ଭୁବନେଶ୍ୱର,୧୬।୪(ବ୍ୟୁରୋ): ଭୁବନେଶ୍ବର ଲିଙ୍ଗିପୁର ଏଟିଏମ୍ ଲୁଟ ଘଟଣାରେ ବାଲାଂଦେଶୀ ଲିଙ୍କ୍ ସାମ୍ନାକୁ ଆସିଛି। କମିଶନରେଟ ପୋଲିସର ସ୍ପୋଶଲ ସ୍କ୍ବାଡ୍ ଘଟଣାରେ ସମ୍ପୃକ୍ତ ୨ ଅଭିଯୁକ୍ତଙ୍କୁ ଗିରଫ କରିଛି। ସେମାନେ ହେଲେ ବାଲାଂଦେଶର ଖୋକନ ମୂଲା ଏବଂ ମିରାଜୁନ ମେହବାନ ମୂଲା। ଓଡ଼ିଶା ସମେତ ରାଜସ୍ଥାନ, ଦିଲ୍ଲୀ କୋଲକାତା ତେଲେଙ୍ଗାନା ଭଳି ରାଜ୍ୟରେ ଲୁଟରେ୍ ଏମାନେ ସମ୍ପୃକ୍ତ । ପୂର୍ବରୁ ଏଟିଏମ ଲୁଟ ଘଟଣାରେ ଖୋକନଙ୍କୁ ଗିରଫ କରାଯାଇଥିଲା।
ସୂଚନାଯୋଗ୍ୟ, ଗତ ୫ ତାରିଖରେ ଶିଶୁପାଳଗଡ଼ ଲିଙ୍ଗିପୁର ହାଉସିଂବୋର୍ଡ ଛକରେ ଥିବା ଏସ୍ବିଆଇ ଏଟିଏମ୍ ଦୁର୍ବୃର୍ତ୍ତ ତାଡି ନେଇଥିଲେ। ଏଟିଏମକୁ ଲୁଟିନେବା ପରେ ଏଟିଏମ ଭିତରେ ଓ ବାହାରେ କିଛି ଟେଣ୍ଟ ହାଉସ କପଡ଼ା ଛାଡି ଚାଲିଯାଇଥିଲେ। ପରେ ଦୟା ଦଦୀ କୂଳରୁ ଏହି ଭଙ୍ଗା ଏଟିଏମ ଉଦ୍ଧାର ହୋଇଥିଲା । ଦୁର୍ବୃତ୍ତମାନେ ଏଟିଏମ ଖାଲି କରିବା ପରେ ଏହାକୁ ନଦୀକୂଳରେ ଫିଙ୍ଗି ଦେଇ ଚାଲିଯାଇଥିଲେ। ଏହି ଘଟଣା ପରେ କମିଶନରେଟ ପୋଲିସ ତଦନ୍ତ ଜାରି ରଖିଥିଲା।
