ପୁରୀ ଅଫିସ,୧୧ା୭: ସୋମବାର ମହାପ୍ରଭୁଙ୍କ ବିଶ୍ୱ ପ୍ରସିଦ୍ଧ ରଥଯାତ୍ରା। ଭକ୍ତଙ୍କୁ ଦର୍ଶନ ଦେବାକୁ ବଡ଼ଦାଣ୍ଡକୁ ଓହ୍ଲାଇ ଆସିବେ ମହାବାହୁ। ଏନେଇ ରବିବାର ଶ୍ରୀମନ୍ଦିରରୁ ତିନି ରଥକୁ ବିଜେ ହୋଇଛି ଆଜ୍ଞାମାଳ। ସକାଳ ଧୂପ ନୀତି ପରେ ଶ୍ରୀମନ୍ଦିରରୁ ଆଜ୍ଞାମାଳ ବାହାରିଥିଲା। ତିନି ପୂଜାପଣ୍ଡା ସାମନ୍ତ ତିନି ରଥରେ ଏକକାଳୀନ ଆଜ୍ଞାମାଳ ବିଜେ କରାଇଛନ୍ତି। ଏହାପରେ ରଥଗୁଡ଼ିକୁ ସିଂହଦାର ଅଭିମୁଖେ ଟଣାଯାଉଛି। ନନ୍ଦିଘୋଷ ରଥକୁ ପ୍ରଥମେ ଟଣା ହେବା ପରେ ଦେବଦଳନ ଓ ଶେଷରେ ତାଳଧ୍ୱଜ ରଥକୁ ଟଣାଯାଇ ସିଂହଦାର ସମ୍ମୁଖରେ ରଖାଯିବ।
ସୂଚନାଯୋଗ୍ୟ, ଚଳିତବର୍ଷ ବିନାଭକ୍ତରେ ମହାପ୍ରଭୁ ଘୋଷଯାତ୍ରା କରିବେ। କେବଳ ପ୍ରାଶାସନିକ ଅଧିକାରୀ, ପୋଲିସ ଆଉ ସେବାୟତ ଚଳିତ ରଥଯାତ୍ରାରେ ସାମିଲ ହେବେ। କୋଭିଡ୍ କଟକଣାକୁ ଅନୁପାଳନ କରିବାକୁ ସହରକୁ ୬୫ ପ୍ଲାଟୁନ ଫୋର୍ସ ମୁତୟନ ହୋଇଛନ୍ତି।
