ନୂଆଦିଲ୍ଲୀ,୧୬।୯: ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର(ଆର୍ସିବି) ଅଧିନାୟକ ବିରାଟ କୋହଲି ଆଇପିଏଲ୍ର ସବୁଠାରୁ ସଫଳ ବ୍ୟାଟ୍ସମ୍ୟାନ୍। ସେ ଆଇପିଏଲ୍ ପ୍ରଥମ ସିଜିନରୁ ଆର୍ସିବି ସହ ଜଡ଼ିତ ଅଛନ୍ତି। ଲଗାତାର ଗୋଟିଏ ଟିମ୍ରୁ ଖେଳୁଥିବା ସେ ଏକମାତ୍ର ଖେଳାଳି। ଏହି ସମୟ ମଧ୍ୟରେ ସେ ଅନେକ ରେକର୍ଡ ହାସଲ କରିଛନ୍ତି। ଆସନ୍ତା ଦିନରେ ହେବାକୁ ଥିବା ଆଇପିଏଲ୍-୨୦୨୧ ଦ୍ୱିତୀୟ ପର୍ଯ୍ୟାୟରେ ବଡ଼ ଉପଲବ୍ଧି ହାସଲ କରିବାକୁ ଯାଉଛନ୍ତି। ସେ ମଇଦାନକୁ ଓହ୍ଲାଇବା ମାତ୍ରେ ‘ବିରାଟ’ କାରନାମା କରିବେ।
ଆଇପିଏଲ୍ରେ କୋହଲି ନିଜର ୨୦୦ତମ ମ୍ୟାଚ୍ ଖେଳିବେ। ଲିଗ୍ରେ ୨୦୦ ମ୍ୟାଚ୍ ଖେଳିଥିବା ୫ମ ଖେଳାଳି ସେ ପାଲଟିବେ। ତାଙ୍କ ପୂର୍ବରୁ ରୋହିତ ଶର୍ମା, ମହେନ୍ଦ୍ର ସିଂହ ଧୋନୀ, ଦିନେଶ କାର୍ତ୍ତିକ, ସୁରେଶ ରାଇନା ଏହି ତାଲିକାରେ ଅଛନ୍ତି। ତେବେ ଦ୍ୱିତୀୟ ସଂସ୍କରଣରେ କୋଲକାତା ନାଇଟ୍ ରାଇଡର୍ସ(କେକେଆର୍) ବିପକ୍ଷରେ ପ୍ରଥମ ମ୍ୟାଚ୍ ଖେଳିବ ଆର୍ସିବି।
କୋହଲି ଏଯାବତ ୧୯୯ ମ୍ୟାଚ୍ ଖେଳିଥିବା ବେଳେ ସେଥିରେ ସେ ୬୦୭୬ ରନ୍ କରିଛନ୍ତି। ଏଥିରେ ୪୦ ଅର୍ଦ୍ଧଶତକ ଏବଂ ୫ ଶତକ ରହିଛି। ୨୦୨୧ ଆଇପିଏଲ୍ ପ୍ରଥମ ପର୍ଯ୍ୟାୟରେ କୋହଲି ୭ ମ୍ୟାଚ୍ ଖେଳି ସେଥିରେ ୧୯୮ ରନ୍ କରିଛନ୍ତି।
