ମୁମ୍ବାଇ,୪।୪: ଇଣ୍ଡିଆନ ପ୍ରିମିୟର ଲିଗ୍(ଆଇପିଏଲ୍)ର ସୋମବାର ୧୨ତମ ମ୍ୟାଚରେ ସନ୍ରାଇଜର୍ସ ହାଇଦ୍ରାବାଦକୁ ୧୨ରନ୍ରେ ଲକ୍ଷ୍ନୌ ସୁପର ଜିଆଣ୍ଟ୍ସ ହରାଇଛି। ଟସ୍ରେ ହାରି ପ୍ରଥମେ ବ୍ୟାଟିଂ କରି ଲକ୍ଷ୍ନୌ ସୁପର ଜିଆଣ୍ଟ୍ସ ୭ଓ୍ବିକେଟ ହରାଇ ୧୬୯ରନ୍ କରିଥିଲା। ଅଧିନାୟକ କେଏଲ୍ ରାହୁଲ ୫୦ବଲ୍ରେ ୬୮ରନ୍ ଏବଂ ଦିପକ ହୁଡ୍ଡା ୩୩ବଲ୍ରେ ୫୧ ରନ୍ କରିଥିଲେ। ଏହାର ଜବାବରେ ୯ଓ୍ବିକେଟ ହରାଇ ସନ୍ରାଇଜର୍ସ ହାଇଦ୍ରାବାଦ ୧୫୭ ରନ୍ କରିବାକୁ ସମର୍ଥ ହୋଇଥିଲା। ଦଳ ପକ୍ଷରୁ ରାହୁଲ ତ୍ରିପାଠୀ ସର୍ବଧିକ ୪୪ରନ୍ କରିଥିଲେ। ଅଭେଶ ଖାନ ୪ଓଭରରେ ୨୪ରନ୍ ଦେଇ ୪ଓ୍ବିକେଟ, ଜାଶନ ହୋଲଡର ୩୪ରନ୍ରେ ୩ଓ୍ବିକେଟ ଏବଂ କ୍ରୁନାଲ ପାଣ୍ଡ୍ୟା ୨୭ରନ୍ରେ ୨ଓ୍ବିକେଟ ହାତେଇଥିଲେ।
