ନୂଆଦିଲ୍ଲୀ, ୪।୯ : ଅଭିବ୍ୟକ୍ତିର ସ୍ବାଧୀନତା ଅଭାବ ଥିବା ମନ୍ତବ୍ୟ ପାଇଁ ଆଇନ ମନ୍ତ୍ରୀ କିରେନ ରିଜିଜୁ ସୁପ୍ରିମକୋର୍ଟର ପୂର୍ବତନ ବିଚାରପତି ଜଷ୍ଟିସ ବି.ଏନ. ଶ୍ରୀକୃଷ୍ଣଙ୍କୁ ସମାଲୋଚନା କରିଛନ୍ତି। ରିଜିଜୁ କହିଛନ୍ତି ଯେ ଯେଉଁମାନେ ନିର୍ବାଚିତ ପ୍ରଧାନମନ୍ତ୍ରୀଙ୍କୁ କୌଣସି ପ୍ରତିବନ୍ଧକ ବିନା ନିନ୍ଦା କରନ୍ତି, ସେମାନେ ଅଭିବ୍ୟକ୍ତିର ସ୍ବାଧୀନତା ପାଇଁ ଦୁଃଖ ପ୍ରକାଶ କରୁଛନ୍ତି। ଏକ ଜାତୀୟ ଖବରକାଗଜରେ ପ୍ରକାଶିତ ଜଷ୍ଟିସ ଶ୍ରୀକୃଷ୍ଣଙ୍କ ସାକ୍ଷାତକାର ବିଷୟରେ ଏକ ଟୁଇଟ ଜବାବରେ ରିଜିଜୁ କହିଛନ୍ତି ଯେ ନିର୍ବାଚିତ ପ୍ରଧାନମନ୍ତ୍ରୀଙ୍କୁ ସମାଲୋଚନା କରି ସେଭଳି ଲୋକେ ଅଭିବ୍ୟକ୍ତିର ସ୍ବାଧୀନତାକୁ ନଷ୍ଟ କରିଥାନ୍ତି। କଂଗ୍ରେସ ଦ୍ୱାରା ଲାଗୁ ହୋଇଥିବା ଜରୁରୀକାଳୀନ ପରିସ୍ଥିତି ବିରୋଧରେ ସେମାନେ କଦାପି କହିବେ ନାହିଁ। ସେମାନେ କିଛି ଆଞ୍ଚଳିକ ଦଳର ମୁଖ୍ୟମନ୍ତ୍ରୀଙ୍କୁ ସମାଲୋଚନା କରିବାକୁ ସାହସ କରିବେ ନାହିଁ।
ସର୍ବୋଚ୍ଚ ଅଦାଲତର ବିଚାରପତି କହିଥିଲେ ଯେ ଆଜି ଦେଶରେ ସ୍ଥିତି ବହୁତ ଖରାପ । ମୁଁ ଗ୍ରହଣ କରେ, ଯଦି ମୁଁ ମଇଦାନରେ ଠିଆ ହୋଇ କହିବି ଯେ ମୁଁ ପ୍ରଧାନମନ୍ତ୍ରୀଙ୍କ ଚେହେରାକୁ ପସନ୍ଦ କରେ ନାହିଁ, କେହି ଜଣେ ଆସି ମୋ ବିରୁଦ୍ଧରେ ଚଢ଼଼ାଉ କରିପାରିବେ। ବିନା କାରଣରେ ମୋତେ ଗିରଫ କରି ଜେଲ କରିପାରିବେ। ଏହାକୁ ଆମେ ସମସ୍ତେ ବିରୋଧ କରିବା ଉଚିତ। ରିଜିଜୁ ଏକ ଟୁଇଟ ମାଧ୍ୟମରେ ଏହାର ଉତ୍ତର ଦେଇ କହିଛନ୍ତି ଯେ ସୁପ୍ରିମକୋର୍ଟର ପୂର୍ବତନ ବିଚାରପତି ପ୍ରକୃତରେ ଏହା କହିଛନ୍ତି କି ନାହିଁ ସେ ଜାଣି ନାହାଁନ୍ତି। କାହାର ନାମ ନ ନେଇ ସେ କହିଛନ୍ତି ଯଦି ଏହି ବିବୃତ୍ତି ସତ୍ୟ ତେବେ ବିଚାରପତି ସେବାରୁ ଅବସର ନେଇଥିବା ଅନୁଷ୍ଠାନର ସମ୍ମାନକୁ ହ୍ରାସ କରୁଛନ୍ତି।
ସରକାରୀ କର୍ମଚାରୀମାନେ ଆଇନ, ଶାସନ ଉପରେ ନିଜର ମତ ପ୍ରକାଶ କରିପାରନ୍ତି କି?’ ଶୀର୍ଷକ ଏକ ସାକ୍ଷାତକାରରେ ପୂର୍ବତନ ବିଚାରପତି ଜଷ୍ଟିସ ବି.ଏନ ଶ୍ରୀକୃଷ୍ଣ ଏଭଳି ମତାମତ ଦେଇଥିଲେ।
ତେଲେଙ୍ଗାନା କ୍ୟାଡରର ଜଣେ ଆଇଏଏସ ଅଧିକାରୀ ବିଲକିସ ବାନୋ ମାମଲାରେ ୧୧ ଜଣ ବଳାତ୍କାରୀଙ୍କ ମୁକ୍ତି ସମ୍ପର୍କରେ ନିଜର ମତ ରଖିଥିଲେ। ଏହି ପ୍ରସଙ୍ଗରେ ପୂର୍ବତନ ବିଚାରପତି ଜଷ୍ଟିସ ଶ୍ରୀକୃଷ୍ଣଙ୍କ ସହ ଏକ ସାକ୍ଷାତକାର କରାଯାଇଥିଲା। ଜନତା କି ଅଧିକାରୀ ଭାବରେ ଜଣାଶୁଣା ସ୍ମିତା ସାବରୱାଲ କହିଥିଲେ ଯେ ଜଣେ ମହିଳା ଏବଂ ଜଣେ ସରକାରୀ କର୍ମଚାରୀ ହୋଇଥିବାରୁ ମୁଁ ବିଲକିସ ବାନୋ ମାମଲାରେ ମୁକ୍ତ ହୋଇଥିବା ଦୋଷୀଙ୍କୁ ନେଇ ସରକାରଙ୍କ ନିଷ୍ପତ୍ତି ସହିତ ଏକମତ ନୁହଁ।
