ନୂଆଦିଲ୍ଲୀ,୧୩।୧୨ : ସଂସଦର ଚାଲିଥିବା ଶୀତକାଳୀନ ଅଧିବେଶନରେ ଲୋକସଭା ସୁରକ୍ଷାରେ ତ୍ରୁଟି ଦେଖାଦେଇଛି। ୨ ଜଣ ଯୁବକ ହଠାତ ଭିଜିଟର ଗ୍ୟାଲେରୀରୁ ଡେଇଁପଡିଥିଲେ। ଏହି କାରଣରୁ ଗୃହରେ ବିଶୃଙ୍ଖଳା ଦେଖାଦେଇଥିଲା। ତେବେ ସୁରକ୍ଷା କର୍ମୀ ଏହି ଯୁବକଙ୍କୁ ଧରିଥିଲେ। ସମସ୍ତ ତିନିଜଣ ଯୁବକ ଭିଜିଟର ଗ୍ୟାଲେରୀରୁ ଡେଇଁ ପଡିଥିଲେ। ଏହି ଯୁବକମାନେ ଏମପିଙ୍କ ଆସନରେ ପହଞ୍ଚିଥିଲେ। ଏହି ସମୟରେ ଯୁବକମାନେ ସ୍ପ୍ରେ ମଧ୍ୟ ବ୍ୟବହାର କରିଥିଲେ। ଆଜି ସଂସଦ ଉପରେ ହୋଇଥିବା ଆକ୍ରମଣର ବାର୍ଷିକୀ। ଯୁବକମାନେ ଏନେଇ ସ୍ଲୋଗାନ ମଧ୍ୟ ଦେଇଥିଲେ। ଏହା ପରେ ଲୋକସଭାକୁ ସ୍ଥଗିତ ରଖାଯାଇଥିଲା।
କଂଗ୍ରେସ ନେତା ଅଧୀର ରଂଜନ ଚୌଧୁରୀ କହିଛନ୍ତି, ’ଦୁଇଜଣ ଯୁବକ ଗ୍ୟାଲେରୀରୁ ଡେଇଁପଡିଥିଲେ ଏବଂ ଗ୍ୟାସ ବାହାରୁଥିବାରୁ କିଛି ଫିଙ୍ଗି ଥିଲେ। ତାଙ୍କୁ ଏମପିମାନେ ଧରିଥିଲେ। ଏହା ପରେ ସୁରକ୍ଷା କର୍ମୀମାନେ ସେମାନଙ୍କୁ ବାହାରକୁ ନେଇଥିଲେ। ଏହାପରେ ଗୃହକୁ ଅପରାହ୍ନ ୨ ଟା ପର୍ଯ୍ୟନ୍ତ ସ୍ଥଗିତ ରଖାଯାଇଥିଲା। ଏହା ନିଶ୍ଚିତ ଭାବରେ ଏକ ସୁରକ୍ଷା ଉଲ୍ଲଂଘନ କାରଣ ୨୦୦୧ ରେ ଯେଉଁମାନେ ସଂସଦ ଆକ୍ରମଣରେ ନିଜ ଜୀବନକୁ ଉତ୍ସର୍ଗ କରିଥିଲେ ସେମାନଙ୍କ ମୃତ୍ୟୁ ବାର୍ଷିକୀ ପାଳନ କରାଯାଉଛି ବୋଲି କେତେକ ଏମପି କହିଛନ୍ତି।
ଯୁବକମାନେ ହେଉଛନ୍ତି ମହାରାଷ୍ଟ୍ରର ବାସିନ୍ଦା ଆମୋଲ ସିନ୍ଦେ (୨୫) ଏବଂ ନୀଲମ (୪୨) ଲୋକସଭା ଭିଜିଟର ଭାବେ ସେମାନେ ପ୍ରବେଶ କରିଥିଲେ। ଏହା ପରେ ଦୁହେଁ ଭିଜିଟର ଗ୍ୟାଲେରୀରୁ ଗୃହ ମଧ୍ୟକୁ ଡେଇଁଲେ ଏବଂ ପରେ ଗୋଟିଏ ଟେବୁଲରୁ ଅନ୍ୟ ଟେବୁଲକୁ ଡେଇଁବା ଆରମ୍ଭ କରିଥିଲେ। ଏ ନେଇ ସମଗ୍ର ସଂସଦରେ ଉତ୍ତେଜନା ଦେଖାଦେଇଥିଲା।
ଏହା ପରେ ଦୁହେଁ ସ୍ପ୍ରେ ଦ୍ୱାରା ସଂସଦକୁ ଧୂଆଁ ଧୂଆଁ କରିଥିଲେ। ସେମାନେ ତାଙ୍କ ଜୋତାରେ ଲୁଚାଇ ଏହି ସ୍ପ୍ରେ ଆଣିଥିଲେ। ଏହି ସମୟରେ ଉଭୟ ଅଭିଯୁକ୍ତ ସ୍ଲୋଗାନ ଦେଇ କହିଥିଲେ କଳା ଆଇନ କାମ କରିବ ନାହିଁ। ଏହା ପରେ ସଂସଦରେ ଉପସ୍ଥିତ ସାଂସଦମାନେ ଶୀଘ୍ର ଉଭୟଙ୍କୁ ଧରିଥିଲେ ଏବଂ ପରେ ସେମାନଙ୍କୁ ସୁରକ୍ଷା କର୍ମୀଙ୍କୁ ହସ୍ତାନ୍ତର କରିଥିଲେ। ଆଇବି ଏବଂ ସ୍ପେଶାଲ ସେଲ ଦଳ ମଧ୍ୟ ଉଭୟଙ୍କୁ ପଚରାଉଚରା କରୁଛନ୍ତି। ଦିଲ୍ଲୀ ପୋଲିସର ଆଣ୍ଟି ଟେରର୍ ୟୁନିଟ ସ୍ପେଶାଲ ସେଲ ମଧ୍ୟ ସଂସଦରେ ପହଞ୍ଚିଛି।
ଦିଲ୍ଲୀ ପୋଲିସ କହିଛି ସଂସଦ ବାହାରେ ଜଣେ ବାଳକ ଓ ମହିଳା ବିରୋଧ କରିଥିଲେ। ଏହି ସମୟରେ ଉଭୟେ ସଂସଦ ଭିତରେ ସୃଷ୍ଟି ହୋଇଥିବା ସମାନ ଧୂଆଁ ଛାଡିଥିଲେ। ବର୍ତ୍ତମାନ ସଂସଦ ଭିତରେ ଅଭିଯୁକ୍ତଙ୍କ ସହ ସେମାନଙ୍କର ସମ୍ପର୍କ ଜାଣିବା ପାଇଁ ସଂସଦ ବାହାରେ ଧରାପଡିଥିବା ଦୁଇ ଅଭିଯୁକ୍ତଙ୍କୁ ପୋଲିସ ପଚରାଉଚରା କରୁଛି। ସଂସଦର ସୁରକ୍ଷା କ୍ଷେତ୍ରରେ ଏତେ ବଡ ଅଘଟଣ ଘଟିଲା ଏବଂ ସେମାନଙ୍କୁ ଭିତରକୁ ପ୍ରବେଶ କରିବାକୁ କିଏ ଅନୁମତି ଦେଲା? ଏ ସମ୍ପର୍କରେ ତଦନ୍ତ କରାଯାଉଛି।
