ଆଳି,୩ା୩ (ଡି.ଏନ.ଏ.): କଟକ-ଚାନ୍ଦବାଲି ରାସ୍ତାର ଆଳି ଥାନା ଅନ୍ତର୍ଗତ ସିଙ୍ଗିରି କଟବନ୍ଧ ଛକ ନିକଟରେ ବାରମ୍ବାର ଦୁର୍ଘଟଣା ଘଟି ଧନ ଜୀବନ ନଷ୍ଟ ହେଉଥିବାରୁ ଓ ଆଇନ ଶୃଙ୍ଖଳା ବ୍ୟାହତ ହେଉଥିବାରୁ ପୋଲିସ ମୁଣ୍ଡ ବ୍ୟଥାର କାରଣ ପାଲଟୁଛି। ଏହି ସ୍ଥାନକୁ ଦୁର୍ଘଟଣା ପ୍ରବଣ ଅଞ୍ଚଳ ଭାବେ ଘୋଷଣା କରିବାକୁ ଆଳି ଥାନା ଆଇଆଇସି ଦିଲୀପ ସାହୁ କେନ୍ଦ୍ରାପଡ଼ା ପରିବହନ ବିଭାଗଙ୍କୁ ଚିଠି ଲେଖିଥିବା ଜଣାପଡିଛି। ଆଇଆଇସି ସାହୁ ତାଙ୍କ ଚିଠିରେ ଉଲ୍ଲେଖ କରିଛନ୍ତି ଯେ, ୩ ବର୍ଷ ମଧ୍ୟରେ କଟକ-ଚାନ୍ଦବାଲି ରାସ୍ତାର ସିଙ୍ଗିରି ନିକଟସ୍ଥ କଟ୍ବନ୍ଧଠାରେ ୮ ଟି ବଡ଼ ବଡ଼ ଦୁର୍ଘଟଣା ଘଟି ଧନ ଜୀବନ ନଷ୍ଟ ହୋଇଛି। ସେଥିପାଇଁ ବାରମ୍ବାର ରାସ୍ତାରୋକୋ କରାଯିବା ପୋଲିସ ଓ ପ୍ରଶାସନ ପାଇଁ ଅସୁବିଧା ସୃଷ୍ଟି କରୁଛି। ଗତ ୨୬ା୨ା୨୩ରେ ଚଣ୍ଡିଆଗଡ଼ି ଗଁାର ଦିଗମ୍ବର ଦାଶ ସିଙ୍ଗିରି ବଜାରରୁ ଫେରୁଥିବାବେଳେ କଟ୍ ବନ୍ଧଠାରେ ଦୁର୍ଘଟଣାଗ୍ରସ୍ତ ହୋଇ ସେହି ସ୍ଥାନରେ ମୃତ୍ୟୁବରଣ କରିଥିଲେ। ଏହାକୁ କେନ୍ଦ୍ରକରି ସ୍ଥାନୀୟ ଲୋକମାନେ ସଙ୍ଗେସଙ୍ଗେ ରାସ୍ତାରୋକୋ କରିଥିଲେ। ସେମାନେ ଏହି ସ୍ଥାନକୁ ବ୍ଲାକ ସ୍ପଟ୍ ଭାବେ ଘୋଷଣା କରିବାକୁ ଅଡ଼ି ବସିଥିଲେ। ଆଳି ତହସିଲଦାର ଓ ପଟ୍ଟାମୁଣ୍ଡାଇ ଏସ୍ଡିପିଓ ଏହାର ବ୍ୟବସ୍ଥା କରିବାକୁ ପ୍ରତିଶ୍ରୁତି ଦେବା ପରେ ରାସ୍ତାରୋକୋ ପ୍ରତ୍ୟାହୃତ ହୋଇଥିଲା। କେବଳ ଏହି ଗୋଟିଏ ଦୁର୍ଘଟଣା ନୁହେଁ ୨୦ା୨ା୨୩ରେ ପଟ୍ଟାମୁଣ୍ଡାଇ ବଡ଼ଗରା ଅଞ୍ଚଳର ମନୋଜ କୁମାର ରାଉତ, ଯାଜପୁର କଣ୍ଟିତରାର ବିଶ୍ୱଜିତ ବେହୁରିଆ। ୪ା୧ା୨୩ରେ ଏକ ଯାତ୍ରୀବାହୀ ବସ୍ ଏକ ହାଇୱାକୁ ଧକ୍କା ଦେଇ ଓଲଟି ପଡ଼ିବାରୁ ଦୁର୍ଘଟଣାରେ ୪୦ରୁ ଊର୍ଦ୍ଧ୍ୱ ଆହତ ହୋଇଥିଲେ। ୩ା୨ା୨୨ରେ ରାଜକନିକା ରାଉତ ବର୍ତ୍ତନିର ଅଟୋ ଡ୍ରାଇଭର ରାଜେଶ କୁମାର ନାଥ, ୧୧ା୧୧ା୨୦ରେ ସିଙ୍ଗିରିର ବୈକୁଣ୍ଠ ପାତ୍ର, ୨୧ା୭ା୨୦ରେ ସଂସିଧା ମଙ୍ଗରାଜପୁର ଗଁାର ନିର୍ମଳ କୁମାର ସେଠୀ, ୨୫ାା୧ା୨୦ରେ ପଟ୍ଟାମୁଣ୍ଡାଇ ମଠସାହିର ସନ୍ତୋଷ କୁମାର ସାହୁ ଏହି ନିର୍ଦ୍ଧିଷ୍ଟ ସ୍ଥାନରେ ଦୁର୍ଘଟଣାର ଶିକାର ହୋଇଥିଲେ। ସବୁଠାରୁ ଗୁରୁତ୍ୱପୂର୍ଣ୍ଣ ବିଷୟ ହେଲା ଏହି ସ୍ଥାନରେ ଦୁର୍ଘଟଣାରେ ଶିକାର ହୋଇଥିବା ସମସ୍ତଙ୍କ ମୃତ୍ୟୁ ଘଟିଥିଲା। ତୁରନ୍ତ ଏହାକୁ ଦୁର୍ଘଟଣା ପ୍ରବଣ ଘୋଷଣା କରିବାକୁ ବୁଦ୍ଧିଜୀବୀ ମହଲରେ ମଧ୍ୟ ଆଶା ପୋଷଣ କରାଯାଇଛି। ଆଇଆଇସି ଏହି ଚିଠିର ଏକକିତା ନକଲ କେନ୍ଦ୍ରାପଡ଼ା ଜିଲାପାଳ, ଏସ୍ପି, ରାସ୍ତା ଓ ଗୃହ ନିର୍ମାଣ ବିଭାଗର କାର୍ଯ୍ୟନିର୍ବାହୀ ଯନ୍ତ୍ରୀଙ୍କୁ ମଧ୍ୟ ପ୍ରଦାନ କରିଛନ୍ତି।
