ବଲାଙ୍ଗୀର ଅଫିସ,୭।୧୧: ବଲାଙ୍ଗୀର ଜିଲା ପାଟଣାଗଡ଼ ସହର ରାମଜୀ ଛକ ବ୍ୟାଙ୍କ ସମ୍ମୁଖରୁ ସୋମବାର ଲୁଟ୍ ହୋଇଛି। ଜଣେ ବ୍ୟକ୍ତିଙ୍କ ଠାରୁ ୫ ଲକ୍ଷ ଟଙ୍କା ଲୁଟିନେଇ ୨ ଦୁର୍ବୃତ୍ତ ଫେରାର ହୋଇଯାଉଥିବା ବେଳେ ଉଭୟଙ୍କୁ ବଲାଙ୍ଗୀର ସଦର ଥାନା ସମ୍ମୁଖରେ ପୋଲିସ ଟିମ୍ କାବୁ କରିଛି। କାବୁ କରିଥିବା ଦୁଇ ଦୁର୍ବୃତ୍ତ ଯାଜପୁର ଜିଲାର ବୋଲି ଜଣାପଡିଛି।
ସୂଚନାଯୋଗ୍ୟ, ସୋମବାର ପାଟଣାଗଡ଼ ବ୍ୟାଙ୍କ ସମ୍ମୁଖରୁ ଜଣେ ବ୍ୟକ୍ତିଙ୍କ ଠାରୁ ୫ ଲକ୍ଷ ଟଙ୍କା ଥିବା ଏକ ବ୍ୟାଗ ନେଇ ୨ ଲୁଟେରା ଏକ ବାଇକରେ ଫେରାର ହୋଇଯାଉଥିଲେ। ଘଟଣା ସମ୍ପର୍କରେ ପାଟଣାଗଡ଼ ପୋଲିସ ବଲାଙ୍ଗୀର ଏସ୍ଡିପିଓ ତୋଫାନ ବାଗଙ୍କୁ ଜଣାଇଥିଲେ। ସଦର ଏସ୍ଡିପିଓ ବାଗ ଓ ପୋଲିସ ଟିମ୍ ଦୁଇ ଲୁଟେରାଙ୍କୁ ସଦର ଥାନା ସମ୍ମୁଖରେ କାବୁ କରିବାରେ ସଫଳ ହୋଇଥିଲେ ।
ଅନ୍ୟପକ୍ଷେ ଝାଙ୍କରପାଲିରେ ଲୁଟେରାଙ୍କ ବାଇକ୍କୁ ଅଟକାଇବାକୁ ଚେଷ୍ଟା କରାଯାଇଥିଲେ ମଧ୍ୟ ସେମାନେ ପୋଲିସକୁ ଚକମା ଦେଇ ଫେରାର ହେଉଥିଲେ । ତେବେ ପୋଲିସ ସଦର ଥାନା ସମ୍ମୁଖରେ ସେମାନଙ୍କୁ ଗିରଫ କରିଛି।
