ନୂଆଦିଲ୍ଲୀ,୨୯।୮: ଆଜିର ସମୟରେ ଟଙ୍କା ସଞ୍ଚୟ ଓ ନିବେଶ ପ୍ରତ୍ୟେକ ବ୍ୟକ୍ତିଙ୍କ ପାଇଁ ଏକ ପ୍ରମୁଖ ପ୍ରାଥମିକତା ହୋଇଛି। ବ୍ୟାଙ୍କର ଫିକ୍ସଡ ଡିପୋଜିଟ (FD) ଓ ରେକରିଙ୍ଗ ଡିପୋଜିଟ (RD) ଭଳି ବିକଳ୍ପଗୁଡ଼ିକ ଲୋକପ୍ରିୟ ହେଲେ ମଧ୍ୟ, ସାରାଜୀବନ ଆର୍ଥିକ ସୁରକ୍ଷା ଓ ଉନ୍ନତ ରିଟର୍ଣ୍ଣ ପ୍ରଦାନ କରିବାରେ ଏହା ଅନେକ ସମୟରେ ଅପର୍ଯ୍ୟାପ୍ତ ହୋଇଥାଏ। ଏହାକୁ ଦୃଷ୍ଟିରେ ରଖି ଭାରତୀୟ ଜୀବନ ବୀମା ନିଗମ (ଏଲ୍ଆଇସି) ଆରମ୍ଭ କରିଛି ଜୀବନ ଲକ୍ଷ୍ୟ ଯୋଜନା, ଯାହା କେବଳ ନିବେଶରେ ସୁରକ୍ଷା ନୁହେଁ, ଜୀବନ ସାରା ନିୟମିତ ଆୟ ମଧ୍ୟ ପ୍ରଦାନ କରେ।
ଜୀବନ ଲକ୍ଷ୍ୟ ଯୋଜନା କ’ଣ?
ଜୀବନ ଲକ୍ଷ୍ୟ ହେଉଛି ଏକ ଲାଭଜନକ ବୀମା ଯୋଜନା, ଯେଉଁଥିରେ ଆପଣଙ୍କୁ ଏକ ନିର୍ଦ୍ଧିଷ୍ଟ ଅବଧି ପାଇଁ ପ୍ରିମିୟମ ଜମା କରିବାକୁ ହୁଏ। ଏହାପରେ ଆପଣଙ୍କୁ କେବଳ ବୀମା ସୁରକ୍ଷା ନୁହେଁ, ଯୋଜନା ଶେଷ ହେବା ପରେ ଏକ ବଡ଼ ରାଶି ମଧ୍ୟ ମିଳିଥାଏ। ଏହି ଯୋଜନା ସେହି ବ୍ୟକ୍ତିଙ୍କ ପାଇଁ ବିଶେଷ ଉପଯୋଗୀ, ଯେଉଁମାନେ ଫିକ୍ସଡ ଡିପୋଜିଟ ଓ ରେକରିଙ୍ଗ ଡିପୋଜିଟ୍ଠାରୁ ଅଧିକ ରିଟର୍ଣ୍ଣ ଏବଂ ଜୀବନଭର ଆର୍ଥିକ ସୁରକ୍ଷା ଚାହାଁନ୍ତି।
ଜୀବନ ଲକ୍ଷ୍ୟ ଯୋଜନାର ମୁଖ୍ୟ ବୈଶିଷ୍ଟ୍ୟ
ଆର୍ଥିକ ସୁରକ୍ଷା ଓ ଆୟର ସଂଯୋଗ: ଏହି ଯୋଜନାରେ ବୀମାଧାରୀଙ୍କ ମୃତ୍ୟୁ ହେଲେ ତାଙ୍କ ପରିବାରକୁ ଆର୍ଥିକ ସୁରକ୍ଷା ମିଳିଥାଏ। ଏହା ସହିତ ଯୋଜନାର ଅବଧି ଶେଷ ହେବା ପରେ ଏକ ବଡ଼ ରାଶି ପେମେଣ୍ଟ ମିଳିଥାଏ।ନିୟମିତ ପ୍ରିମିୟମ ପେମେଣ୍ଟ: ଆପଣ ନିଜର ସୁବିଧା ଅନୁସାରେ ମାସିକ, ତ୍ରୈମାସିକ, ଅର୍ଦ୍ଧବାର୍ଷିକ କିମ୍ବା ବାର୍ଷିକ ପ୍ରିମିୟମ ଭରିପାରିବେ।
ବୋନସ୍ର ସୁବିଧା: ଯୋଜନାର ଶେଷରେ ବୋନସ ମିଳିଥାଏ, ଯାହା ଆପଣଙ୍କ ରାଶିକୁ ଆହୁରି ବୃଦ୍ଧି କରିଥାଏ।
ଜୀବନସାରା ରିଟର୍ଣ୍ଣ: ଏହି ଯୋଜନାରେ ଆପଣ ଜୀବନଭର ପେନ୍ସନ କିମ୍ବା ନିୟମିତ ଆୟର ବିକଳ୍ପ ମଧ୍ୟ ବାଛି ପାରିବେ, ଯାହା ଆପଣଙ୍କୁ ଆର୍ଥିକ ସ୍ଥିରତା ପ୍ରଦାନ କରିଥାଏ।
