ସହିତ ମିଶି ସରକାର ଗଠନ କରିଥିଲା ସେତେବେଳେ ଶରଦ ପାୱାର ମଧ୍ୟ ଏକମତ ଥିଲେ। କିନ୍ତୁ ନିଷ୍ପତ୍ତି ପରେ ସେମାନେ କିପରି ବଦଳିଲେ ଆପଣ ସମସ୍ତେ ଦେଖିଥିବେ।
ସୂଚନାଯୋଗ୍ୟ, ୨୦୧୯ ବିଧାନସଭା ନିର୍ବାଚନରେ ଭାଜପା-ଶିବସେନା ଏକାଠି ପ୍ରତିଦ୍ୱନ୍ଦ୍ୱିତା କରିଥିଲେ। ଉଭୟ ମଧ୍ୟ ସଂଖ୍ୟାଗରିଷ୍ଠତା ଅତିକ୍ରମ କରିଥିଲେ, କିନ୍ତୁ ପରେ ଶିବସେନା ଏବଂ ଭାଜପା ମଧ୍ୟରେ ମେଣ୍ଟ ହୋଇପାରିଲା ନାହିଁ। ଏହା ପରେ ଦେବେନ୍ଦ୍ର ଫଡନଭୀସ ଅଜିତ ପାୱାରଙ୍କ ସହଯୋଗରେ ସରକାର ଗଠନ କରିଥିଲେ। ଦେବେନ୍ଦ୍ର ଫଡନଭୀସ ମୁଖ୍ୟମନ୍ତ୍ରୀ ଏବଂ ଅଜିତ ପାୱାର ଉପ-ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଥିଲେ। ତେବେ ସରକାର ମାତ୍ର ୪୮ ଘଣ୍ଟା ମଧ୍ୟରେ ପଡ଼ିଯାଇଥିଲେ।
