କମଳ ପଣ୍ଡାଙ୍କ ତତ୍ତ୍ୱାବଧାନରେ ଆୟୋଜିତ କାର୍ଯ୍ୟକ୍ରମରେ ମନ୍ଦିର ପରିଚାଳନା କମିଟି ସଭାପତି ପ୍ରଶାନ୍ତ କୁମାର ନାୟକ,ସମ୍ପାଦକ ରବିନ୍ଦ୍ର ପଣ୍ଡା ପ୍ରମୁଖ ଅତିଥିମାନଙ୍କୁ ଉତ୍ତରୀୟ ଓ ପୁଷ୍ପଗୁଛ ପ୍ରଦାନ ପୂର୍ବକ ସମ୍ମାନିତ କରିଥିଲେ। ଡ଼ଃ ଚନ୍ଦନ ଗନ୍ତାୟତ ଦ୍ୱାରା ମାଁ ରାମଚଣ୍ଡୀଙ୍କ ସମ୍ପର୍କରେ ସୁନ୍ଦର ସଙ୍ଗୀତ ସହ ଭିଡିଓ ପ୍ରଦର୍ଶନ କରାଯାଇଥିଲା । ପରେ ଡ଼ଃ ଗନ୍ତାୟତଙ୍କୁ ମୁଖ୍ୟଅତିଥିଙ୍କ ଦ୍ୱାରା ସମ୍ମାନିତ କରାଯାଇଥିଲା। ଏହି ଅବସରରେ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମରେ ଆମ୍ବପୁଆର ପ୍ରିନ୍ସ ଡାନ୍ସ ଗ୍ରୁପର ନୃତ୍ୟ ପ୍ରଦର୍ଶନ ଦର୍ଶକଙ୍କ ମନ ମୋହିଥିଲା ।କଣ୍ଠଶିଳ୍ପୀ ଡ଼ଃ ଅନୁରାଧା ପାଣିଗ୍ରାହୀ, ଅଙ୍କିତା ରାଣୀଙ୍କ କଣ୍ଠ ସଂଗୀତର ମଧୁର ମୁର୍ଚ୍ଛନାର ତାଳେ ତାଳେ ଦର୍ଶକ ଝୁମିଥିଲେ। ଅଭିନେତା ଜ୍ୟୋତି ରଞ୍ଜନଙ୍କ ନୃତ୍ୟ ପ୍ରଦର୍ଶନ କରିବା ସହ ମା’ ରାମଚଣ୍ଡୀଙ୍କୁ ଦର୍ଶନ କରି ଆଶୀର୍ବାଦ ଭିକ୍ଷା କରିଥିଲେ। ସେହିପରି କାଠ ପାଦ ନୃତ୍ୟ, ଓଡିଶୀ ନୃତ୍ୟ, ଘୁଙ୍ଗୁର ନୃତ୍ୟ, ଆଦିବାସୀ ନୃତ୍ୟ ଆଦି ବିଭିନ୍ନ ଦଳଗତ ନୃତ୍ୟ ପ୍ରଦର୍ଶନ କରାଯାଇଥିଲା । କୃଷ୍ଣ ଚନ୍ଦ୍ର ରେଡ୍ଡି, ଗଣେଶ ପଟନାୟକ, ଗୌତମ ନାୟକ, ଦେବାଂଶୀ ଦେବ ଦର୍ଶିନୀ, ଜୟନ୍ତ ଆଚାର୍ଯ୍ୟ, ଅଳକା ସାହୁ ଦିବାକର ବିଶୋଇ, ସୁମନ ପଟନାୟକ ପ୍ରମୁଖ କୋରିଓଗ୍ରାଫର ଓ କଣ୍ଠଶିଳ୍ପୀଙ୍କୁ ସମ୍ମାନିତ କରାଯାଇଥିଲା l ସମସ୍ତ କାର୍ଯ୍ୟକ୍ରମକୁ ସ୍ବସ୍ତି ସୁନ୍ଦର ସଂଯୋଜନା କରିଥିଲେ l ପୂଜା କମିଟି ସଭାପତି ସିଏଚ୍ ଦୟାନିଧି ରେଡ୍ଡିଙ୍କ ସହ ସମସ୍ତ କମିଟି ମେମ୍ବର ଉପସ୍ଥିତ ରହି କାର୍ଯ୍ୟକ୍ରମର ସୁପରିଚାଳନା କରିଥିଲେ l ଦ୍ୱିତୀୟ ସାରେ ମଧ୍ୟ ବହୁ ଭକ୍ତଙ୍କ ଭିଡ଼ ଜମିଥିଲା ।
