ବ୍ରହ୍ମପୁର ଅଫିସ,୯ା୭-ଗଞ୍ଜାମ ଜିଲାରେ ଛାତ୍ରୀଛାତ୍ରଙ୍କୁ ଉନ୍ନତ ପ୍ରଣାଳୀରେ ଶିକ୍ଷାଦାନ ପାଇଁ ଦ୍ୱିତୀୟ ପର୍ଯ୍ୟାୟରେ ୨୩୦ଟି ହାଇସ୍କୁଲକୁ ରୂପାନ୍ତରିତ କରାଯାଇଛି। ଗତ ଜୁନ ୩ ତାରିଖରେ ମୁଖ୍ୟମନ୍ତ୍ରୀଙ୍କ ଦ୍ୱାରା ଭର୍ଚୁଆଲ ମାଧ୍ୟମରେ ଏସବୁ ସ୍ମାର୍ଟ ସ୍କୁଲର ଉଦଘାଟନ କରାଯାଇଥିଲା। ଏଥିମଧ୍ୟରେ ବ୍ରହ୍ମପୁରରେ ୭ଟି ହାଇସ୍କୁଲ ରହିଛି। ଏହାପୂର୍ବରୁ ଗତ ନଭେମ୍ବର ୧୬ ତାରିଖରେ ବ୍ରହ୍ମପୁରରେ ୪ଟି ସ୍ମାର୍ଟ ସ୍କୁଲ ଉଦଘାଟିତ ହୋଇଥିଲା। ତେବେ ସ୍ମାର୍ଟ ସ୍କୁଲ ଉଦଘାଟନ ପରେ ସେଠାରେ ପାଠ ପଢାଯାଉ ନ ଥିବା ଅଭିଯୋଗ ହେଉଛି। ବ୍ରହ୍ମପୁର ସହରର ଲାଞ୍ଜିପଲୀ ସରକାରୀ ପୌର ଉଚ୍ଚ ବିଦ୍ୟାଳୟରେ ଏଭଳି ଦେଖାଯାଇଛି। ଏହି ବିଦ୍ୟାଳୟଟି ସ୍ମାର୍ଟ ସ୍କୁଲରେ ରୂପାନ୍ତରିତ ହେବା ପରଠାରୁ ଦିନଟିଏ ବି ପାଠପଢା ହୋଇ ନ ଥିବା ବହୁ ଅଭିଭାବକ ଅଭିଯୋଗ କରିଛନ୍ତିି।
ସ୍ମାର୍ଟ ସ୍କୁଲ ଉଦଘାଟନର ଦୀର୍ଘ ଦିନ ପରେ ସେଠାରେ ପାଠପଢା କରା ନଯିବା ନେଇ ନାନା ପ୍ରଶ୍ନବାଚୀ ସୃଷ୍ଟି ହୋଇଛିି। ପ୍ରାଥମିକ ବିଦ୍ୟାଳୟର ଏକ ଷ୍ଟୋର ରୁମରେ ବିଭିନ୍ନ ସାମଗ୍ରୀ ଥିବା ବେଳେ ଉକ୍ତ ସଂକୀର୍ଣ୍ଣ ଗୃହରେ ପାଠପଢା ହେଉଛି। ବର୍ତ୍ତମାନ ଏହି ଉଚ୍ଚ ବିଦ୍ୟାଳୟରେ ନବମ ଓ ଦଶମ ଶ୍ରେଣୀକୁ ମିଶାଇ ୪୦ ଜଣ ଅଧ୍ୟୟନରତ ଅଛନ୍ତି। କିନ୍ତୁ ସ୍ମାର୍ଟ ସ୍କୁଲରେ ରହିଥିବା କେତେକ ସମସ୍ୟା କାରଣରୁ ବର୍ତ୍ତମାନ ପ୍ରାଥମିକ ବିଦ୍ୟାଳୟରେ ପର୍ଯ୍ୟାୟକ୍ରମେ ପଢ଼ାଯାଉଥିବା ପ୍ରଧାନ ଶିକ୍ଷୟିତ୍ରୀ ଗାୈରୀ ଦେବୀ କହିଛନ୍ତି। ଉକ୍ତ ପ୍ରାଥମିକ ବିଦ୍ୟାଳୟରେ ସକାଳ ସାଢ଼େ ୬ରୁ ସାଢ଼େ ୧୦ ଯାଏ ପ୍ରଥମରୁ ଅଷ୍ଟମ ଓ ସାଢ଼େ ୧୦ରୁ ୪ଟା ଯାଏ ନବମ ଓ ଦଶମ ଶ୍ରେଣୀ ପାଠ ପଢାଯାଉଥିବା ସେ କହିଛନ୍ତି। ଏଥିସହ ଛାତ୍ରୀଛାତ୍ରମାନେ ମଧ୍ୟାହ୍ନ ଭୋଜନ ନିମନ୍ତେ ସ୍ଥାନ ଅଭାବ କାରଣରୁ ବିଦ୍ୟାଳୟ ପରିସର ବାହାରେ ବସୁଛନ୍ତି। ବିଦ୍ୟାଳୟ ପ୍ରଧାନ ଶିକ୍ଷୟିତ୍ରୀ କହିଛନ୍ତି ଯେ, ସ୍ମାର୍ଟ ସ୍କୁଲରେ ଠିକ ଭାବେ ବିଦ୍ୟୁତ ସଂଯୋଗୀକରଣ ହୋଇନି। ସ୍କୁଲ ପରିସରରେ ରହିଥିବା ଏଲଇଡି ଟିଭି ଗୁଡିକ ଲାଗିବା ସମୟରେ ବିଦ୍ୟୁତ ଆଘାତ ଲାଗି ରହୁଛି। ଶାୈଚାଳୟ ନିର୍ମାଣ ହୋଇଛି କିନ୍ତୁ ଡ୍ରେନ୍ ଅଚଳାବସ୍ଥା ମଧ୍ୟରେ ରହିଛି। ସ୍କୁଲରେ ରହିଥିବା ସମସ୍ୟା ଗୁଡିକୁ ନେଇ ବିଏମସି ଜେଇଇଙ୍କୁ ବାରମ୍ବାର ଅବଗତ କରାଯାଇଛି, କିନ୍ତୁ କାୈଣସି ପଦକ୍ଷେପ ଗ୍ରହଣ କରାଯାଉ ନାହିଁ। କିନ୍ତୁ ଆସନ୍ତା ସୋମବାରଠାରୁ ସ୍ମାର୍ଟ ସ୍କୁଲରେ ପାଠ ପଢା ହେବ ବୋଲି ସେ କହିଛନ୍ତି।
