ପାଟନା,୨୯ ।୧୦: ବିହାରରେ ୩ଟି ପର୍ଯ୍ୟାୟରେ ହେବାକୁ ଯାଉଥିବା ବିଧାନସଭା ନିର୍ବାଚନ ଲାଗି ବୁଧବାର ପ୍ରଥମ ପର୍ଯ୍ୟାୟ ନିର୍ବାଚନ କଡା ସୁରକ୍ଷା ମଧ୍ୟରେ ଓ କରୋନା କଟକଣା ସହ ଶେଷ ହୋଇଛି । ପ୍ରଥମ ପର୍ଯ୍ୟାୟରେ ୭୧ ବିଧାନସଭା ଆସନ ପାଇଁ ଭୋଟ ଗ୍ରହଣ ସରିଛି । ପ୍ରଥମ ପର୍ଯ୍ୟାୟ ଭୋଟ ଗ୍ରହଣ ପରେ ଲୋକ ଜନଶକ୍ତି ପାର୍ଟି(ଏଲ୍ଜେପି) ଅଧ୍ୟକ୍ଷ ଚିରାଗ ପାଶୱାନ ଦାବି କରିଛନ୍ତି ଯେ ନିର୍ବାଚନ ଫଳାଫଳ ପରେ ମୁଖ୍ୟମନ୍ତ୍ରୀ ଆସନରେ ନୀତୀଶ କୁମାର ବସି ପାରିବେ ନାହିଁ । ଏଥର ଭାରତୀୟ ଜନତା ପାର୍ଟି ଓ ଲୋକ ଜନଶକ୍ତି ପାର୍ଟି ମିଶି ସରକାର ଗଠନ କରିବେ । ପାଶୱାନ କହିଛନ୍ତି ଏଥର ଜନତା ପରିବର୍ତ୍ତନ ଓ ବିକାଶ ପାଇଁ ଭୋଟ ଦେଇଛନ୍ତି । ମୋ ଦଳର ପ୍ରାର୍ଥୀ ଓ କର୍ମୀଙ୍କଠାରୁ ଯେଉଁ ପ୍ରତିକ୍ରିୟା ମିଳୁଛି ସେଥିରୁ ସ୍ପଷ୍ଟ ଜଣାପଡୁଛି କି ନିର୍ବାଚନ ଫଳାଫଳ ପରେ ନୀତୀଶ ଆଉ ମୁଖ୍ୟମନ୍ତ୍ରୀ ଆସନରେ ବସି ପାରିବେ ନାହିଁ । ସୂଚନାଯୋଗ୍ୟ, ବିହାର ବିଧାନସଭାର ୨୪୩ ଆସନ ପାଇଁ ନିର୍ବାଚନ କରାଯାଉଛି । ପ୍ରଥମ ପର୍ଯ୍ୟାୟ ଭୋଟ ଗ୍ରହଣ ୨୮ ଅକୋ୍ଟବରରେ ଶେଷ ହୋଇଥିବା ବେଳେ ଦ୍ୱି୍ତୀୟ ପର୍ଯ୍ୟାୟ ନଭେମ୍ବର ୩ ଓ ତୃତୀୟ ପର୍ଯ୍ୟାୟ ଭୋଟ ଗ୍ରହଣ ନଭେମ୍ବର ୭ରେ ହେବ ।
