ଆଇପିଏଲ ୨୦୨୧ର ଗୀତ ପ୍ରକାଶ ପାଇଛି। ‘ଇଣ୍ଡିଆ କା ଆପ୍ନା ମନ୍ତ୍ର’ ନାମକ ଏହି ଗୀତ ଏକ ମିନିଟ ତିରିଶ ସେକେଣ୍ଡର ହୋଇଛି। ଆନ୍ଥେମର ଭିଡିଓ ଆଇପିଏଲର ଅଫିସିଆଲ ଟୁଇଟର ହ୍ୟାଣ୍ଡେଲରେ ଶେୟାର କରଯାଇଛି। ଏହା ସହିତ କ୍ୟାପସନରେ ଲେଖାଯାଇଛି ଯେ ଏହି ଗୀତ ଭାରତର ନୂଆ, ବୋଲ୍ଡ ଏବଂ ଆତ୍ମବିଶ୍ୱାସକୁ ସାଲ୍ୟୁଟ୍ କରୁଛି। ଟୁଇଟରରେ ଏହି ଗୀତ ଉପରେ ମିଶ୍ରିତ ପ୍ରତିକ୍ରିୟା ପ୍ରକାଶ ପାଇଛି। ଏହି ଭିଡିଓରେ ବିରାଟ କୋହଲି ଏବଂ ରୋହିତ ଶର୍ମା ମଧ୍ୟ ଏକାଠି ନାଚୁଥିବାର ନଜର ଆସିଛନ୍ତି। ଆଇପିଏଲର ୧୪ ତମ ସିଜନ ଏପ୍ରିଲ ୯ରୁ ଆରମ୍ଭ ହେବ ଏବଂ ପ୍ରଥମ ମ୍ୟାଚ ମୁମ୍ବାଇ ଇଣ୍ଡିଆନ୍ସ ଏବଂ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ମଧ୍ୟରେ ଖେଳାଯିବ।