ଟ୍ୟାକ୍ସ ଲାଭ: ଏହି ଯୋଜନାର ପ୍ରିମିୟମରେ ଆୟକର ଆଇନର ଧାରା ୮୦C ଅନୁଯାୟୀ ଟ୍ୟାକ୍ସ ଛାଡ଼ ମିଳିଥାଏ, ଯାହା ଆପଣଙ୍କ ସଞ୍ଚୟକୁ ଆହୁରି ବୃଦ୍ଧି କରିଥାଏ।
ଜୀବନ ଲକ୍ଷ୍ୟ ଯୋଜନାର ମୁଖ୍ୟ ଫିଚର୍ସ ଓ ହାଇଲାଇଟ୍ସ
ବୀମା ରାଶି (Sum Assured): ନ୍ୟୂନତମ – ₹୧,୦୦,୦୦୦, ଅଧିକତମ – କୌଣସି ସୀମା ନାହିଁ। ରାଶି ₹୧୦,୦୦୦ର ଗୁଣକରେ ହୋଇପାରେ।
ପଲିସି ଅବଧି: ୧୩ରୁ ୨୫ ବର୍ଷ ପର୍ଯ୍ୟନ୍ତ।
ପ୍ରିମିୟମ ପେମେଣ୍ଟ ମୋଡ: ବାର୍ଷିକ, ଛମାସିକ, ତ୍ରୈମାସିକ ଓ ମାସିକ। ଏହା ସହିତ ଇଲେକ୍ଟ୍ରୋନିକ କ୍ଲିୟରିଂ ସର୍ଭିସ (ECS) ମାଧ୍ୟମରେ ପେମେଣ୍ଟର ସୁବିଧା ମଧ୍ୟ ଉପଲବ୍ଧ।
ପ୍ରିମିୟମ ପେମେଣ୍ଟ ଅବଧି: ପଲିସି ଅବଧିଠାରୁ ୩ ବର୍ଷ କମ।
ପ୍ରବେଶ ବୟସ: ନ୍ୟୁନତମ – ୧୮ ବର୍ଷ (ପୂର୍ଣ୍ଣ ହୋଇଥିବା), ଅଧିକ- ୫୦ ବର୍ଷ (ନିକଟତମ ଜନ୍ମଦିନ ଅନୁଯାୟୀ)।
ଅଧିକ ପରିପକ୍ୱତା ବୟସ: ୬୫ ବର୍ଷ (ନିକଟତମ ଜନ୍ମଦିନ ଅନୁଯାୟୀ)
ବୋନସ: ଏହା ଏକ ଉଇଥ୍ ପ୍ରଫିଟ ଏଣ୍ଡୋମେଣ୍ଟ ଆଶ୍ୟୁରାନ୍ସ ଯୋଜନା।
ଏଲଆଇସି ଦ୍ୱାରା ଅର୍ଜିତ ଲାଭ ସରଳ ରିଭର୍ସନାରୀ ବୋନସ ଓ ଅନ୍ତିମ ଅତିରିକ୍ତ ବୋନସ (ଯଦି ଲାଗୁ ହୁଏ) ରୂପେ ପ୍ରଦାନ କରାଯାଏ, ଯାହା ପରିପକ୍ୱତା ସମୟରେ ମିଳିଥାଏ।
ବୈକଳ୍ପିକ ରାଇଡର୍ସ: ଏହି ପଲିସି ସହିତ ଦୁଇଟି ବୈକଳ୍ପିକ ରାଇଡର୍ ନିଆଯାଇପାରେ – ଏଲଆଇସି ଦୁର୍ଘଟଣାଜନିତ ମୃତ୍ୟୁ ଓ ଅକ୍ଷମତା ଲାଭ ରାଇଡର୍ ଏବଂ ଏଲଆଇସି ନୂଆ ଟର୍ମ ଆଶ୍ୟୁରାନ୍ସ ରାଇଡର୍।
ଏଫ୍ଡି-ଆର୍ଡିଠାରୁ ଜୀବନ ଲକ୍ଷ୍ୟ କାହିଁକି ଉତ୍ତମ?
ଏଫ୍ଡି ଓ ଆର୍ଡିରେ ଆପଣଙ୍କୁ ନିର୍ଦ୍ଧିଷ୍ଟ ସୁଧ ମିଳିଥାଏ, କିନ୍ତୁ ସୁଧ ହାର ସମୟ ସହିତ ହ୍ରାସ ବା ବୃଦ୍ଧି ପାଇଥାଏ ଏବଂ ଟ୍ୟାକ୍ସ ପରେ ସଞ୍ଚୟ କମ ହୋଇଥାଏ। ଅନ୍ୟପକ୍ଷରେ, ଜୀବନ ଲକ୍ଷ୍ୟ ଯୋଜନା ଆପଣଙ୍କୁ ବୀମା ସୁରକ୍ଷା ସହିତ ବୋନସ ଓ ଲାଭାଂଶ ପ୍ରଦାନ କରିଥାଏ, ଯାହା ମୋଟ ରିଟର୍ନକୁ ବୃଦ୍ଧି କରିଥାଏ। ଏହା ସହିତ, ଆର୍ଥିକ ଜରୁରୀ ସ୍ଥିତିରେ ଏହା ଏକ ସୁରକ୍ଷା କବଚ ଭାବେ କାମ କରିଥାଏ। ଏହି ଯୋଜନା ବିଷୟରେ ଅଧିକ ଜାଣିବା ପାଇଁ ନିକଟସ୍ଥ ଏଲ୍ଆଇସି ଶାଖା କିମ୍ବା ଅଫିସିଆଲ ୱେବସାଇଟ୍ ସହ ଯୋଗାଯୋଗ କରନ୍ତୁ।
