ଭୁବନେଶ୍ୱର,୧୭।୧୦: ଦେଶର ପ୍ରମୁଖ ଲଣ୍ଡ୍ରି ବ୍ରାଣ୍ଡ୍ ‘କ୍ୱିକ୍ୱାଶ୍’ର ଆଉ ଏକ ଏକ୍ସକ୍ଲୁସିଭ ଆଉଟଲେଟ ସ୍ଥାନୀୟ ଚନ୍ଦ୍ରଶେଖରପୁର (ଡିଷ୍ଟ୍ରିକ୍ଟ ସେଣ୍ଟର) ଠାରେ ଶନିବାର ଉଦଘାଟିତ ହୋଇଯାଇଛି। ଏହା ପୂର୍ବରୁ କମ୍ପାନୀର ପ୍ରଥମ ଆଉଟଲେଟ ଝାରପଡ଼ାଠାର ରହିଛି। ଏହି ଅବସରରେ ଭୁବନେଶ୍ୱର ମେୟର ସୁଲୋଚନା ଦାସ ମୁଖ୍ୟ ଅତିଥି ଭାବେ ଯୋଗ ଦେଇ ଏହାର ଉଦଘାଟନ କରିଥିଲେ।
ଅନ୍ୟମାନଙ୍କ ମଧ୍ୟରେ ବିଧାୟକ ପ୍ରଣବ କୁମାର ବଳବନ୍ତରାଏ, ବିଧାୟକ ସୁଶାନ୍ତ ରାଉତଙ୍କ ସମେତ ଆଉଟଲେଟ ମାଲିକ ସ୍ମିତାଞ୍ଜଳି ସାହୁ ଏବଂ ମଧୁସ୍ମିତା ରଥ ପ୍ରମୁଖ ଉପସ୍ଥିତ ଥିଲେ। ଏ ସମ୍ପର୍କରେ କ୍ୱିକ୍ୱାଶ୍ ଆଉଟଲେଟ ପାର୍ଟନର ସ୍ମିତାଞ୍ଜଳି ସାହୁ କହିଛନ୍ତି, ଆଜିର ଆଧୁନିକ ଯୁଗର ଲୋକମାନେ ବ୍ୟସ୍ତବହୁଳ ଜୀବନ ଅତିବାହିତ କରୁଛନ୍ତି। ଏପରିକି ସବୁ ବେଳେ ସଫା ପୋଷାକ ପିନ୍ଧିବା ବର୍ତ୍ତମାନ ଏକ ବଡ଼ ଆହ୍ବାନ ଭାବେ ଉଭା ହୋଇଛି। ସେହିଭଳି କ୍ୱିକ୍ୱାଶ୍ ଷ୍ଟୋର ପାର୍ଟନର ମଧୁସ୍ମିତା ରଥ କହିଛନ୍ତି, ଏଠାରେ କେବଳ ୱାଶ୍ ଆଣ୍ଡ୍ ଫୋଲ୍ଡ, ୱାଶ୍ ଆଣ୍ଡ୍ ଆଇରନ୍, ପ୍ରିମିୟମ୍ ଲଣ୍ଡ୍ରି, ଷ୍ଟ୍ରିମ୍ ଆଇରନ ଓ ସାଧାରଣ ଆଇରନ ଭଳି ସେବାକୁ ସୁଲଭ ମୂଲ୍ୟରେ ପିକ୍ ଅପ୍ ଓ ଡ୍ରପ୍ ସୁବିଧା ଉପଲବ୍ଧ। ଅପରପକ୍ଷରେ କମ୍ପାନୀ ୧୦୦% ସ୍ବଚ୍ଛ ଓ ସଂକ୍ରମଣମୁକ୍ତ ସଫା କରିବା ସେବା ପ୍ରଦାନ କରୁଛି ଏବଂ ୨୪ ଘଣ୍ଟା ଭିତରେ ଘରେ ସେବା ପହଞ୍ଚାଇବା ଲାଗି କମ୍ପାନୀ ପ୍ରତିବଦ୍ଧ ରହିଛି।
