ମୁମ୍ବାଇ: ବଲିଉଡ ଅଭିନେତ୍ରୀ ଜୟା ବଚ୍ଚନଙ୍କୁ ଶୁକ୍ରବାର ୭୩ ବର୍ଷ ପୂରଣ ହୋଇଛି। ସେ ୧୯୪୮ ଏପ୍ରିଲ ୯ରେ ଜବଲପୁରଠାରେ ଜନ୍ମଗ୍ରହଣ କରିଥିଲେ। ତାଙ୍କର ପ୍ରକୃତ ନାମ ଜୟା ଭାଦୁରି ଥିଲା। ୧୯୬୩ରେ ସେ ସତ୍ୟଜିତ୍ ରାୟଙ୍କ ଫିଲ୍ମ ମହାନଗରରେ ଅଭିନୟ କରିଥିଲେ। ଏହାପରେ ୧୯୭୧ରେ ହୃଷିକେଶ ମୁଖାର୍ଜୀଙ୍କ ହିନ୍ଦୀ ଫିଲ୍ମ ଗୁଡ୍ଡିରେ ସେ ନିଜ ଅଭିନୟ ଦ୍ୱାରା ଦର୍ଶକଙ୍କୁ ବେଶ୍ ଆକୃଷ୍ଟ କରିବାକୁ ସକ୍ଷମ ହୋଇଥିଲେ। ସେହିବର୍ଷ ଉପହାରରେ ଫିଲ୍ମରେ ସେ ଅଭିନୟ କରିଥିଲେ। ଏହାପରେ କୋସିସ, କୋରାକାଗଜ, ଅଭିମାନ, ଚୁପ୍କେ ଚୁପ୍କେ, ମିଲି, ଶୋଲେ, ନୌକର, ସିଲ୍ସିଲା ଆଦି ଫିଲ୍ମରେ ଅଭିନୟ କରି ବେଶ୍ ସଫଳ ରହିଥିଲା। ଅଭିମାନ ଫିଲ୍ମର ଲୁଟେ କୋଇ ମନ୍ କା ନଗର… ଏବଂ ତେରେ ମେରେ ମିଲନ କି ଏ ରୈନା… ଗୀତ ଏବେ ମଧ୍ୟ ସଭିଙ୍କ ମନକୁ ଭାବୁକ କରିଥାଏ। ଗୁଡ୍ଡି ଶୁଟିଂ ସେଟରେ ଅମିତାଭ ବଚ୍ଚନଙ୍କ ସହିତ ଜୟାଙ୍କର ପ୍ରଥମ ସାକ୍ଷାତ୍ ହୋଇଥିଲା। ଏହାପରେ ଦୁଇଜଣଙ୍କ ମଧ୍ୟରେ ପରିଚୟରୁ କଥାବାର୍ତ୍ତା ଏବଂ ପରେ ସେମାନେ ବିବାହ ବନ୍ଧନରେ ଆବଦ୍ଧ ହୋଇଥିଲେ। ଦୁଇ ପରିବାର ମଧ୍ୟରେ ଆଲୋଚନା ପରେ ୧୯୭୩ ଜୁନ ୩ରେ ବିବାହ ହୋଇଥିଲା। ବିବାହରେ ଗୁଲଜାରଙ୍କ ସମେତ ମାତ୍ର ୫ ଜଣ ବରଯାତ୍ରୀ ଥିଲେ। ବିବାହ ଉତ୍ସବରେ ଅଭିନେତା ଆସରାନୀ ଏବଂ ଅଭିନେତ୍ରୀ ଫରିଦା ଜଲାଲ ମଧ୍ୟ ସାମିଲ ହୋଇଥିଲେ। ସେହି ସମୟରେ ଅମିତାଭଙ୍କ ଫିଲ ଜଞ୍ଜିର ସୁପର ହିଟ୍ ହୋଇଥିଲା। ତେଣୁ ବିବାହ ପରେ ଅମିତାଭ ଜୟାଙ୍କ ସହିତ ଲଣ୍ଡନ ବୁଲି ଯିବାର କାର୍ଯ୍ୟକ୍ରମ ଥିଲା। ଏଥିପାଇଁ ଆଗୁଆ ଟିକେଟ ହୋଇଥିବାରୁ ତରବରିଆ ଭାବେ ବିବାହ ଆୟୋଜନ କରାଯାଇଥିଲା।
