ପୁରୀ ଅଫିସ,୪୮: ଚଳିତବର୍ଷ ତିନିରଥ ଭଙ୍ଗା ନ ଯାଇ ସଂରକ୍ଷଣ କରାଯିବ । ମହାପ୍ରଭୁଙ୍କ ପ୍ରମୋଦ ଉଦ୍ୟାନ ଜଗନ୍ନାଥ ବଲ୍ଲଭ ମଠ ପରିସରରେ ତିନିରଥକୁ ରଖାଯିବ । ଶ୍ରୀମନ୍ଦିର ପ୍ରଶାସନର ଏହି ନିଷ୍ପତ୍ତି ପରେ ରଥ ଖୋଲା କାମ ଜାରି ରହିଛି । ମାତ୍ର ଏଥିରେ ଅସହଯୋଗ ଚେତାବନୀ ଦେଇଛନ୍ତି ମହାରଣା ସେବକ । ରଥ ଭଙ୍ଗା ଗଲେ ସେମାନେ ଖେଇ ବାବଦରେ ତିନିରଥର ଦୁଆର ବେଢା ପାଇଥାନ୍ତି । ଯେ ହେତୁ ଏଥର ଏହାକୁ ସଂରକ୍ଷଣ କରି ରଖାଯିବ। ତେଣୁ ଏ ବାବଦରେ ସେମାନଙ୍କୁ ପ୍ରାପ୍ୟ ଦେବା ଲାଗି ଦାବି ରଖିଛନ୍ତି । ଏତଦ୍ବ୍ୟତୀତ ଆହୁରି କିଛି ପ୍ରାପ୍ୟ ପାଉଣା ମନ୍ଦିର ପ୍ରଶାସନ ଉପରେ ରହିଛି । ଏଥିପାଇଁ ତିନିରଥର ମୁଖ୍ୟ ମହାରଣା ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କୁ ସ୍ମାରକପତ୍ର ପ୍ରଦାନ କରିଛନ୍ତି । ଦୁଇଦିନ ମଧ୍ୟରେ ସେମାନଙ୍କ ପ୍ରାପ୍ୟ ପାଉଣା ନ ଦେଲେ ରଥ ଖୋଲା କାମରେ ସହଯୋଗ କରିବେ ନାହିଁ ବୋଲି ଚେତାବନୀ ଦେଇଛନ୍ତି । ଫଳରେ ରଥ ଖୋଲାରେ ବାଧା ଉପୁଜିବା ଆଶଙ୍କା ସୃଷ୍ଟି ହୋଇଛି । ସୂଚନାଥାଉ କି, ବର୍ତ୍ତମାନ ସୁଦ୍ଧା ଦେବୀ ସୁଭଦ୍ରାଙ୍କ ଦର୍ପଦଳନ ରଥ ଖୋଲା ପ୍ରାୟ ଶେଷ ପର୍ଯ୍ୟାୟରେ ପହଞ୍ଚତ୍ଛି ।
