ପାଟଣା,୧୯।୮(ବୀର କିଶୋର ଦାଶ): ଚଢ଼ାଉ ସମୟରେ ଅବକାରୀ କର୍ମଚାରୀଙ୍କୁ ମଦ ବ୍ୟବସାୟୀଙ୍କ ଆକ୍ରମଣ। ଏଭଳି ଏକ ଖବର କେନ୍ଦୁଝର ଜିଲା ପାଟଣା ଅବକାରୀ ଥାନା କୋଡ ଖମଣ ଗ୍ରାମରେ ମଙ୍ଗଳବାର ସାରେ ଘଟିଛି। ତେବେ ରାସ୍ତା କଡ଼ରେ ବେଆଇନ ମହୁଲି ମଦ ବିକ୍ରି କରୁଥିବା ଖବର ପାଇ ଚଢ଼ାଉ କରିବା ସମୟରେ ଅବକାରୀ କର୍ମଚାରୀଙ୍କୁ ମଦ ବ୍ୟବସାୟୀ ଆକ୍ରମଣ କରିଥିବା ଜଣାପଡ଼ିଛି। ପାଟଣା ଅବକାରୀ ଥାନା ଓଆଇସି ଗିରିଜାନନ୍ଦନ ଜେନାଙ୍କ ସହ ଅନ୍ୟ ୩ କର୍ମଚାରୀ ମହୁଲି ମଦ କାରବାରକୁ ନେଇ ଚଢ଼ାଉ କରି ୨ ଜଣଙ୍କୁ ଗିରଫ କରି ଉଠାଇ ଆଣିବା ସମୟରେ ମଦ ବେପାରୀମାନେ ଆକ୍ରମଣ କରିଥିଲେ। ଚଢ଼ାଉରେ ମହୁଲ ସମେତ ମହୁଲି ମଦ ଜବତ ହୋଇଛି । ଆକ୍ରମଣ ନେଇ ତୁରୁମୁଙ୍ଗା ଥାନାରେ ଅବକାରୀ ବିଭାଗର ଅଭିଯୋଗ କରିବା ପରେ ତୁରୁମୁଙ୍ଗା ପୋଲିସ ଜଣଙ୍କୁ ଅଟକ ରଖି ତଦନ୍ତ କରୁଛି।
