Posted inଖେଳ

‘ପଡ଼ିଆରୁ ମିଳିଥିବା ଶିକ୍ଷା ଗୁରୁତ୍ୱପୂର୍ଣ୍ଣ’

କଳିଙ୍ଗ ଷ୍ଟାଡିୟମରେ ପ୍ରଥମଥର ପାଇଁ ଅନୁଷ୍ଠିତ ହୋଇଛି ୧୭ ବର୍ଷରୁ କମ୍‌ ମହିଳା ଫିଫା ବିଶ୍ୱକପ୍‌ର ଗ୍ରୁପ୍‌ ପର୍ଯ୍ୟାୟ। ଏଠାରେ ଆୟୋଜକ ଭାରତ ଗ୍ରୁପ୍‌ ‘ଏ’ରେ ୩ଟି ମ୍ୟାଚ ଖେଳିଥିବାବେଳେ ଆମେରିକାଠାରୁ ୦-୮, ମରକ୍କୋଠାରୁ ୦-୩ ଓ ବ୍ରାଜିଲଠାରୁ ୦-୫ ଗୋଲରେ ପରାଜିତ ହୋଇଥିଲା। ଓଡ଼ିଶା ଦର୍ଶକ କଳିଙ୍ଗରେ ଭାରତୀୟ ଦଳକୁ ଭରପୂର ସମର୍ଥନ ଜଣାଇଥିଲେ। ଭାରତୀୟ ଦଳ ପ୍ରଥମଥର ପାଇଁ ଏପରି ଏକ ବଡ଼ ପ୍ରତିଯୋଗିତାରେ ଖେଳିବା ସୁଯୋଗ ପାଇଥିବାରୁ ଅନେକ କିଛି ଶିଖିଥିଲା। ଘରୋଇ ଦଳର ପ୍ରଦର୍ଶନ ଏବଂ ଭବିଷ୍ୟତକୁ ନେଇ ନିଜର ମତ ରଖିଛନ୍ତି ମୁଖ୍ୟ କୋଚ୍‌ ଥୋମାସ ଡେନର୍ବି।

