ପ୍ରଭୁ ନାରାୟଣ ଗୋସାଇଁଙ୍କ ସ୍ଥଳାଦେଶ ଯାତ୍ରା ଆରମ୍ଭ

ରସୁଲପୁର,୧୫।୪(ଡି.ଏନ.ଏ.):ରସୁଲପୁର ବ୍ଲକ ଅଞ୍ଚଳର ଐତିହାସିକ ସିଂହାପୁର ଯାତ୍ରା ଅବସରରେ ପ୍ରଭୁ ନାରାୟଣ ଗୋସାଇଁଙ୍କ ୩ ଦିନିଆ ସ୍ଥଳାଦେଶ ଯାତ୍ରା ମହାବିଷୁବ ସଂକ୍ରାନ୍ତି ତିଥି ଶୁକ୍ରବାରଠାରୁ ଆରମ୍ଭ ହୋଇଛି। ଏହି ଯାତ୍ରାରେ ନାରାୟଣ ଗୋସାଇଁଙ୍କ ଜଳକ୍ରୀଡ଼ା ଯାତ୍ରା ଦର୍ଶନ ପାଇଁ ୧୦ ହଜାରରୁ ଊର୍ଦ୍ଧ୍ୱ ଶ୍ରଦ୍ଧାଳୁଙ୍କ ସମାଗମ ହୋଇଥିଲା।
ପ୍ରଭୁ ନାରାୟଣ ଗୋସାଇଁ ମଧୁତୀର୍ଥ ପୁଷ୍କରିଣୀର ଜଳ ଶୟନ କକ୍ଷ ପରିତ୍ୟାଗ କରି ଭକ୍ତଙ୍କୁ ସ୍ଥଳାଦେଶ ମନ୍ଦିରରେ ବିଭିନ୍ନ ରୂପରେ ଦର୍ଶନ ଦେବେ। ଠାକୁରଙ୍କୁ ସ୍ଥଳାଦେଶ ମନ୍ଦିରରେ ବିରାଜମାନ କରାଯିବା ପୂର୍ବରୁ ସେବକ, ଭକ୍ତ ଜଳକ୍ରୀଡ଼ା କରାଇ ପୁଷ୍କରିଣୀର ଉତ୍ତର ପାବଚ୍ଛରେ ଅବସ୍ଥାନ କରିଥିଲେ। ମଧୁପୁରଗଡ଼ ରାଜପରିବାରଙ୍କ କୁଳ ଦେବତା ପ୍ରଭୁ ନାରାୟଣ ଗୋସାଇଁଙ୍କୁ ସ୍ବାଗତ କରିବା ପରେ ପୂଜା ଅର୍ଚ୍ଚନା ପାଇଁ ରାଜପରିବାର ବର୍ଗ, ସେବକ, ରାଜପୁରୋହିତ ପ୍ରମୁଖ ଅପେକ୍ଷାରତ ଥିଲେ। ଏଠାରେ ପାରମ୍ପାରିକ ରୀତିନୀତି ସହ ପୂଜା ଅର୍ଚ୍ଚନା ପରେ ପ୍ରଭୁଙ୍କୁ ପୁଣିଥରେ ଜଳକ୍ରୀଡ଼ା କରାଇ ପୂର୍ବ ପାବଚ୍ଛରେ ଅବସ୍ଥାନ କରାଇଥିଲେ। ସେଠାରୁ ପ୍ରଭୁଙ୍କୁ ପହଣ୍ଡି ଯାତ୍ରା ଜରିଆରେ ମନ୍ଦିରରେ ଅବସ୍ଥାନ କରାଯାଇଥିଲା। ଏହିଠାରେ ପ୍ରଭୁଙ୍କୁ ୩ଦିନ ଧରି ପାରମ୍ପାରିକ ରୀତିନୀତି ସହ ପୂଜା ଅର୍ଚ୍ଚନା କରାଯିବା ପରେ ପୁଣି ଥରେ ଜଳାଶୟକୁ ପ୍ରବେଶ କରାଯିବ। ପୂଜା ମଣ୍ଡପରେ ପ୍ରଭୁଙ୍କୁ ଅବସ୍ଥାନ କରାଯାଇ ନାନା ବେଶରେ ଭୂଷିତ କରାଯିବ।
ମଧୁପୁରଗଡ଼ ରାଜ ପରିବାରର ନିର୍ଦ୍ଦେଶ ଓ ସହଯୋଗକ୍ରମେ ଏହି ଯାତ୍ରା ଅନୁଷ୍ଠିତ ହୋଇ ଆସୁଛି। ପରମ୍ପରା ଅନୁଯାୟୀ ସକାଳ ୭ଟା ୪୫ରେ ଠାକୁରଙ୍କୁ ପୁଷ୍କରିଣୀରୁ ଆଣାଯାଇ ୮ଟା ୩୦ରେ ସିଂହାସନରେ ଅବସ୍ଥାପିତ କରାଯାଇଥିଲା। ପ୍ରତ୍ୟୁଷରୁ ରାଜ ପୁରୋହିତ, ସେବକ, ପରିଚାଳକ, ସର୍ବୋପରି ଭକ୍ତଙ୍କ ଗହଳିରେ ମଧୁତୀର୍ଥ ପୁଷ୍କରିଣୀ ଚର୍ତ୍ତୃପାର୍ଶ୍ୱ ପୁରି ଉଠିଥିଲା। ଆଜ୍ଞାମାଳ ନେଇ ଭକ୍ତ ପୁଷ୍କରଣି ମଧ୍ୟଙ୍କୁ ପ୍ରବେଶ କରିଥିଲେ। ପୁଷ୍କରିଣୀ ମଧ୍ୟ ଭାଗରେ ଜଳାସିଂହାସନରେ ଅବସ୍ଥାନ କରିଥିବା ପ୍ରଭୁ ନରାୟଣ ଗୋସାଇଁଙ୍କୁ ଜଳ ଉତ୍ସରୁ ବାହାରକୁ ଆଣାଯାଇଥିଲା। ଭକ୍ତ ପ୍ରଭୁଙ୍କୁ ଜଳକ୍ରୀଡ଼ା ଜରିଆରେ ପୁଷ୍କରିଣୀ ପୂର୍ବ ପବାଚ୍ଛ ନିକଟକୁ ଆଣାଯାଇଥିଲା। ରାଜ ପୁରୋହିତଙ୍କ ଦ୍ୱାରା ଗୋସାଇଁଙ୍କୁ ଦୁଗ୍ଧ ସ୍ନାନ କରାଯାଇଥିଲା। ପରେ ଭକ୍ତମାନେ ଠାକୁରଙ୍କୁ ଜଳକ୍ରୀଡ଼ାର ସହ ପୁଷ୍କରିଣୀର ଉତ୍ତର ପାବଚ୍ଛରେ ଅବସ୍ଥାନ କରାଇଥିଲେ। ସେଠାରେ ରାଜଜେମା ଅପର୍ଣ୍ଣା ଧୀର ସିଂ ଭରଦ୍ୱାଜ ପୁଷ୍ପାଞ୍ଜଳି ଦେଇ ଠାକୁରଙ୍କୁ ସ୍ଥଳ ଦେଶ ମନ୍ଦିରକୁ ପ୍ରବେଶ କରାଇବାର ବନ୍ଦୋବସ୍ତ କରାଇଥିଲେ।
ପରିଚାରିକା, ପରିଚାରକ ପୁଷ୍ପାଞ୍ଜଳି ଅର୍ପଣକରି ପ୍ରଭୁଙ୍କୁ ସ୍ବାଗତ କରିଥିଲେ। ପୁଷ୍କରିଣୀର ପୂର୍ବତଟରେ ଅବସ୍ଥିତ ମଦନ ମୋହନ ମନ୍ଦିରେ ପୂଜା ପାଉଥିବା ପ୍ରଭୁନାରାୟଣ ଗୋସାଇଁଙ୍କ ଚଳନ୍ତି ପ୍ରତିମା ଏକ ପଟୁଆରରେ ଆସି ଉତ୍ତର ପାବଚ୍ଚ ନିକଟରେ ପହଞ୍ଚତ୍ଥିଲେ। ଉକ୍ତ ସ୍ଥାନରେ ମଦନମୋହନ ଓ ନାରାୟଣ ଗୋସାଇଁଙ୍କ ମିଳନ ପର୍ବ ଅନୁଷ୍ଠିତ ହୋଇଥିଲା। ଏଥିସହ ଠାକୁରଙ୍କୁ ପହଁଣ୍ଡି କରାଇ ସିଂହାସନ ବିଜେ କରାଇଥିଲେ। ପ୍ରଭୁଙ୍କ ଏହି ଲିଳାଖେଳା ଦେଖି ଭକ୍ତ ବିମୁଗ୍ଧ ହୋଇାଉଠିଥିଲେ।
ଅନୁଷ୍ଠିତ ଯଜ୍ଞୌତ୍ସବରେ ୬ଜଣ ପୁରୋହିତ ଓ ପର୍ବାଚାର୍ଯ୍ୟ ବ୍ରାହ୍ମଣ ୪ଜଣଙ୍କୁ ମିଶାଇ ମୋଟ ୧୦ ପଣ୍ଡିତ ନିୟୋଜିତ ଅଛନ୍ତି। ଉକ୍ତ ବ୍ରାହ୍ମଣମାନଙ୍କ ଦ୍ୱାରା ପ୍ରଭୁଙ୍କୁ ନାନା ପ୍ରକାର ପୂଜା ଅର୍ପଣ କରାଯାଇଥିଲା। ପ୍ରଭୁ ନାରାୟଣ ଗୋସାଇଁ ଭକ୍ତଙ୍କୁ ସୂର୍ଯ୍ୟ ନାରାୟଣ ବେଶରେ ଭୁଷିତ କରାଯାଇଥିଲା। ଏହି ଯାତ୍ରାରେ ଧର୍ମଶାଳା ବିଧାୟକ ପ୍ରଣବ କୁମାର ବଳବନ୍ତରାୟ, ରସୁଲପୁର ପଞ୍ଚାୟତ ସମିତି ଅଧ୍ୟକ୍ଷ ଅରୁଣ କୁମାର ରାଉତ, ରସୁଲପୁର ବ୍ଲକ ଯୁବ ବିଜେଡି ସଭାପତି ମନୋଜ କୁମାର ରାଉତ, ଜିଲାପରିଷଦ ସଦସ୍ୟା ମମତା ଖୁଣ୍ଟିଆ, ସରପଞ୍ଚ ହୃଦାନନ୍ଦ ସାହୁ, ଯାତ୍ରା ପରିଚାଳନା କମିଟି କାର୍ଯ୍ୟକାରୀ ସଭାପତି ଭୀଷ୍ମ ପ୍ରସାଦ ରଥ ପ୍ରମୁଖ ଯୋଗଦେଇଥିଲେ। ଯାଜପୁର ଜିଲା ପ୍ରଶାସନ ଓ ସିଂହାପୁର ଯାତ୍ରା କମିଟି ପକ୍ଷରୁ ଯାତ୍ରା ପରିଚାଳନା କରାଯାଉଛି।


