ମୁମ୍ବାଇ: ନିଜର ଆକ୍ଟିଂ ଟ୍ୟାଲେଣ୍ଟକୁ ନେଇ ଧିରେ ଧିରେ ବଲିଉଡ ଦୁନିଆରେ ନିଜର ଏକ ଭିନ୍ନ ପରିଚୟ ତିଆରି କଲେଣି ନାୟିକା କ୍ରିତି ସାନନ। ୨୦୧୪ରେ ଫିଲ୍ମ ‘ହିରୋପନ୍ଥୀ’ ଜରିଆରେ ବଲିଉଡରେ ଡେବ୍ୟୁ କରିବା ପରେ ସେ ସିନେପ୍ରେମୀଙ୍କୁ ପୈସା ଓ୍ବସୁଲ ମନୋରଞ୍ଜକ ଫିଲ୍ମ ଦେଇ ପ୍ରଭାବିତ କରିବାରେ ସଫଳ ହୋଇଛନ୍ତି। ଏହାର ପ୍ରମାଣ ହେଉଛି ସେ ଜିତିଥିବା ରାଷ୍ଟ୍ରୀୟ ଫିଲ୍ମ ପୁରସ୍କାର ୨୦୨୩। ନିକଟରେ ଅଭିନେତ୍ରୀ ତାଙ୍କ ରିଲେସନଶିପ ଷ୍ଟାଟସ ବିଷୟରେ କଥା ହୋଇଥିଲେ ଓ କହିଥିଲେ ଯେ ସେ କେମିତି ଜୀବନ ସାଥି ଚାହାଁନ୍ତି।
ବଲିଉଡ ଅଭିନେତା ଟାଇଗର ଶ୍ରଫଙ୍କ ସହ କ୍ରିତି ସାନନଙ୍କ ରିଲେସନ ଅଛି ବୋଲି ଗୁଜବ ରହିଛି। ତଥାପି, ସେମାନଙ୍କ ମଧ୍ୟରୁ କେହି ଏହା କେବେ ନିଶ୍ଚିତ କରିନାହାଁନ୍ତି। ପିଙ୍କଭିଲ୍ଲା ସହିତ ଏକ ପୁରୁଣା ସାକ୍ଷାତକାରରେ କ୍ରିତୀଙ୍କ ଭଉଣୀ ନୁପୁର ପ୍ରକାଶ କରଥିଲେ ଯେ କ୍ରିତି ଏପର୍ଯ୍ୟନ୍ତ ଦୁଇଜଣ ଯୁବକଙ୍କୁ ଡେଟ କରିଛନ୍ତି ଏବଂ ତାଙ୍କର ଦୀର୍ଘ ସମ୍ପର୍କ ୨.୫ ବର୍ଷ ଧରି ଚାଲିଥିଲା। ନିକଟରେ ଯେତେବେଳେ ଅଭିନେତ୍ରୀ ଇଣ୍ଡିଆ ଟୁଡେ କନକ୍ଲେଭ ମୁମ୍ବାଇ ୨୦୨୩ରେ ଯୋଗ ଦେଇଥିଲେ, ଶେଷରେ ସେ ତାଙ୍କ ସମ୍ପର୍କ ସ୍ଥିତି ବିଷୟରେ କହିଥିଲେ। କ୍ରିତି ପରିସ୍ଥିତିକୁ ସ୍ପଷ୍ଟ କରି କହିଛନ୍ତି, ସର୍ବପ୍ରଥମେ, ମୁଁ ଆପଣଙ୍କୁ କହିବି ଯେ ମୁଁ ସିଙ୍ଗଲ। ଚାଲ ଏହାକୁ ସ୍ପଷ୍ଟ କରିବା। ବାସ୍ତବରେ, ମୁଁ କିଛି ସମୟ ପାଇଁ ଏକାକୀ ଅଛି।
ସେ କେଉଁ ପ୍ରକାର ପାର୍ଟନର ଚାହୁଁଛନ୍ତି ବୋଲି ପଚରାଯିବାରୁ ଅଭିନେତ୍ରୀ କହିଥିଲେ ଯେ ସେ ଜଣେ ରୋମାଣ୍ଟିକ ବ୍ୟକ୍ତି। ମୁଁ ଯେମିତି ପାର୍ଟନର ଚାହୁଁଛି, ମୁଁ ଭାବୁଛି ମୁଁ ବହୁତ ରୋମାଣ୍ଟିକ ଅଟେ। ମୁଁ ପ୍ରେମରେ ରହିବାକୁ ଚାହେଁ।
ତାଙ୍କ ଫ୍ୟୁଚର ହଜବ୍ୟାଣ୍ଡଙ୍କ ଗୁଣ ବିଷୟରେ କହି ଅଭିନେତ୍ରୀ କହିଛନ୍ତି, ମୁଁ ଚାହୁଁଛି ଯାହା ନିକଟରେ ବହୁତ ସାରା ଭଲପାଇବା ଥିବ ସଚ୍ଚୋଟତା ଥିବ। ମୁଁ ଉଚ୍ଚାଭିଳାଷୀ ଏବଂ ପ୍ରେରଣାଦାୟୀ ଲୋକମାନଙ୍କ ପ୍ରତି ଆକର୍ଷିତ, ଏବଂ ମୋତେ ଯିଏ କୌଣସି ପ୍ରକାରେ ପ୍ରେରଣା ଦିଏ। ମୁଁ ସବୁବେଳେ ଜଣେ ଜୀବନସାଥୀ ଭିତରେ ସେହି ପ୍ରେରଣା ଚାହେଁ। ହଁ, ଆଶା କରୁଛି ମୋ ଠାରୁ ଲମ୍ବା ହେତୁ ଅନେକ ଲୋକ ଅଯୋଗ୍ୟ ହେବେ। ହେଲେ କ୍ରିତି ଏମିତି ଜଣେ ଜୀବନସାଥୀ ଚାହାଁନ୍ତି ଯାହାଙ୍କ ନିକଟରେ ଗୋଟିଏ ଭଲ ହୃଦୟ ଥିବ, ବହୁତ ଭଲ ପାଇବା ଥିବ, ବିଲକୁଲ ସଚ୍ଚା ଓ ଇମାନଦାର ହୋଇଥିବେ।
