ସମସ୍ତେ ଚାହାନ୍ତି ଯୁବାବସ୍ଥାରେ ରହିବାକୁ। ବୟସ ବଢ଼ିବା ସହ ଆକ୍ଟିଭ୍ ରହିବାକୁ ସମସ୍ତଙ୍କର ଇଚ୍ଛା। ସେ ପାଇଁ କିଏ କେତେ କ’ଣ ଉପାୟ ଆପଣାଇଥାନ୍ତି। କେହି କେହି ଡାକ୍ତରଙ୍କ ପରାମର୍ଶ ମଧ୍ୟ ନେଇଥାନ୍ତି। ମାତ୍ର ଆମେରିକାର ଜଣାଶୁଣା ଫ୍ୟାଶନ ଡିଜାଇନର ବେରା ଓ୍ବାଙ୍ଗ୍ଙ୍କ ଫଟୋ ଦେଖି ଆପଣ ଆଶ୍ଚର୍ଯ୍ୟ ହୋଇଯିବେ। କିଛିଦିନ ତଳେ ସେ ତାଙ୍କର ୭୨ ତମ ଜନ୍ମଦିନ ପାଳନ କରିଥିବା ବେଳେ ତାଙ୍କ ଚେହେରା ଦେଖି ସମସ୍ତେ ଆଶ୍ଚର୍ଯ୍ୟ ହୋଇଥିଲେ। କାରଣ ସେ ଜଣେ ୧୬ ବୟସୀଙ୍କ ପରି ଦେଖାଯାଉଥିଲେ।
ଫ୍ୟାଶନ ଡିଜାଇନର ବେରାଙ୍କ ଷ୍ଟାଇଲିଶ ଫଟୋ ଦେଖି ଯେ କେହି ଆଖିରେ ଧୋକା ଖାଇବେ। ସେ ଜଣେ ଆମେରିକାର ଫ୍ୟାଶନ ଡିଜାଇନର। ସେ ହଲିଉଡ୍ ପାଇଁ ଡ୍ରେସ୍ ଡିଜାଇନ କରନ୍ତି। ୨୭ ଜୁନ୍ରେ ସେ ୭୨ ବର୍ଷରେ ପଦାର୍ପଣ କରିଥିଲେ। ମାତ୍ର ପାର୍ଟିକୁ ଯିଏ ଆସିଲା ସେ ଦେଖି ଘଡିଏ ଚାହିଁଲା। ବେରା ପାର୍ଟିରେ ଖୁବ୍ ସୁନ୍ଦର ଲାଗୁଥିଲେ। ବୟସ ଏତେ ବଢ଼ିଥିଲେ ମଧ୍ୟ ଜମା ଜଣାପଡୁନି। ସେ ପାର୍ଟିରେ ଏକ ହଳଦିଆ ରଙ୍ଗର ଡ୍ରେସ୍ରେ ହଟ୍ ଦେଖାଯାଉଥିଲେ। ପାର୍ଟିରେ ୬୦ ଅତିଥିଙ୍କୁ ଆମନ୍ତ୍ରିତ କରାଯାଇଥିଲା। ଅତିଥିମାନେ ବେରାଙ୍କ ୟଙ୍ଗ୍ ଲୁକ୍କୁ ବେଶ୍ ପ୍ରଶଂସା କରିଥିଲେ। ପାର୍ଟିରେ ବେରାଙ୍କ ବନ୍ଧୁ ତଥା ଡିଜାଇନର ଡୋନା କରନ, କେଲ୍ଓ୍ବିନ୍ କ୍ଲେନ୍, ବ୍ରିଜେଟ୍ ଫୋଲେ ଏବଂ ଆଲିନା ଚୋଙ୍କ ସହିତ ଖୁବ୍ ମଜା କରିଥିଲେ। ପାର୍ଟିରେ ସମସ୍ତଙ୍କ ନଜର ଥିଲା ବେରାଙ୍କ ଉପରେ। ସୋସିଆଲ ମିଡିଆରେ ବେରାଙ୍କ ଫଟୋ ଭାଇରାଲ ହେବା ପରେ ୟୁଜର୍ସମାନେ ମଜାଳିଆ କମେଣ୍ଟ ସବୁ ଦେଇଛନ୍ତି। ଜଣେ ୟୁଜର ଲେଖିଛନ୍ତି, ଆପଣ ୭୨ ବର୍ଷର। ମାତ୍ର ୫୦ ବର୍ଷ ଛୋଟ ଲାଗୁଛନ୍ତି।