Enter your email to get our daily news in your inbox.

All Right Reserved By Dharitri.Com

ଦିଲ୍ଲୀରେ ଚାଞ୍ଚଲ୍ୟ: ଟ୍ରାଏଲ୍‌ ରୁମ୍‌ରେ ମହିଳା କର୍ମଚାରୀଙ୍କୁ ଗଳାକାଟି ହତ୍ୟା

ନୂଆଦିଲ୍ଲୀ,୧୫ା୧୧: ଦିଲ୍ଲୀର ଏକ ପୋଷାକ ଶୋ’ରୁମ୍‌ରେ କାମ କରୁଥିବା ଜଣେ ୧୮ ବର୍ଷୀୟା କର୍ମଚାରୀଙ୍କୁ ଟ୍ରାଏଲ୍‌ ରୁମ୍‌ରେ ଗଳାକାଟି ହତ୍ୟା କରାଯାଇଛି। ବ୍ୟକ୍ତିଗତ ସମ୍ପର୍କରେ ଫାଟ ଏବଂ…

ଏହି ୪ଟି ରାଶି ପାଇଁ ଆଗକୁ ରହିଛି କଠିନ ସମୟ, ସତର୍କ ନ ରହିଲେ ବଡ଼ ବିପଦ…

୧୬ ନଭେମ୍ବର ୨୦୨୬ରେ ସୂର୍ଯ୍ୟଦେବ ବିଛା ରାଶିକୁ ପ୍ରବେଶ କରିବେ। ଜ୍ୟୋତିଷ ଶାସ୍ତ୍ର ଅନୁସାରେ, ଏହି ଗୋଚରର ପ୍ରଭାବ କିଛି ରାଶିର ଜାତକଙ୍କ ଜୀବନରେ ପଡ଼ିପାରେ। ବିଶେଷକରି…