୩ଟି ମ୍ୟାଚର ଫଳାଫଳକୁ ନେଇ କ’ଣ କହିବେ ?
ଭାରତୀୟ ଦଳ ଭାବେ ଫିଫା ବିଶ୍ୱକପ୍‌ରେ ପଏଣ୍ଟ ହାସଲ କରିବା ଆମର ମୁଖ୍ୟ ଲକ୍ଷ୍ୟ ଥିଲା। ଏହା ହୋଇପାରିଲା ନାହିଁ। ଆମେ ଅନେକ ଯୋଜନା କରିଥିଲେ ହେଁ ତାହା କାର୍ଯ୍ୟକାରୀ ହୋଇପାରିନାହିଁ। ତେବେ ଭାରତୀୟ ମହିଳାମାନେ ଯେପରି ମ୍ୟାଚ ପରେ ମ୍ୟାଚ ଉନ୍ନତ ପ୍ରଦର୍ଶନ ଦେଲେ ସେଥିରେ ମୁଁ ଗର୍ବିତ। ବିଶେଷ କରି ବ୍ରାଜିଲ ବିପକ୍ଷ ମ୍ୟାଚରେ ଦଳ ଯେପରି ଲଢ଼ୁଆ ପ୍ରଦର୍ଶନ କଲା ସେଥିରୁ ଅଧିକାଂଶ ଭାରାତୀୟ ନିଶ୍ଚିତ ଗର୍ବ ଅନୁଭବ କରିଥିବେ। ଅନେକ ସମୟରେ ଭାରତ ଉତ୍ତମ କମ୍ବିନେଶନରେ ଖେଳିଥିଲା। ତେଣୁ ଆମେ ଠିକ୍‌ ପଥରେ ଅଛୁ ବୋଲି କହିହେବ।
ଖେଳାଳିଙ୍କ ପ୍ରଦର୍ଶନର ସକାରାତ୍ମକ ଦିଗ କ’ଣ ଥିଲା ?
ଭଲଭାବେ ଡିଫେଣ୍ଡ କରିଥିଲୁ। ୯୦ ମିନିଟ ଖେଳରେ ଅଧିକାଂଶ ସମୟ ଶୃଙ୍ଖଳିତ ପ୍ରଦର୍ଶନ ମଧ୍ୟ ଦେଇଥିଲୁ। କେତେକ ସମୟରେ ଆମେ ସାମାନ୍ୟ ଭୁଲ କରିଥିଲୁ। ଆମେ ଯଦି ଟପ୍‌ ଟିମ୍‌ଗୁଡ଼ିକ ବିପକ୍ଷରେ ତାହା କରିବୁ ତେବେ ସେମାନେ ନିଶ୍ଚିତ କ୍ଷତି ପହଞ୍ଚାଇବେ। ଆମକୁ ଏଥିରୁ ଶିଖିବାର ଅଛି। କେବଳ କ୍ଲାସ୍‌ରୁମ୍‌ରେ ଶିଖିବା ସବୁକିଛି ନୁହେଁ, ପଡ଼ିଆରେ ମଧ୍ୟ ବହୁତ କିଛି ଶିଖିବାକୁ ପଡ଼ିବ। ସର୍ବଦା ମୁଣ୍ଡକୁ ଥଣ୍ଡା ରଖିପାରିଲେ ଛୋଟଛୋଟ ତ୍ରୁଟି କମ୍‌ ହେବ। ପରାଜୟ ପାଇଁ ପିଲାମାନଙ୍କୁ ଦୋଷ ଦେବା ଉଚିତ ନୁହେଁ। ସେମାନେ ଲଢ଼େଇ କରିଛନ୍ତି ଏବଂ ଯେତେଦୂର ସମ୍ଭବ ଶ୍ରେଷ୍ଠ ପ୍ରଦର୍ଶନ କରିଛନ୍ତି। ପିଲାମାନେ କେବେ କ୍ଳାନ୍ତ ହୋଇ ନ ଥିଲେ। ତେଣୁ ଖେଳାଳିଙ୍କ ଫିଟ୍‌ନେସ ସ୍ତରରେ ମୁଁ ବହୁତ ଖୁସି।
ସବୁ ଶିଖିବାକୁ ମିଳିଲା ?
ନିଜକୁ ଯେତେ ସହଜ ମଣିବ ସେତେ ଭଲ ଖେଳିପାରିବ। ନିଜର ଶକ୍ତି ସାମର୍ଥ୍ୟ ଉପରେ ବିଶ୍ୱାସ କରିବା ଉଚିତ ଏବଂ ତାକୁ ଉପଯୋଗ କରି ଆଗକୁ ବଢ଼ିବା ଆବଶ୍ୟକ। ଫିଟ୍‌ନେସ ସ୍ତର, ସହନଶକ୍ତି ହେଉ କିମ୍ବା ସ୍ପିଡ୍‌ ଓ ସ୍ପ୍ରିଣ୍ଟ ଆମ ପାଇଁ ଏହା ଏବେ ଆଉ ସମସ୍ୟା ହୋଇ ନାହିଁ ବୋଲି ଅନୁଭବ କରୁଛି। ଆମକୁ ଆକ୍ରମଣାତ୍ମକ ଦିଗ ଉପରେ ଅଧିକ କାମ କରିବାକୁ ପଡ଼ିବ। ବିପକ୍ଷ ଦଳର ବକ୍ସରେ ବଲ୍‌ ରଖିବା, ପାସ୍‌, ଫିନିଶିଂ, ଅନ୍ତିମ ପାସ୍‌ ଦେବାବେଳେ ଉପସ୍ଥିତ ବୁଦ୍ଧି ଖଟାଇବା ଆଦି ଉପରେ ଫୋକସ କରିବାକୁ ହେବ। ତେବେ ଏଥିପାଇଁ ସମୟ ଲାଗିବ।
ପିଲାମାନଙ୍କୁ କିପରି ଫାଇଦା ମିଳିଛି ?
ଗେମ୍‌ ଖେଳିବା ପରେ ସେମାନଙ୍କ ଅଭିଜ୍ଞତା ବଢ଼ିଛି। ଏବେ ସେମାନଙ୍କ ମନରେ ବିଶେଷ ଭୟ ନାହିଁ। ଆମେରିକା ବିପକ୍ଷ ମ୍ୟାଚରେ ପିଲାମାନେ ଅଧିକ ଭୟଭୀତ ହୋଇ ଯାଇଥିଲେ ବୋଲି ମୋର ଅନୁଭବ ହୋଇଥିଲା। ମାତ୍ର ପରବର୍ତ୍ତୀ ମ୍ୟାଚଗୁଡ଼ିକରେ ତାହା କମିଥିଲା। ପିଲାମାନେ ଶୃଙ୍ଖଳିତ ପ୍ରଦର୍ଶନ କରିଥିଲେ। ତେବେ ୧୪-୧୫ ବର୍ଷର ପିଲାଙ୍କୁ ୫ ମାସ ଟ୍ରେନିଂ ଦେଇ ଅନ୍ତର୍ଜାତୀୟ ମ୍ୟାଚ ପାଇଁ ପ୍ରସ୍ତୁତ କରିବା ପର୍ଯ୍ୟାପ୍ତ ନୁହେଁ। ଏଥିରେ ଅନେକ କିଛି ପରିବର୍ତ୍ତନ ହୋଇପାରିବ ନାହିଁ କିମ୍ବା ଶିଖି ହେବନାହିଁ। ସାମଗ୍ରିକ ଦୃଷ୍ଟିକୋଣରୁ ଦେଖିଲେ ଏବଂ ଅନ୍ୟ ଦଳଗୁଡ଼ିକର ପ୍ରସ୍ତୁତିକୁ ବିଚାରକୁ ନେଲେ କମ୍‌ ଦିନ ଟ୍ରେନିଂ ନେଇ ପିଲାମାନେ ଭଲ ଖେଳିଛନ୍ତି ।
ଦଳକୁ ସମର୍ଥନ ପାଇଁ ଷ୍ଟାଡିୟମ ଆସିଥିବା ପ୍ରଶଂସକଙ୍କୁ କ’ଣ ବାର୍ତ୍ତା ଦେବେ ?
ଯେପରି ସମର୍ଥନ ରହିଲା ସେଥିରେ ମୁଁ ବହୁତ ଖୁସି। ବିଶେଷ କରି ଚାପ ସ୍ଥିତିରେ ସମର୍ଥନ ମିଳିବା ସହଜ ହୋଇ ନ ଥାଏ। ପୂରା ମ୍ୟାଚରେ ଦର୍ଶକମାନେ ଆମ ସହିତ ରହିଥିଲେ। ସମ୍ଭବତଃ ଶ୍ରେଷ୍ଠ ଦଳଗୁଡ଼ିକ ବିପକ୍ଷରେ ଆମ ଦଳ ଖେଳିବା କେତେ କଷ୍ଟ ସେମାନେ ତାହା ଅନୁଭବ କରିପାରିଥିଲେ। ଏଥିପାଇଁ ସମସ୍ତ ଦର୍ଶକଙ୍କୁ ହୃଦୟରୁ ଧନ୍ୟବାଦ। ସେମାନେ ପିଲାମାନଙ୍କ ଉପରେ ଭରସା ରଖନ୍ତୁ। ଭାରତୀୟ ଦଳ ନିଶ୍ଚିତ ପ୍ରତ୍ୟାବର୍ତ୍ତନ କରିବ ଏବଂ ଅଧିକରୁ ଅଧିକ ମ୍ୟାଚ ଜିତିବ।


