ପାଟନା,୫।୫: ବିହାରରେ ଚାଲିଥିବା ଜାତିଭିତ୍ତିକ ଜନଗଣନା ଉପରେ ପାଟନା ହାଇକୋର୍ଟ ଗୁରୁବାର ସ୍ଥଗିତାଦେଶ ଜାରି କରିଛନ୍ତି। ଏହାର ପରବର୍ତ୍ତୀ ଶୁଣାଣି ଜୁଲାଇ ୩ରେ ହେବ ବୋଲି କୋର୍ଟ କହିଛନ୍ତି। କୋର୍ଟଙ୍କ ଏହି ନିଷ୍ପତ୍ତି ପରେ ବିହାରରେ ରାଜନୀତି ଆରମ୍ଭ ହୋଇଯାଇଛି। ଏହି ସମୟରେ ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବ ଭାଜପାକୁ ଟାର୍ଗେଟ କରିଛନ୍ତି। ଟୁଇଟ କରି କହିଛନ୍ତି, ଜନଗଣନା ହେଉଛି ଅଧିକାଂଶ ଲୋକଙ୍କ ଦାବି ଏବଂ ଏହା ଜାରି ରହିବ। ହେଲେ ଭାଜପା ଜାତି ଜନଗଣନାକୁ ଡରୁଛନ୍ତି କାହିଁକି? ଯିଏ ଜାତି ଜନଗଣନାକୁ ବିରୋଧ କରୁଛି ସେ ସେ ସମାନତା, ମାନବିକତାର ବିରୋଧୀ ଏବଂ ଉଚ୍ଚ-ନିଚ୍ଚ, ଦାରିଦ୍ର, ବେକାରୀ, ପଛୁଆବର୍ଗ, ସାମାଜିକ, ଅର୍ଥନୈତିକ ଭେଦଭାବର ସମର୍ଥକ। ଜାତି ଜନଗଣନାରେ ଭାଜପାର ଚତୁର କୌଶଳ ଏବଂ ଚତୁରତାକୁ ମୁଁ ବୁଝିସାରିଛି।
ଏହାପୂର୍ବରୁ ବିହାରର ଉପମୁଖ୍ୟମନ୍ତ୍ରୀ ତଥା ଲାଲୁଙ୍କ ସାନ ପୁଅ ତେଜସ୍ବୀ ଯାଦବ ମଧ୍ୟ ଗୁରୁବାର ଏକ ବଡ଼ ବିବୃତ୍ତି ଦେଇଛନ୍ତି। ତେଜସ୍ବୀ କହିଛନ୍ତ, ଜାତିଭିତ୍ତିକ ଜନଗଣନା ଲୋକଙ୍କ ହିତ ପାଇଁ ଅଟେ। ଏହି ସର୍ବେକ୍ଷଣର ଦାବି ମଧ୍ୟ ଜନସାଧାରଣଙ୍କଠାରୁ ଆସିଥିଲା। ଏହି ସର୍ବେକ୍ଷଣର ଲାଭ ହେଉଛି ଦାରିଦ୍ର୍ୟ ଦୂର କରିବା, ପଛୁଆବର୍ଗ ଦୂର କରିବା ଏବଂ ସରକାରଙ୍କ ଯୋଜନାର ଲାଭ କିପରି ସମାଜର ଶେଷ ପର୍ଯ୍ୟାୟରେ ପହଞ୍ଚିବ। ଏହା ସବୁ ଥିଲା। ଲୋକଙ୍କ ଆର୍ଥିକ ଅବସ୍ଥା କ’ଣ? ଏହାକୁ ମଧ୍ୟ ଅନ୍ତର୍ଭୁକ୍ତ କରାଯାଇଥିଲା। ଏହି ସର୍ଭେ ଏକ ନିର୍ଦ୍ଦିଷ୍ଟ ଜାତି ବିଷୟରେ ନୁହେଁ, ଏହା ସମସ୍ତଙ୍କ ପାଇଁ ଥିଲା।
जातिगत जनगणना बहुसंख्यक जनता की माँग है और यह हो कर रहेगा। BJP बहुसंख्यक पिछड़ों की गणना से डरती क्यों है?
जो जातीय गणना का विरोधी है वह समता, मानवता, समानता का विरोधी एवं ऊँच-नीच, गरीबी, बेरोजगारी, पिछड़ेपन, सामाजिक व आर्थिक भेदभाव का समर्थक है।
देश की जनता जातिगत जनगणना पर…
— Lalu Prasad Yadav (@laluprasadrjd) May 5, 2023
