ସୋସିଆଲ ମିଡିଆରେ ପ୍ରତିଦିନ ବିଭିନ୍ନ ପ୍ରକାରର ଭିଡିଓ ଭାଇରାଲ ହୋଇଥାଏ। ଏଥି ମଧ୍ୟରୁ କିଛି ଭିଡିଓ ଆମକୁ ଆଶ୍ଚର୍ଯ୍ୟ କରିଦେଇଥାଏ। ଠିକ୍ ସେମିତି ଗୋଟିଏ ଭିଡିଓ ବର୍ତ୍ତମାନ ଭାଇରାଲ ହେବାରେ ଲାଗିଛି, ଯେଉଁଥିରେ ଜଣେ ବ୍ୟକ୍ତି ଚମତ୍କାର ଶିଡ଼ି ଚଢୁଛନ୍ତି।
ପ୍ରାୟତଃ ଘରେ ଲୋକମାନେ ଅଭିଯୋଗ କରନ୍ତି ଯେ, ଶିଡ଼ି ଅଧିକ ସ୍ଥାନ ନେଇଥାଏ। ଘରଗୁଡ଼ିକ ଛୋଟ ହେବା ସହିତ ଲୋକମାନେ କମ୍ପାକ୍ଟ ଜିନିଷକୁ ପସନ୍ଦ କରନ୍ତି। ଭାଇରାଲ ହେଉଥିବା ଭିଡିଓରେ ଜଣେ ବ୍ୟକ୍ତି କେବଳ ଗୋଟିଏ ହାତରେ ଶିଡ଼ିକୁ ପୂରା ଉଠାଉଛନ୍ତି। ଯାହା ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି।
Great design pic.twitter.com/xpazcjLlXj
— Tansu YEĞEN (@TansuYegen) September 13, 2022
@TansuYegen ନାମକ ଏକ ଟୁଇଟର ପେଜ୍ରେ ଭିଡିଓଟି ଶେୟାର କରାଯାଇଛି। ଭିଡିଓରେ ଜଣେ ବ୍ୟକ୍ତି ଅତି ଆରାମରେ ଆସୁଛନ୍ତି। ସେ କାନ୍ଥରେ ଥିବା ଏକ ଡିଜାଇନ ଆଡ଼କୁ ଯାଉଛନ୍ତି। ତଳେ ଏକ ଫାଟକ ପରି ଖୋଲୁଛନ୍ତି। ସେ ନିଜ କାମ ଶେଷ କରିବା ମାତ୍ରେ ଏକ ପୂରା ଶିଡ଼ି ଦେଖିବାକୁ ମିଳୁଛି। ପରେ ବ୍ୟକ୍ତି ଜଣକ ଏହି ଶିଡ଼ି ଯାହାଯ୍ୟରେ ଉପରେ ଯାଇ ପହଞ୍ଚୁଛନ୍ତି। ଭିଡିଓ ଶେୟାର କରାଯାଇ ଏଥିରେ କ୍ୟାପଶନ ଲେଖାଯାଇଛି, ଏହା ଏକ ଭଲ ଡିଜାଇନ।
ସେପ୍ଟେମ୍ବର ୧୩ରେ ଏହି ଭିଡିଓଟି ଶେୟାର କରାଯାଇଛି। ଏପର୍ଯ୍ୟନ୍ତ ଏହାକୁ ୧.୨ ମିଲିୟନ ଲୋକ ଦେଖିଛନ୍ତି ଅର୍ଥାତ୍ ୧୨ ଲକ୍ଷରୁ ଅଧିକ ଲୋକ ଦେଖିଥିବାବେଳେ ୩୬ ହଜାରରୁ ଅଧିକ ଲୋକ ଏହାକୁ ପସନ୍ଦ କରିଛନ୍ତି। ଭିଡିଓରେ ୟୁଜରମାନେ ଭିନ୍ନ ଭିନ୍ନ ମନ୍ତବ୍ୟ ଦେଇଛନ୍ତି। କିଛି ଲୋକ ଏହାକୁ ସର୍ବୋତ୍ତମ ଡିଜାଇନ ବୋଲି କହିଥିବା ବେଳେ ଜଣେ ୟୁଜର ଏହା ଟିକେ ବାଉନ୍ସ ବୋଲି କହିଛନ୍ତି।
