ଥିରୁଭାନନ୍ତପୁରମ୍,୧୫।୧: ଭାତରୀୟ ବ୍ୟଟ୍ସମ୍ୟାନ୍ ବିରାଟ କୋହଲି ପୁଣି ନିଜ ପୁରୁଣା ଫର୍ମକୁ ଫେରିଛନ୍ତି। ଶ୍ରୀଲଙ୍କା ବିପକ୍ଷ ତୃତୀୟ ଦିନିକିଆରେ ସେ ୮୫ ବଲରୁ ଶତକ ହାସଲ କରିଛନ୍ତି। ଦିନିକିଆ କ୍ୟାରିୟରରେ ଏହା ତାଙ୍କର ୪୬ ତମ ଶତକ। ଏପରିକି ସିରିଜର ପ୍ରଥମ ମ୍ୟାଚ୍ରେ କୋହଲି ୧୧୩ ରନ୍ର ପାଳି ଖେଳିଥିଲେ। ସିରିଜ୍ରେ ଏହା ହେଉଛି ତାଙ୍କର ଦ୍ୱିତୀୟ ଶତକ। ଦିନିକିଆ କ୍ରିକେଟରେ କୋହଲି ସଚିନ ତେନ୍ଦୁଲକରଙ୍କ ଦିନିକିଆ ଶତକର ରେକର୍ଡର ନିକଟତର ହୋଇଛନ୍ତି। ସଚିନ ଦିନିକିଆରେ ୪୯ ଶତକ ହାସଲ କରିଛନ୍ତି। କୋହଲି ସାମଗ୍ରିକ ଭାବେ ଦୁଇ ନମ୍ବରରେ ଅଛନ୍ତି। ଭାରତ ୧୮ ଜାନୁଆରୀରୁ ନ୍ୟୁଜିଲାଣ୍ଡ ବିପକ୍ଷରେ ୩ ମ୍ୟାଚ ବିଶିଷ୍ଟ ଦିନିକିଆ ସିରିଜ ଖେଳିବାକୁ ଯାଉଛ। ବର୍ତ୍ତମାନ କୋହଲି ମଧ୍ୟ ଏଠାରେ ଭଲ କରିବାକୁ ଚାହୁଁଛନ୍ତି।
ଏହା ହେଉଛି ବିରାଟ କୋହଲିଙ୍କ ଦିନିକିଆ କ୍ୟାରିୟରର ୨୫୯ ତମ ଇନିଂସ। ୪୬ ଶତକ ବ୍ୟତୀତ ସେ ମଧ୍ୟ ୬୪ ଅର୍ଦ୍ଧଶତକ ହାସଲ କରିଛନ୍ତି। ଅର୍ଥାତ୍ ସେ ୧୧୦ ଥର ୫୦ରୁ ଅଧିକ ରନ ଇନିଂସ ଖେଳିଛନ୍ତି। ଏଥିରୁ ତାଙ୍କର ସର୍ବଶ୍ରେଷ୍ଠ ପ୍ରଦର୍ଶନ ଆକଳନ କରାଯାଇପାରେ। ୧୮୩ ରନ ତାଙ୍କର ସର୍ବଶ୍ରେଷ୍ଠ ଇନିଂସ ହୋଇଛି। ତାଙ୍କର ହାରାହାରି ୫୭ରୁ ଅଧିକ ଏବଂ ଷ୍ଟ୍ରାଇକ ହାର ୯୩ରୁ ଅଧିକ।