Enter your email to get our daily news in your inbox.

All Right Reserved By Dharitri.Com

ଦିଲ୍ଲୀରେ ଚାଞ୍ଚଲ୍ୟ: ଟ୍ରାଏଲ୍‌ ରୁମ୍‌ରେ ମହିଳା କର୍ମଚାରୀଙ୍କୁ ଗଳାକାଟି ହତ୍ୟା

ନୂଆଦିଲ୍ଲୀ,୧୫ା୧୧: ଦିଲ୍ଲୀର ଏକ ପୋଷାକ ଶୋ’ରୁମ୍‌ରେ କାମ କରୁଥିବା ଜଣେ ୧୮ ବର୍ଷୀୟା କର୍ମଚାରୀଙ୍କୁ ଟ୍ରାଏଲ୍‌ ରୁମ୍‌ରେ ଗଳାକାଟି ହତ୍ୟା କରାଯାଇଛି। ବ୍ୟକ୍ତିଗତ ସମ୍ପର୍କରେ ଫାଟ ଏବଂ…

ଏହି ୪ଟି ରାଶି ପାଇଁ ଆଗକୁ ରହିଛି କଠିନ ସମୟ, ସତର୍କ ନ ରହିଲେ ବଡ଼ ବିପଦ…

୧୬ ନଭେମ୍ବର ୨୦୨୬ରେ ସୂର୍ଯ୍ୟଦେବ ବିଛା ରାଶିକୁ ପ୍ରବେଶ କରିବେ। ଜ୍ୟୋତିଷ ଶାସ୍ତ୍ର ଅନୁସାରେ, ଏହି ଗୋଚରର ପ୍ରଭାବ କିଛି ରାଶିର ଜାତକଙ୍କ ଜୀବନରେ ପଡ଼ିପାରେ। ବିଶେଷକରି…

