ପୁରୀ ୧୭ା୧୨( ଅଜିତ୍ କୁମାର ମହାନ୍ତି ): କିଛି ଦିନର ବ୍ୟବଧାନ ପରେ ପୁଣି ଶ୍ରୀମନ୍ଦିର ଭତିରର ଫୋଟ ସୋସିଆଲ ମିଡିଆରେ ଭାଇରାଲ ହୋଇଛି। ତେବେ ଏଥର ଶ୍ରୀମନ୍ଦିର ଗର୍ଭଗୃହ ସହ ଚତୁର୍ଦ୍ଧା ବିଗ୍ରହଙ୍କ ଫୋଟ ଭାଇରାଲ ହୋଇଛି। ଯାହାକୁ ନେଇ ଶ୍ରୀମନ୍ଦିର ସୁରକ୍ଷା ବ୍ୟବସ୍ଥାକୁ ପ୍ରଶ୍ନ ଉଠିଛି। ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଉଥିଲେ ମଧ୍ୟ ବାରମ୍ବାର ଏପରି ଘଟଣା ଦେଖିବାକୁ ମିଳୁଛି। ଯାହାକୁ ନେଇ ପୋଲିସର କାର୍ଯ୍ୟ ଉପରେ ଅସନ୍ତୋଷ ପ୍ରକାଶ କରାଯାଇଛି। ଶ୍ରୀମନ୍ଦିର ଭିତରେ ଓ ବାହାରେ ବ୍ୟାପକ ଭାବରେ ପୋଲିସ ମୁତୟନ ସହ ସିସିଟିଭି ରହିଥିବା ବେଳେ ଏଭଳି ଘଟଣା ବାରମ୍ବାର ସାମ୍ନାକୁ ଆସୁଛି। ଶ୍ରୀମନ୍ଦିର ଚାରିଦ୍ୱାରରେ ପୋଲିସ ପକ୍ଷରୁ କଡ଼ା ଯାଞ୍ଚ ଶ୍ରୀମନ୍ଦିର ଭିତରକୁ ଭକ୍ତଙ୍କୁ ଛଡାଯାଉଛି ତଥାପି ଅନେକ ସମୟରେ ଶ୍ରୀମନ୍ଦିର ଭିତରକୁ କିଭଳି ମୋବାଇଲ ଫୋନ ଭିତରକୁ ଯାଉଛି ଓ ଶ୍ରୀମନ୍ଦିର ଫିଟୋ ଉଠି ସୋସିଆଲ ମିଡିଆରେ ଭାଇରାଲ ହେଉଛି ତାହକୁ ନେଇ ସାଧାରଣରେ ପ୍ରଶ୍ନ ଉଠିଛି ।ତେଣୁ ଏଥିପ୍ରତି ପୋଲିସ ପ୍ରଶାସନ ସହ ଜିଲା ପ୍ରଶାସନ ସୁରକ୍ଷା ନେଇ ଅଧିକ ଗୁରୁତ୍ୱ ଦେବାକୁ ସାଧାରଣରେ ଦାବି କରାଯାଇଛି।
ତେବେ ଜଣେ ବ୍ୟକ୍ତି ତାଙ୍କ ଇନଷ୍ଟାଗ୍ରାମ ଆଇଡିରେ ଶ୍ରୀମନ୍ଦିର ରତ୍ନସିଂହାସନରେ ଶ୍ରୀବିଗ୍ରହଙ୍କ ଫଟୋ ଏବଂ ଶ୍ରୀମନ୍ଦିର ଭିତର ବେଢାର ଫଟୋ ଅପଲୋଡ଼ କରିଥିବା ଦେଖିବାକୁ ମିଳିଛି ।ଯାହାକୁ ନେଇ ବିଭିନ୍ନ ମହଲରେ ଅସନ୍ତୋଷ ବ୍ୟକ୍ତ କରାଯିବା ସହ ଦୃଢ କାର୍ଯ୍ୟାନୁଷ୍ଟାନ ନିମନ୍ତେ ଦାବି କରାଯାଇଛି। ତେବେ ଘଟଣାକୁ ନେଇ ସେବାୟତ ମାନେ କହିଛନ୍ତି କି ଏବେ କିଛିବର୍ଷ ହେବ ଶ୍ରୀମନ୍ଦିର ଭିତର ବେଢା ଫଟୋ ବାରମ୍ବାର ଭାଇରାଲ ହେବାରେ ଲାଗିଛି।