ଅତି ଖରାପ ସ୍ଥିତିରେ ଦିଲ୍ଲୀ ବାୟୁ ଗୁଣବତ୍ତା, ଘେରି ରହୁଛି ଧୂଳି, ଧୂଆଁର ଘନ ଆସ୍ତରଣ

ନୂଆଦିଲ୍ଲୀ,୧୫ା୧୧: ଦିଲ୍ଲୀର ବାୟୁ ଗୁଣବତ୍ତା ସୂଚକାଙ୍କ (ଏକ୍ୟୁଆଇ) ରବିବାର ସକାଳେ ଅଧିକାଂଶ ପର୍ଯ୍ୟବେକ୍ଷଣ କେନ୍ଦ୍ରରେ ଅତି ଖରାପ ଦର୍ଶାଇଥିବା ବେଳେ ୭ଟିରେ ଗମ୍ଭୀର ସ୍ଥିତି ଦର୍ଶାଇଛି। ମୋଟାମୋଟି…

ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ: ଏକାଠି ହେଲେ କନ୍ଧମାଳ,ଗଜପତିର ଆଦିବାସୀ ସମାଜ

ବ୍ରାହ୍ମଣୀଗାଁ,୧୫।୧୧(ମନୋରଞ୍ଜନ ରଣା): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅନ୍ତର୍ଗତ ବ୍ରାହ୍ମଣୀଗାଁ ଶିବ ମନ୍ଦିର ପଡ଼ିଆରେ ରବିବାର ଭଗବାନ ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ ପାଳିତ ହୋଇଯାଇଛି।…

ଗୁଣପୁରରେ ମହିଳାଙ୍କୁ ଧାରୁଆ ଅସ୍ତ୍ରରେ ମରଣାନ୍ତକ ଆକ୍ରମଣ

ଗୁଣପୁର,୧୫।୧୧(ସୁଜାତା ପାଢ଼ୀ): ରାୟଗଡ଼ା ଜିଲା ଗୁଣପୁର ଥାନା ଅନ୍ତର୍ଗତ ହାଉସିଂ ବୋର୍ଡ କଲୋନୀରେ ଜଣେ ମହିଳାଙ୍କୁ ମରଣାନ୍ତକ ଆକ୍ରମଣ ହୋଇଥିବା ଘଟଣା ସାମ୍ନାକୁ ଆସିଛି। ମିଳିଥିବା ସୂଚନା…

କେରଳ ହାଇକୋର୍ଟଙ୍କ ବଡ଼ ପ୍ରସ୍ତାବ, କିଶୋର ବୟସର ସୀମା ୧୮ରୁ ୧୬ ବର୍ଷକୁ ହ୍ରାସ….

କୋଚି,୧୫ା୧୧: ନାବାଳକ ବୟସ ସୀମାକୁ ନେଇ ବଡ଼ କଥା କହିଛନ୍ତି କେରଳ ହାଇକୋର୍ଟ । ଅପରାଧର ବଦଳୁଥିବା ସ୍ବରୂପ ଏବଂ ପିଲାମାନଙ୍କଠାରେ ଦେଖାଯାଉଥିବା ପରିପକ୍ୱତାକୁ ଦୃଷ୍ଟିରେ ରଖି…

ଠେଙ୍ଗାରେ ଆକ୍ରମଣ କରି ହତ୍ୟା ଉଦ୍ୟମ, ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୫।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ସାନଖେମୁଣ୍ଡି ବ୍ଲକ ଶ୍ରୀଚନ୍ଦନପୁର ଗ୍ରାମର ବିରୁପାକ୍ଷ ମହାପାତ୍ରଙ୍କୁ ଗ୍ରାମର ହିନ ଗଉଡ଼(୫୦) ଶନିବାର ଅପରାହ୍ନରେ ଏକ ଠେଙ୍ଗାରେ ଆକ୍ରମଣ କରି…

ମାଡ଼ି ଆସୁଛି ବାତ୍ୟା: ମୁକାବିଲା ପାଇଁ ଗଞ୍ଜାମ ପ୍ରଶାସନର ଆଗୁଆ ପ୍ରସ୍ତୁତି

ପୁରୁଷୋତ୍ତମପୁର,୧୫।୧୧(ସବିତା ମିଶ୍ର): ପୁଣି ଏକ ସାମ୍ଭାବ୍ୟ ବାତ୍ୟାର ମୁକାବିଲା ପାଇଁ ପୁରୁଷୋତ୍ତମପୁର ପ୍ରଶାସନ ପକ୍ଷରୁ ଆଗୁଆ ପ୍ରସ୍ତୁତି ସହ ବ୍ୟାପକ ସତର୍କତାମୂଳକ ପଦକ୍ଷେପ ଗ୍ରହଣ କରାଯାଇଛି। ଏନେଇ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?