ଅତି ଖରାପ ସ୍ଥିତିରେ ଦିଲ୍ଲୀ ବାୟୁ ଗୁଣବତ୍ତା, ଘେରି ରହୁଛି ଧୂଳି, ଧୂଆଁର ଘନ ଆସ୍ତରଣ

ନୂଆଦିଲ୍ଲୀ,୧୫ା୧୧: ଦିଲ୍ଲୀର ବାୟୁ ଗୁଣବତ୍ତା ସୂଚକାଙ୍କ (ଏକ୍ୟୁଆଇ) ରବିବାର ସକାଳେ ଅଧିକାଂଶ ପର୍ଯ୍ୟବେକ୍ଷଣ କେନ୍ଦ୍ରରେ ଅତି ଖରାପ ଦର୍ଶାଇଥିବା ବେଳେ ୭ଟିରେ ଗମ୍ଭୀର ସ୍ଥିତି ଦର୍ଶାଇଛି। ମୋଟାମୋଟି…

ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ: ଏକାଠି ହେଲେ କନ୍ଧମାଳ,ଗଜପତିର ଆଦିବାସୀ ସମାଜ

ବ୍ରାହ୍ମଣୀଗାଁ,୧୫।୧୧(ମନୋରଞ୍ଜନ ରଣା): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅନ୍ତର୍ଗତ ବ୍ରାହ୍ମଣୀଗାଁ ଶିବ ମନ୍ଦିର ପଡ଼ିଆରେ ରବିବାର ଭଗବାନ ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ ପାଳିତ ହୋଇଯାଇଛି।…

ଗୁଣପୁରରେ ମହିଳାଙ୍କୁ ଧାରୁଆ ଅସ୍ତ୍ରରେ ମରଣାନ୍ତକ ଆକ୍ରମଣ

ଗୁଣପୁର,୧୫।୧୧(ସୁଜାତା ପାଢ଼ୀ): ରାୟଗଡ଼ା ଜିଲା ଗୁଣପୁର ଥାନା ଅନ୍ତର୍ଗତ ହାଉସିଂ ବୋର୍ଡ କଲୋନୀରେ ଜଣେ ମହିଳାଙ୍କୁ ମରଣାନ୍ତକ ଆକ୍ରମଣ ହୋଇଥିବା ଘଟଣା ସାମ୍ନାକୁ ଆସିଛି। ମିଳିଥିବା ସୂଚନା…

କେରଳ ହାଇକୋର୍ଟଙ୍କ ବଡ଼ ପ୍ରସ୍ତାବ, କିଶୋର ବୟସର ସୀମା ୧୮ରୁ ୧୬ ବର୍ଷକୁ ହ୍ରାସ….

କୋଚି,୧୫ା୧୧: ନାବାଳକ ବୟସ ସୀମାକୁ ନେଇ ବଡ଼ କଥା କହିଛନ୍ତି କେରଳ ହାଇକୋର୍ଟ । ଅପରାଧର ବଦଳୁଥିବା ସ୍ବରୂପ ଏବଂ ପିଲାମାନଙ୍କଠାରେ ଦେଖାଯାଉଥିବା ପରିପକ୍ୱତାକୁ ଦୃଷ୍ଟିରେ ରଖି…

ଠେଙ୍ଗାରେ ଆକ୍ରମଣ କରି ହତ୍ୟା ଉଦ୍ୟମ, ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୫।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ସାନଖେମୁଣ୍ଡି ବ୍ଲକ ଶ୍ରୀଚନ୍ଦନପୁର ଗ୍ରାମର ବିରୁପାକ୍ଷ ମହାପାତ୍ରଙ୍କୁ ଗ୍ରାମର ହିନ ଗଉଡ଼(୫୦) ଶନିବାର ଅପରାହ୍ନରେ ଏକ ଠେଙ୍ଗାରେ ଆକ୍ରମଣ କରି…

ମାଡ଼ି ଆସୁଛି ବାତ୍ୟା: ମୁକାବିଲା ପାଇଁ ଗଞ୍ଜାମ ପ୍ରଶାସନର ଆଗୁଆ ପ୍ରସ୍ତୁତି

ପୁରୁଷୋତ୍ତମପୁର,୧୫।୧୧(ସବିତା ମିଶ୍ର): ପୁଣି ଏକ ସାମ୍ଭାବ୍ୟ ବାତ୍ୟାର ମୁକାବିଲା ପାଇଁ ପୁରୁଷୋତ୍ତମପୁର ପ୍ରଶାସନ ପକ୍ଷରୁ ଆଗୁଆ ପ୍ରସ୍ତୁତି ସହ ବ୍ୟାପକ ସତର୍କତାମୂଳକ ପଦକ୍ଷେପ ଗ୍ରହଣ କରାଯାଇଛି। ଏନେଇ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?