ନୂଆଦିଲ୍ଲୀ,୨୩ା୬: ଫିନ୍ଟେକ୍ କମ୍ପାନୀ ସିଆର୍ଇଡି(କ୍ରେଡ୍)ର ମୁଖ୍ୟ କାର୍ଯ୍ୟନିର୍ବାହୀ ପଦରେ ରହିଥିବା କୁନାଲ ଶାହା ତାଙ୍କ ପଦବୀ ଛାଡ଼ି ମେଟାରେ ଯୋଗ ଦେବେ ବୋଲି ସୋମବାର ଘୋଷଣା କରିଛନ୍ତି। ସେ ମେଟା ପ୍ଲାଟଫର୍ମ ଅଧିକୃତ ସୋସିଆଲ ମିଡିଆ ହ୍ବାଟ୍ସଆପ୍କୁ ବିଶ୍ୱସ୍ତରରେ ପରିଚାଳନା କରିବା ଦାୟିତ୍ୱ ଗ୍ରହଣ କରିବେ। ମେଟା ପକ୍ଷରୁ କ୍ରେଡ୍ କମ୍ପାନୀରେ ୯୦୦ ନିୟୁତ ଡଲାର ନିବେଶ କରାଯିବା ପରେ କୁନାଲ ଏଭଳି ନିଷ୍ପତ୍ତି ନେଇଛନ୍ତି। କୌଣସି ଭାରତୀୟ ଉଦ୍ୟୋଗୀ ହ୍ବାଟସ୍ଆପ୍ ଭଳି ଏକ ବିଶ୍ୱସ୍ତରୀୟ ସୋସିଆଲ ମିଡିଆ ପ୍ଲାଟଫର୍ମର ମୁଖ୍ୟ ହେବା ନିଶ୍ଚିତ ଭାବେ ଭାରତୀୟ ଶିଳ୍ପକ୍ଷେତ୍ର ପାଇଁ ଗର୍ବର ବିଷୟ ବୋଲି କୁହାଯାଇଛି।