ବର୍ତ୍ତମାନ ଦିନକୁ ଦିନ ଭକ୍ତଙ୍କ ସମାଙ୍ଗମ ବୃଦ୍ଧି ପାଇବାରେ ଲାଗିଛି। ସେହିପରି ଲୋକମାନେ ସେମାନଙ୍କ ସହ ସାଥିରେ ମୋବାଇଲ ନେଇ ପ୍ରବେଶ କରୁଛନ୍ତି। ଯେଉଁଭଳି ଭାବରେ ଚେକିଂ ହେବା କଥା ସେହିଭଳି ଭାବରେ ଚେକିଂ କରାଯାଉନାହିଁ। ଅତ୍ୟାଧିକ ଭକ୍ତ ଆଗମନ କରୁଥିବାରୁ ପ୍ରଶାସନ ଆଧୁନିକ ଯନ୍ତ୍ରପାତିର ବ୍ୟବହାର କରିବାର ଆବଶ୍ୟକ ରହିଛି। ଶ୍ରୀମନ୍ଦିର ଯେତିକି ସୁରକ୍ଷା ବ୍ୟବସ୍ଥା ରହିବା ଦରକାର ତାହା ପର୍ଯ୍ୟାପ୍ତ ହେଉନି । ସେହିପରି ଶ୍ରୀମନ୍ଦିର ଆଇନରେ ପରିବର୍ତ୍ତନ ଅରାଯାଇ ଆଇନ ଉଲଘନ କରୁଥିବା ବ୍ୟକ୍ତିଙ୍କ ଉପରେ କାର୍ଯ୍ୟାନୁଷ୍ଟାନ ଗ୍ରହଣ କରଯାଉ ବୋଲି ଦାବି କରିଛନ୍ତି।
ଏନେଇ ଏସପି ପ୍ରତୀକ ସିଂ କହିଛନ୍ତି କି ଶ୍ରୀମନ୍ଦିର ଗର୍ଭଗୃହର ଫଟୋ ଭାଇରାଲ ହୋଇଥିବା ଘଟଣାଗଣମାଧ୍ୟମରୁ ସୂଚନା ପାଇଲୁ। ଏହି ଘଟଣାକୁ ନେଇ ସିଂହଦ୍ୱାର ଥାନାରେ ଏକ ମାମଲା ରୁଜୁ କରିଛୁ।କେସ ନମ୍ୱର ୨୩୩/୨୫ ଶ୍ରୀଜଗନ୍ନାଥ ଟେମ୍ପୁଲ ଆକ୍ଟରେ ମାମଲା ରୁଜୁ କରାଯାଇଛି। ଯିଏ ଦୋଷୀ ସାବ୍ୟସ୍ତ ହେବ କଡା କାର୍ଯ୍ୟାନୁଷ୍ଠାନ ହେବ।
ଏନେଇ ଆଇନମନ୍ତ୍ରୀ ପୃଥୀରାଜ ହରିଚନ୍ଦନ କହିଛନ୍ତି କି ଶ୍ରୀମନ୍ଦିର ପ୍ରଶାସନ କହିବା ପରେ ମଧ୍ୟ କିଛି ଅମାନିଆ ବ୍ୟକ୍ତି ଏପରି କାର୍ଯ୍ୟ କରୁଛନ୍ତି ସେମାନଙ୍କ ବିରୋଧରେ ଆହୁରୀ କୋଠର ଦଣ୍ଡବିଧାନ କରାଯିବ ତାହାକୁ ନେଇ ଯୋଜନା ଚାଲିଛି। ଏପରି କାର୍ଯ୍ୟ କରୁଥିବା ବ୍ୟକ୍ତି ମହାପ୍ରଭୁଙ୍କ ଦର୍ଶନ କରିବାକୁ ଆସୁନାହାନ୍ତି । ଏଭଳି ଡ୍ରାମା କରି ନିଜର ସୋସିଆଲ ମିଡିଆ ଚଲେଇବାକୁ ଆସୁଛନ୍ତି। ତେଣୁ ଏପରି କାର୍ଯ୍ୟ ଯେପରି ବନ୍ଦ କରିବା ପାଇଁ ବ୍ୟବସ୍ଥା କରାଯାଉଛି। ଶ୍ରୀମନ୍ଦିର ଆଇନର ଆକ୍ଟରେ କିଛି ପରିବର୍ତ୍ତନ ପାଇଁ କଥା ଚାଲିଛି। ଯାହାଫଳରେ ମୋବାଇଲ ଫୋନ, ହିଡେନ କ୍ୟାମେରା, ଫଟୋ ଭାଇରାଲ ଉପରେ କାର୍ଯ୍ୟାନୁଷ୍ଟାନ ଗ୍ରହଣ କରାଯାଇ ପାରିବ। ତେଣୁ ଏନେଇ ବର୍ତ୍ତମାନ ପକ୍ରିୟା ଜାରି ରହିଛି ବୋଲି ଆଇନମନ୍ତ୍ରୀ କହିଛନ୍ତି ।
