ନୂଆଦିଲ୍ଲୀ,୨୧।୧୦: ଦୁର୍ନୀତି ନିବାରଣ ସଂସ୍ଥା ‘ଲୋକପାଳ’ ପାଇଁ ୭ଟି ବିଳାସପୂର୍ଣ୍ଣ BMW 330 Li (Long Wheel Base) କାର୍ କିଣିବାକୁ ସାର୍ବଜନୀନ ଟେଣ୍ଡର ଆହ୍ୱାନ କରାଯାଇଛି। ଅକ୍ଟୋବର ୧୬ ତାରିଖରେ ଏହି ପ୍ରକ୍ରିୟା ଆରମ୍ଭ ହୋଇଛି। ପ୍ରତିଟି BMW କାର୍ର ମୂଲ୍ୟ ୬୦ ଲକ୍ଷରୁ ଅଧିକ ହେବ ଏବଂ ସମସ୍ତ ୭ଟି କାର୍ ପାଇଁ ଖର୍ଚ୍ଚ ୫ କୋଟିରୁ ଅଧିକ ହେବ ବୋଲି ଆକଳନ କରାଯାଇଛି। ନଭେମ୍ବର ୭ରୁ ଏହି ଟେଣ୍ଡରର ମୂଲ୍ୟାଙ୍କନ ପ୍ରକ୍ରିୟା ଆରମ୍ଭ ହେବ।
ତେବେ, ଦୁର୍ନୀତି ବିରୋଧରେ ଲଢ଼ୁଥିବା ଏହି ସଂସ୍ଥା ପାଇଁ ଏତେ ଦାମୀ କାର୍ କିଣାଯିବା ନିଷ୍ପତ୍ତିକୁ ନେଇ ପ୍ରଶ୍ନ ଉଠିଛି। କଂଗ୍ରେସ ନେତା ତଥା ପୂର୍ବତନ ଦିଲ୍ଲୀ ମୁଖ୍ୟମନ୍ତ୍ରୀ ଶୀଲା ଦୀକ୍ଷିତଙ୍କ ପୁଅ କହିଛନ୍ତି ଯେ ଲୋକପାଳଙ୍କୁ ‘ମେଡ୍-ଇନ୍-ଇଣ୍ଡିଆ’ କାର୍ ବାଛିବା ଉଚିତ ଥିଲା। ସେ ଏହି ସଂସ୍ଥାକୁ ଏକ ‘ଅକର୍ମଣ୍ୟ ସଂସ୍ଥା’ କହି ଏହାକୁ ବନ୍ଦ କରିବାକୁ ଦାବି କରିଛନ୍ତି। କାର୍ କିଣାଯିବା ପରେ BMW କମ୍ପାନୀ ଲୋକପାଳର ଡ୍ରାଇଭର ଏବଂ କର୍ମଚାରୀଙ୍କୁ ଅତି କମରେ ୭ ଦିନ ତାଲିମ ଦେବ।
