ଦିଗପହଣ୍ଡି,୩୧|୮(ଅଶେଷ ନାଥ ମିଶ୍ର): ଦିଗପହଣ୍ଡି ନୂଆସାହି ଆରାଧ୍ଯ ଦେବୀ ମାଁ ଫୁଲସୁନ୍ଦରୀଙ୍କ ବାର୍ଷିକ ଯାତ୍ରା ଶୁଭାରମ୍ଭ ହୋଇଛି । ପ୍ରତିବର୍ଷ ଭଳି ଚଳିତ ବର୍ଷ ମାଁ ଙ୍କ ଯାତ୍ରା ଭାଦ୍ରବ ଶୁକ୍ଳ ଏକାଦଶୀ ତିଥି ଠାରୁ ୫ ଦିନ ବ୍ୟାପୀ ଅନୁଷ୍ଠିତ ହେବ। ଯାତ୍ରାର ପ୍ରଥମ ଦିବସରେ ମନ୍ଦିର ପୂଜକ କୃଷ୍ଣଚନ୍ଦ୍ର ପାଣିଗ୍ରାହୀଙ୍କ ତତ୍ତ୍ଵାବଧାନରେ ମାଁ ଙ୍କ ପୂଜାର୍ଚ୍ଚନା ହୋଇଥିଲା । ଶଙ୍କର ପାତ୍ର ସସ୍ତ୍ରିକ କର୍ତ୍ତା ରୂପେ ଆସନ ଗ୍ରହଣ କରିଥିବା ବେଳେ ସନ୍ଧ୍ୟା ଆଳତି ସମୟରେ ମନ୍ଦିର ପ୍ରାଙ୍ଗଣରେ ଶ୍ରଦ୍ଧାଳୁଙ୍କ ହୁଳହୁଳି ଧ୍ୱନୀରେ ମନ୍ଦିର ପ୍ରକମ୍ପିତ ହୋଇଥିଲା।
ଯାତ୍ରାରେ ଶାନ୍ତି ଶୃଙ୍ଖଳା ବଜାୟ ରଖିବା ଏବଂ ଭକ୍ତଙ୍କ ଭିଡକୁ ନିୟନ୍ତ୍ରଣ ନିମନ୍ତେ ଯାତ୍ରା ପରିଚାଳନା କମିଟି ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଛି । ଯାତ୍ରା ପରିଚାଳନା କମିଟି ସଭାପତି ପବିତ୍ର ବେହେରା , ଉପସଭାପତି ରାଜା ପଟ୍ଟନାୟକ , ସମ୍ପାଦକ କାହ୍ନୁଚରଣ ପଟ୍ଟନାୟକ , ସହ ସମ୍ପାଦକ ବଳରାମ ସାସମଲ , କୋଷାଧ୍ୟକ୍ଷ ରଞ୍ଜନ ବେହେରା , ରାମ ସାହୁ ଓ ଗଣେଶ ସାହୁ , ଉପଦେଷ୍ଟା ଗଣପତି ବେହେରା , କୃଷ୍ଣଚନ୍ଦ୍ର ସାହୁ , ରାଜବାବୁ ଦୋରା , ନରସିଂହ ବେହେରା , ସୁଦାମ ବେହେରା , ଦେବାଶିଷ ସାହୁ , ଶଙ୍କର ପାତ୍ର ଙ୍କ ସମେତ ବୁଦ୍ଧିଆ ବେହେରା , ଲବ ପାତ୍ର , ରଞ୍ଜନ ବାଡତ୍ଯା , ରିଙ୍କୁ ସାହୁ ପ୍ରମୁଖ ଦାୟିତ୍ୱରେ ରହିଛନ୍ତି ।
