ନୂଆଦିଲ୍ଲୀ,୨୦।୧୨: ବହୁ ଚର୍ଚ୍ଚିତ ଶ୍ରଦ୍ଧା ଓ୍ବାଲକରଙ୍କ ହତ୍ୟାକାଣ୍ଡକୁ ନେଇ ମହାରାଷ୍ଟ୍ର ସରକାର ମଙ୍ଗଳବାର ଏକ ବଡ଼ ଘୋଷଣା କରିଛନ୍ତି। ବଜେଟ ଅଧିବେଶନ ପୂର୍ବରୁ ଏକ ଏସ୍ଆଇଟି ଗଠନ କରି ଶ୍ରଦ୍ଧା ୱାଲକରଙ୍କ ହତ୍ୟା ମାମଲାରେ ରିପୋର୍ଟ ଟେବୁଲ କରିବାକୁ ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ୍ନାବିସ ଘୋଷଣା କରିଛନ୍ତି। ଏଥିସହ ସ୍ବରାଷ୍ଟ୍ରମନ୍ତ୍ରୀ ଅମିତ ଶାହାଙ୍କୁ ଏହି ମାମଲାକୁ ଫାଷ୍ଟ ଟ୍ରାକ୍ରେ ଶୁଣାଣି କରି ଅଭିଯୁକ୍ତଙ୍କୁ କଠୋର ଦଣ୍ଡ ଦେବାକୁ ମହାରାଷ୍ଟ୍ର ସରକାର ଦାବି କରିବେ ବୋଲି ସେ କହିଛନ୍ତି। ଅନ୍ୟପଟେ ରାଜ୍ୟ ବିରୋଧୀ ଦଳର ନେତା ଅଜିତ ପାୱାର ମଧ୍ୟ ଅଭିଯୁକ୍ତଙ୍କ ପାଇଁ ମୃତ୍ୟୁଦଣ୍ଡ ଦାବି କରିଛନ୍ତି। ହତ୍ୟା ମାମଲାରେ ପଞ୍ଜିକରଣରେ ବିଳମ୍ବ ଏବଂ ଶ୍ରଦ୍ଧାଙ୍କ ଚିଠି ଫେରାଇ ନେବା ପଛରେ କୌଣସି ରାଜନୈତିକ ଚାପ ଆଦି ନେଇ ଏସ୍ଆଇଟି ଯାଞ୍ଚ କରିବ।
